Ümummilli lider Heydər Əliyevin anadan olmasının 90–cı ildönümünə həsr olunmuş şahmat turniri başa çatdı

Dünən vergi xidməti əməkdaşları arasında ümummilli lider Heydər Əliyevin anadan olmasının 90–cı ildönümünə həsr olunmuş ənənəvi şahmat turnirinə yekun vurulub. Turniri Azərbaycan Respublikası Vergilər Nazirliyi Gənclər və İdman Nazirliyi və Azərbaycan Şahmat Federasiyasının dəstəyi ilə keçirib.

Yarışlara aprel ayının 6–da start verilmişdi. Turnirdə Nazirliyin struktur vahidlərinin əməkdaşları iştirak ediblər. Yarışlar Olimpiya sistemi üzrə keçirilib.

Turnirin qalibi Vergilər Nazirliyi Aparatından Əli Həsənov olub. Nazirliyin Vergi Siyasəti və Strateji Araşdırmalar Baş İdarəsinin əməkdaşı Babək İbrahimov turnirdə 2–ci yeri tutub. 3–cü yer uğrunda yarışda Vergilər Nazirliyi yanında Vergi Auditi Departamentinin əməkdaşı Azay Məmmədov qalib gəlib. Turnirdə yüksək nəticələr göstərən əməkdaşlar mükafatlandırılıblar.

Tədbirə qatılan şahmat üzrə qrossmeyster Sərxan Quliyev yarış iştirakçıları ilə eyni zamanda oyun seansı keçirib.

Ülvi QARAYEV

Respublika.- 2013.- 28 aprel.- S. 12.