Bacarıqlı həkim, sadə insan

Kənd həkimlərimiz

Öz sənətini sevən, ona dərindən yiyələnən təcrübəli həkimlərimiz xalq arasında həmişə nüfuz, hörmət sahibi olublar, Belə "ağ xalatlılar" mızın fədakarlılığı ilə hər gün neçə-neçə insan həyata qayıdır.

Qusarda əhalinin sağlamlığının keşiyində vicdanla, şərəflə duran, onlara canla-başla xidmət edən bacarıqlı həkimlər çoxdur. Belələrindən biri Samur qəsəbə sahə xəstəxanasının baş həkimi Nəriman Osmanovdur. Onun haqqında ilk xoş kəlmələri rayon mərkəzi xəstəxanasının baş həkimi ikram iskəndərovdan eşitdik. Baş həkim söylədi ki, Nəriman Osmanov 30 ildən çoxdur ki, bu şərəfli sənətin sahibidir, insanların sağlamlığı ilə məşğuldur. O, həm yaxşı həkim, həm də sadə insandır. Rəhbərlik etdiyi xəstəxana Samur qəsəbəsi və ətraf kəndlərin əhalisinə nümunəvi tibbi xidmət göstərir. Ərazidə neçə illərdir ki, uşaq ölümü halları aradan qaldırılıb. Əhali arasında kəskin yoluxucu xəstəliklərə tutulmalar müşahidə olunmur. Nəriman həkimin təşkilatçılığı və xüsusi səyi nəticəsində bu xəstəxananın tibbi göstəriciləri həmişə yüksək olur. Onun əməyi dovlət tərəfindən yüksək qiymətləndirilib. 2007-ci ildə "Respublikanın əməkdar həkimi" fəxri adına layiq görülmüşdür.

Nəriman Osmanov mükəmməl tibbi təhsil alıb. Əwəlcə Bakı 2 nömrəli tibb texnikumunu fərqlənmə diplornu ilə, sonra Dağıstan Dövlət Tibb Akademiyasının müalicə-profilaktika fakültəsini bitirib. Rayonun Şirvanoka, Yuxarı Tahircal kəndlərində, Xaçmaz rayon xəstəxanasında çalışıb, Böyük Tibb mərkəzlərindən dəvət alsa da öz doğma kəndində qalıb işləməyi üstün tutub. O, 1997-ci ilin iyul ayından bu günə kimi qəsəbə sahə xəstəxanasına rəhbərlik edir.

Rayon mərkəzindən 40 kilometr aralıda yerləşən Samur sahə xəstəxanası eyni zamanda Yuxarı Zexur, Qullar, Aşağı Tahircal kəndlərini əhatə edib. Bu kəndlərdə ümumilikdə 4000-dən çox əhali yaşayır. Nəriman həkim və onun həmkarlarının səyi nəticəsində tibbi xidmətin səviyyəsi yüksəlmiş, əhali arasında profilaktik tədbirlər genişlənmişdır. Burada difteriya, göy öskürək, tetanus, hepatit, poliomelit və vərəmə qarşı peyvəndləmə işləri bir qayda olaraq vaxtında aparılır.

Xəstəxanada stasionar xidmət də yaxşı təşkil olunmuşdur. Təkcə ötən il burada 80 nəfər xəstə müalicə olunmuşdur. Xəstəxanada yaxşı şərait, səliqə-səhman yaradılığından xəstələr başqa yerlərə üz tutmurlar. Ancaq ağır xəstələr yollayışla mərkəzi xəstəxanaya göndərilir. Nəriman həkim deyir ki, bir çox müayinələri burada apara bilirik. Bu yaxınlarda xəstəxanamız ultrasəs müayinə avdanlığının (UZİ) alınmasına da nail olacaqdır. Nəticədə aparılan müayinələrin keyfiyyəti yuksələcəkdir.

Nəriman həkim daim öz üzərində çalışır, mütaliə edir, müasir tibbi biliklərə yiyələnir. Yeni-yeni mü-alicə üsullarını bacanqla tətbiq etməyə çalışır. Həmişə də narahatdır, harasa tələsir. Tələsir ki, xəstələrin imdadına tez çatsın, insanların itirilmiş sağlamlığını, həyat ritmini daha tez bərpa etsin.

Ziyafəddin BAYRAMOV

Respublika.- 2010.- 6 may.- S. 6.