Heydər Əliyev və Azərbaycan gəncliyi
Ulu öndər Heydər
Əliyevin anadan olmasının 87-ci ildönümü
respublikamızın hər yerində olduğu kimi, Qərb
Universitetində də yüksək səviyyədə qeyd
olunmuşdur. Universitetin akt zalında "Heydər Əliyev və
Azərbaycan gəncliyi" mövzusuna həsr olunmuş tədbirdə
əvvəlcə sənədli film vasitəsilə ulu öndərin
dövlət xadimi kimi Bakıda, Moskvada hakimiyyəti
dövründə qazandığı uğurlarla tədbir
iştirakçıları tanış olmuşlar.
Ümummilli liderin Dövlət Təhlükəsizlik Komitəsindəki
fəaliyyətini, dövlət quruculuğundakı fədakar
əməyini, zəhməti və yuxusuz gecələri sayəsində
ölkəmizdə həyata keçirilən layihələrini,
hərbi quruculuq sahəsindəki nailiyyətləri və
bitib-tükənməyən işlərini alqışlarla
qarşılayan toplantı iştirakçıları onun
xarici dövlət xadimləri ilə apardığı
danışıqların, müqavilələrin
bağlanmasının zəruriliyi ilə də məlumatlandırılmışlar.
Tədbirdə Səbail
Rayon Gənclər və İdman İdarəsinin rəisi
Vüqar Mürsəlov, universitetin Politologiya və beynəlxalq
münasibətlər kafedrasının müdiri Elnarə
Qazızadə, tədbirə dəvət olunmuş qonaqlar və
tələbələr iştirak edirdi. Universitetin 102 saylı
auditoriyasında dəvət olunmuş qonaqların, müəllim
və tələbələrin iştirakı ilə
"Xeyriyyə yarmarkası" keçirilmiş və
yarmarkada yığılan vəsaitin kimsəsiz uşaqlara və
tənha qocalara verilməsi müəyyənləşdirilmişdir.
Məhəmməd VƏLİYEV
Respublika.- 2010.- 9 may.- S. 11.