Ümummilli liderimizin ideyaları daim yaşayacaqdır

Azərbaycan xalqının və dövlətçiliyinin inkişafında misilsiz xidmətləri olan ümummilli lider, milli dövlətçiliyimizin memarı və qurucusu Heydər Əliyevin həyatı, siyasi və dövlətçilik fəaliyyəti tariximizdə müstəsna yer tutur. Yüksək insani keyfiyyətlərinə, dövləti idarəetmə bacarığına, xalqa xidmətinə görə Heydər Əiiyev nadir tarixi şəxsiyyətlər sırasındadır. Bu gün müstəqil Azərbaycan dövlətinin yaşaması və qüdrətli ölkə kimi təşəkkülü üçün Heydər Əliyevə borcluyuq. Heydər Əliyev əmanət olaraq xalqımıza zəngin maddi və mənəvi dəyərlər, siyasi və iqtisadi cəhətdən etibarlı dayaqlar üzərində qurulmuş Azərbaycanı bəxş etdi. Heydər Əliyev deyirdi: "Doğma, canım, varlığım qədər sevdiyim Azərbaycanım mənim qibləgahımdır. Bütün şüurlu ömrümü onun inkişafına, tərəqqisinə həsr etmişəm. Bundan sonrakı ömrümü də onun işıqlı sabahları uğrunda qurban verməyə hazırəm".

Heydər Əliyev 1969-cu il iyulun 14-dən 1982-ci il noyabrın 22-də Siyasi Büronun üzvü, həmin ayın 24-də SSRİ Nazirlər Soveti sədrinin I müavini seçilənə qədər Azərbaycan SSR-ə başçılıq etmişdir. Azərbaycan bu illər ərzində sürətlə və hərtərəfli inkişaf edərək SSRİ-nin dotasiyasız işləyən iki respublikasından birinə çevrilmişdir. Azərbaycan məhz Heydər Əliyevin titanik əməyinin, qeyri-adi işgüzarlığının, rəhbərlik və təşkilatçılıq istedadının sayəsində keçmiş SSRİ-nin ən nüfuzlu subyekti idi. 60-cı illərə qədər sənaye malları asılılığı ilə üzləşən Azərbaycan 70-ci illərdə artıq dünya-nın 65 ölkəsinə 350 adda müxtəlif növ məhsul ixrac edən ölkəyə çevrilmişdi. Respublika həmin illərdə neft, qaz avadanlıqları istehsalına görə dünyada ABŞ-dan sonra ikinci ölkə idi. Heydər Əliyev Azərbaycan SSR-ə rəhbərlik etdiyi dövrdə milli kadrların hazırlanması işinə də xüsusi diqqət yetirirdi. Məhz onun təşəbbüsünün nəticəsi idi ki, azərbaycanlı gənclər SSRİ-nin ən nüfuzlu ali məktəblərində oxumağa göndərilirdi. Moskvanın, Leninqradın, Kiyevin, Minskin ali məktəblərində Azərbaycanın gələcəyi üçün çox nadir ixtisaslar üzrə milli kadrların hazırlanması bilavasitə Heydər Əliyevin xidmətlərinin nəticəsi idi. 1969-1982-ci illərdə 10 mindən çox azərbaycanlı gənc həmin ali məktəblərdə təhsil alaraq respublikaya qayıtmış, Azərbaycanın inkişafına xidmət göstərmişdi və bu gün də göstərir.

Dünya şöhrətli siyasətçi və dövlət xadimi Heydər Əliyevin ölkəmizə rəhbərlik etdiyi 35 ilə yaxın bir dövr ərzindəki titanik fəaliyyəti doğma vətənin iqtisadi, sosial və mədəni tərəqqisinə, xalqımızıri firavanlığı və xoşbəxtliyi, ölkəmizin dünya birliyində özünəməxsus layiqli yer tutması uğrunda mübarizəyə həsr olunmuşdur. Heydər Əliyevin işləyib hazırladığı milli dövlətçilik strategiyasının məhək daşını müstəqil Azərbaycanın iqtisadi qüdrəti təşkil edir. Onun ölkə iqtisadiyyatının hərtərəfli inkişafı, qloballaşan dünya iqtisadiyyatına inteqrasiyası sahəsində misilsiz fəaliyyəti nəticəsində ölkəmiz sürətli iqtisadi inkişaf yoluna qədəm qoymuşdur. Tam qətiyyətlə və cəsarətlə demək olar ki, Heydər Əliyevin rəhbərlik etdiyi illər Azərbaycan tarixinin ən intensiv inkişaf mərhələsini təşkil edir. Ölkənin, xalqın, Azərbaycan tarixinin, onun dövlətçiliyinin böyük təəssübkeşi olan Heydər Əliyev XX yüzilliyin sonunda öz müstəqilliyini bərpa edən Azərbaycanın xilaskarı oldu. Böyük idarəçilik təcrübəsinə malik Heydər Əliyev müstəqil Azərbaycan dövlətçiliyinin milli və bəşəri normalara əsaslanan uzun-müddətli konsepsiyasını işləyib hazırlamış və onu dəqiqliklə həyata keçirmişdir. Məhz bunun nəticəsində Azərbaycan bu gün dünyada özünəməxsus yeri olan dövlətlərdən biridir. Xalqını sonsuz məhəbbətlə sevən bu böyük insan bütün, həyatını, zəngin dövlətçilik təcrübəsini Azərbaycanın xoşbəxt gələcəyinə, onu inkişaf etmiş sivil dövlətlər səviyyəsinə yüksəlməsinə həsr edib. Tale XX yüzillikdə Azərbaycana Heydər Əliyev kimi nadir şəxsiyyət, müdrik dövlət xadimi bəxş etmişdir.

Türkiyənin 9-cu prezidenti Süleyman Dəmirəl demişdir: "Heydər Əliyev Azərbaycan dövlətinin qurucusudur. 1918-1920-ci illərdə olduğu kimi, Azərbaycan dövlətinin bayrağı yenə də yüksəlmişdir və bir daha enməyəcəkdir. Bu bayrağın enməməsi üçün keçən 10 ildə bütün səylər göstərilmişdir. Heydər Əliyev Azərbaycan dövlətini dünyaya tanıtmışdır. Dünya Azərbaycan dövlətini sadəcə tanımaqla kifayətlənməmiş, onunla dost olmağa çalışmışdır". Bu, doğrudan da belədir. Heydər Əliyev 34 il rəhbəri olduğu Azərbəycanın bütün məsuliyyətini öz çiyinlərində daşımış, onu birdövlət, xalqımızı bir millət kimi tarixin ağır və sərt sınaqlarından çıxarmış, müasir Azərbaycanın işıqlı sabahının etibarlı bünövrəsini yaratmışdır.

Göründüyü kimi, Heydər Əliyev kursunun real bəhrələrini hər bir Azərbaycan vətəndaşı, o cümlədən əhalinin aztəminatlı hissəsi rifah halının günbəgün yaxşılaşmasında görür və Azərbaycanın daha da inkişaf edəcəyinə qətiyyən şübhə etmir. Çünki bunun üçün möhkəm iqtisadi bazanı ümummilli liderimiz artıq yaradıb və əsası Heydər Əliyev tərəfindən qoyulmuş sosial-iqtisadi kursun Prezidentimiz İlham Əliyev tərəfindən uğurla davam etdirilməsi gələcəyə nikbinliklə baxmağa əsas verir.

Mübaliğəsiz demək olar ki, Bakı Metropoliteninin inkişafı məhz ümummilli liderimiz Heydər Əliyevin adı ilə bağlıdır. Ulu öndər metroya çox böyük həssaslıqla yanaşır, ona təkcə nəqliyyat vasitəsi kimi baxmırdı. Bakı metrosu onun üçün həm də ən böyük memarlıq nümunəsi idi. Ulu öndər Heydər Əliyev deyirdi: "Bakı Metropoliteni Azərbaycan xalqının milli sərvətidir".

Biz hamımız Azərbaycan xalqının və dövlətçiliyinin xilaskarı və yaradıcısı olan Heydər Əliyev irsinə daim sədaqətliyik və bundan sonra da belə olacağıq. Ulu şəxsiyyətin, Azərbaycan xalqının dahi oğlunun pak əməlləri, müqəddəs ideyaları, arzuları və vəsiyyətləri həmişə yaşayacaqdır.

Biləndər MƏSİYEV

Respublika.- 2010.- 9 may.- S. 9.