Bakı Dövlət Universitetində konfrans

Bakı Dövlət Universitetnin Elmi Kitabxanasında ulu öndərimiz Heydər Əliyevin anadan olmasının 87-ci ildönümü münasibətilə "Azərbaycan ali məktəb kitabxanalarının informasiyalaşdırılmasının müasir vəziyyəti" mövzusunda keçirilən Respublika Konfransı günün tələbindən doğan bir toplantı idi.

Konfransı açan Əməkdar elm xadimi, professor Abuzər Xələfov giriş sözündə mövcud informasiya cəmiy-yəti və kitabxana işi haqqında məlumat verdikdən sonra toplantıya dəvət olunmuş universitetin elmi işlər üzrə prorektoru İsmayıl Əliyev Konfrans iştirakçılarını universitetin rektoru, akademik Abel Məhərrəmovun adından salamladı və konfransın işinə uğur dilədi. O, qlobal cəmiyyətdə kitabxana və kitabxanaçıların zəhmətini yüksək qiymətləndirərək vurğuladı ki, yaranan hər bir əsər kitabxanaçının ağır zəhməti bahasına əmələ gələn elmi işdir. Alim bir əsər yazır, bununla da işini bitmiş bilir. Kitabxanaçı isə bu elmi işi sistemləşdirir, dünya informasiya şəbəkəsinə daxil edir və bununla da Azərbaycan elmindən Açıq informasiya Cəmiyyətinin hər bir üzvünün istifadəsinə imkan yaradır.

BDU-nun Elmi Kitabxanasının direktoru, Əməkdar mədəniyyət işçisi Sara İbrahimova "Azərbaycan ali məktəb kitabxanalarının informasiyalaşdırılması vəziyyəti və vəzifələrimiz" mövzusunda maraqlı məruzə ilə çıxış etdi. S.İbrahimova vurğuladı ki, yeni informasiya texnologiyalarının tətbiqi və tədrisin yeni formalarının meydana gəlməsi ali məktəb kitabxanaları qarşısında informasiya vasitələrindən imtifadə edilməsinə yeni yanaşma üsulu tələb edir. Hər bir kitabxananın məqsədyönlü fəaliyyətində müasir informasiya texnologiyaları ilə təmin etmək, informasiya cəmiyyətinin əsas vəzifələrindən biridir. Məruzədə Azərbaycan Respublikasının Prezidenti İlham Əliyevin imzaladığı "Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı" və "Ali təhsil sistemində islahatlar üzrə Dövlət Proqramı"ndan irəli gələn tələblər, xüsusən də kitabxana-informasiya resurslarının dünya məkanına inteqrasiya edilməsi, beynəlxalq təcrübənin öyrənilməsi və tətbiqi, müəssisələrarası koordinasiyanın yaranması qeyd olunmuş, həyata keçırılən tədbirlər və qarşıda həllini gözləyən günün vacib məsələləri qeyd olunmuşdur.

Məruzədən sonra kitabxananın saytı nümayiş etdirildi.

Daha sonra fəlsəfə doktoru, kitabxananın kompyuterləşdirilməsi elmi-tədqiqat laboratoriyasının aparıcı elmi işçisi Elçin Məmmədov "Azərbaycan ali məktəb kitabxanalarının kompyuterləşdirilməsinin proqram təminatı", kitabxanının kompyuterləşdirilməsi elmi-tədqiqat laboratoriyasının kiçik elmi işçisi Aygun Hü-seynova, "Elektron kitabxanaların yaradılması metodikası" mövzusundakı məruzələrində kitabxanada görülən işlərin elmi və praktik əsasını qeyd etdilər.

Məruzələrdən sonra Dillər Universiteti Kitabxanasının direktoru Ə.ƏIiyev, Politexnik Universiteti Kitabxanasının direktoru N.Xələfova, Tibb Universiteti Kitabxanasının direktoru M.Novruzov, Slavyan Univesiteti Kitabxanasının direktoru S.ƏIiyeva çıxış etdilər.

Sevil SULTAN

Respublika.- 2010.- 6 may.- S. 6.