SOYQIRIMI QURBANLARININ XATİRƏSİ EHTİRAMLA YAD OLUNMUŞDUR

Lənkəran

31 Mart–Azərbaycanlıların Soyqırımı Günü ilə əlaqədar Lənkəranda silsilə tədbirlər keçirilmişdir.

Lənkəran Şəhər İcra Hakimiyyətinin iclas zalında 31 Mart–Azərbaycanlıların Soyqırımı Günü ılə əlaqədar ümumrayon toplantısı keçirilmişdir. Əvvəlcə soyqırımı qurbanlarının xatirəsi bir dəqiqəlik sükutla yad edilmişdir.

Lənkəran Şəhər İcra Hakimiyyətinin başçısı Taleh Qaraşov tədbiri giriş sözü ilə açaraq erməni millətçiləri tərəfindən xalqımıza qarşı törədilmiş etnik təmizləmə və deportasiya siyasətindən, onların “dənizdən–dənizə böyük Ermənistan” yaratmaq xülyasından, 1918–ci ilin mart qətliamından danışmışdır.

İcra başçısı azərbaycanlıların soyqırımı ilə bağlı hadisələrə ilk dəfə ümummilli lider Heydər Əliyevin təşəbbüsü və rəhbərliyilə siyasi–hüquqi qiymət verildiyini, möhtərəm Prezidentimiz cənab İlham Əliyevin yorulmaz səyləri sayəsində Azərbaycan həqiqətlərinin dünya ictimaiyyətinə çatdırıldığını bildirmişdir.

Sonra Lənkəran Dövlət Universitetinin tarix və fəlsəfə kafedrasının baş müəllimi Kamal Mahmudovun “31 Mart–Azərbaycanlıların Soyqırımı Günüdür” mövzusunda məruzəsi dinlənilmişdir.

Natiq qeyd etmişdir ki, 1918–ci ilin mart qırğınları zamanı təkcə Bakıda 30 min nəfər azərbaycanlının həyatına son qoyulmuş, qocalar, qadınlar və uşaqlar xüsusi qəddarlıqla qətlə yetirilmiş, qiymətli tarixi abidələrimiz məhv edilmişdir. 1918–1920–ci illərdə Azərbaycanın yüzlərlə şəhər və kəndi, o cümlədən Qarabağın dağlıq və dağətəyi hissəsində azərbaycanlıların yaşadığı 150–yə yaxın kənd xarabazara çevrilmiş, 50 mindən çox soydaşımız qətlə yetirilmişdir.

Şəhərin Heydər Əliyev Mərkəzi və Heydər Əliyev irsini araşdırma mərkəzi Lənkəran regional bürosunun birgə təşkilatçılığı ilə təşkil olunmuş tədbirdə erməni qəsbkarlarının Azərbaycan xalqına qarşı zaman–zaman törətdikləri qanlı faciələr, qətliamlar barədə ətraflı məlumat verilmişdir.

Heydər Əliyev Mərkəzinin direktoru Seyidzadə Səfiyeva, rayon Ağsaqqalar Şurasının sədr müavini Sərhad Məmmədov, Heydər Əliyev irsini araşdırma mərkəzinin rəhbəri Sevinc Hüseynova Şamaxı, Quba, Qarabağ, Zəngəzur, Naxçıvan, Lənkəran və digər bölgələrdə azərbaycanlıların soyqırımının xüsusi amansızlıqla həyata keçirildiyini, dinc əhalinin kütləvi surətdə qətlə yetirildiyini söyləmişlər.

Qətliamın Lənkərandan da yan ötmədiyini vurğulayan natiqlər Lənkəran şəhərində rayonun Gərmətük, Mamusta, Sütəmurdov və digər kəndlərdə ermənilərin bolşevik birləşmələrilə birgə törətdikləri qanlı faicələr haqqında konkret faktlardan söhbət açmışlar.

Eyni zamanda millətçi–separatçı ermənilər tərəfindən Dağlıq Qarabağda torpaqlarımızın 20 faizinin işğal olunması, bir milyon nəfərdən artıq soydaşımızın doğma ocaqlarından didərgin düşməsi, minlərlə insanın şəhid olması faktları bir daha xatırlatmışdır.

Rayon Ağsaqqallar Şurasının sədr müavini Sərhad Məmmədov, Mamusta kənd xəstəxanasının baş həkimi Şakir Qasımov və Lənkəran şəhər 10 saylı tam orta məktəbinin müəllimi Zəhra Abdullayeva tədbirdə çıxış edərək erməni–daşnak millətçilərinin Lənkəran şəhərində, ayrı–ayrı kəndlərdə törətdikləri qanlı qırğınlardan danışmışlar.

Lənkəran şəhərinin mərkəzində salınmış Soyqırım qurbanlarının xatirə parkında da anım mərasimi keçirilmişdir.

Lənkəran Şəhər İcra Hakimiyyətinin başçısı Taleh Qaraşov, rayonun hüquq–mühafizə orqanlarının, idarə, müəssisə və təşkilatlarının rəhbərləri, pedaqoji kollektivlər, hərbi hissələrin zabitləri və əsgərləri, ictimaiyyətin nümayəndələri soyqırım qurbanlarının xatirəsinə ucaldılmış abidənin önünə əklil, qərənfil dəstələri qoymuş, günahsız qətlə vetirilmiş soydaşlarımızın xatirəsini dərin hüznlə yad etmişlər.

Masallı

Respublikamızın hər yerində olduğu kimi, Masallı rayonunda da soyqırımı qurbanlarının xatirəsi böyük ehtiramla anılmışdır. Payonun idarə, müəssisə və təşkilatlarında, təhsil, səhiyyə və mədəniyyət ocaqlarında anım mərasimləri keçirilmişdir.

Mərasimlərdə erməni şovinistlərinin öz məkrli niyyətlərinə çatmaq üçün hər vasitəyə əl atdıqları, xalqımıza qarşı analoqu olmayan dəhşətli cinayətlər törətdikləri qeyd olunmuşdur. Natiqlərin çıxışlarında Azərbaycan müstəqilliyini bərpa etdikdən sonra xalqımıza qarşı aparılmış soyqırımı siyasətinə müvafiq hüquqi qiymət verildiyi, ümummilli lider Heydər Əliyevin 1998–ci il martın 26–da imzaladığı fərmanla 31 martın Azərbaycanlıların Soyqırımı Günü kimi qeyd olunduğu vurğulanmışdır.

Masallı şəhərinin mərkəzində salınmış xatirə parkında Azərbaycanlıların Soyqırımı Günü ilə əlaqədar ümumrayon tədbiri keçirilmişdir. Tədbirdə Masallı Rayon İcra Hakimiyyətinin başçısı Rafil Hüseynov, Milli Məclisin üzvü Nəriman Əliyev, rayonun hüquq–mühafizə orqanlarının, idarə, müəssisə və təşkilatlarının rəhbərləri, əmək kollektivlərinın nümayəndələri, ağsaqqallar, ziyalılar, şagirdlər və minlərlə rayon sakini iştirak etmişlər.

Tədbir iştirakçıları faciə qurbanlarının abidəsi önünə gül dəstələri düzərək onların xatirəsinə dərin ehtiramlarını bildirmiş, şəhidlərin ruhuna dualar səslənmişdir.

Sonra Masallı Şəhər Gənclər Mərkəzində azərbaycanlıların soyqırımına həsr olunmuş əbədi–bədii kompozisiya nümayiş olunmuşdur.

Lerik

Rayon icra hakimiyyətinin iclas zalında 31 Mart–Azərbaycanlıların Soyqırımı Günü ilə bağlı mərasim keçirilmişdir.

Tədbiri Lerik Rayon İcra Hakimiyyətinin başçısı Rövşən Bağırov açmış, son iki əsrdə ermənilər tərəfindən xalqımıza qarşı həyata keçirilən etnik təmizləmə, deportasiya və soyqınmından danışmışdır. İcra başçısı bildirmişdir ki, XIX əsrin əvvəllərindən başlayaraq tarixi Azərbaycan torpaqları olan Qarabağa və Zəngəzura ermənilər köçürülmüş, demoqrafik vəziyyət zorla dəyişdirilmişdir.

1905 və 1918–ci illərdə azərbaycanlılara qarşı kütləvi qırğınlar törədilmiş, 1920–ci ildə Zəngəzur Ermənistana verilmiş, Dağlıq Qarabağa muxtariyyət statusunun verilməsi təmin edilmişdir. 1948–1953–cü illərdə sovet rəhbərliyinin qərarı ilə yüz minlərlə soydaşımız indiki Ermənistan ərazisindəki əzəli yurdlarından deportasiya olunmuş, 1988–ci ildə erməni millətçiləri mərkəzin və xarici havadarlarının köməyilə Dağlıq Qarabağın zorla Ermənistana birləşdirilməsi üçün hərbi əməliyyatlara başlamış, torpaqlanmızın 20 faizini işğal edərək 1 milyona yaxın azərbaycanlını qaçqın və məcburi köçkün vəziyyətinə salmışlar. 1992–ci ilin fevralında erməni hərbi birləşmələri Xocalı şəhərini yerlə–yeksan etmiş, dinc əhaliyə qarşı misli görünməmiş soyqırımı aktı törətmişlər.

Xalqımızın böyük oğlu, görkəmli dövlət xadimi Heydər Əliyeyin 1993–cü ilin iyun ayında xalqın təkidli tələbi ilə hakimiyyətə qayıdışından sonra ermənilərin tarix boyu xalqımıza qarşı törətdiyi təcavüz, soyqırımı siyasətinə siyasi–hüquqi qiymət verilmişdir.

İcra başçısı ümummilli liderin siyasi kursunu uğurla davam etdirən ölkə Prezidenti cənab İlham Əliyevin rəhbərliyilə Azərbaycan həqiqətlərinin dünya ictimaiyyətinə çatdırılması, erməni millətçilərinin soyqırımı siyasətinin ifşası istiqamətində ardıcıl tədbirlərin həyata keçirildiyini bildirmişdir.

Rayon icra hakimiyyəti başçısının müavini Arzu Vəliməmmədova azərbaycanlıların soyqırımı ilə bağlı ətraflı məruzə etmişdir.

Yeni Azərbaycan Partiyası Lerik rayon təşkilatının sədri Elxan Qənbərov, rayon veteranlar şurasının sədri Hidayət Bəşirov, peşə liseyinin direktoru Hüseynbala Əliyev çıxışlarında erməni şovinistlərinin Azərbaycan xalqının başına gətirdikləri müsibətləri, qətliamları unutmamağı, hadisələri olduğu kimi gələcək nəsillərə çatdırmağı söyləmişlər.

Əlisəfa HƏSƏNOV

Respublika.- 2013.- 2 aprel.- S. 7.