Nərimanov rayonu: inkişaf tempi davam
edir
Geniş əraziyə malik olan
Bakının Nərimanov rayonunda son illər abadlıq və
quruculuq sahəsində müsbət dəyişikliklər
baş vermiş, sosial proqramların icra edilməsi diqqət mərkəzində
olmuş, insanların həyat tərzi maksimum səviyyəyə
çatdırılmışdır. Bir sözlə, sənaye
müəssisələrində, yeni zamanda kiçik və
orta sahibkarlığın inkişafı sahəsində
böyük işlər görülmüşdür.
Bu günlərdə rayon
icra hakimiyyətində 2012–ci ilin yekunları və 2013–cü
ildə qarşıda duran vəzifələrlə
bağlı toplantı keçirilmişdir.
Yığıncaqda
hesabat məruzəsi ilə çıxış edən Nərimanov
Rayon İcra Hakimiyyətinin başçısı Abdin Fərzəliyev
vurğuladı ki, yanvar ayının 15–də Azərbaycan
Respublikasının Prezidenti cənab İlham Əliyevin sədrliyi
ilə Nazirlər Kabinetinin 2012–ci ilin sosial–iqtisadi
inkişafının yekunlarına və 2013–cü ildə
qarşıda duran vəzifələrə həsr olunmuş
iclası keçirilmişdir. Dövlətimizin
başçısı iclasda geniş nitq söyləyərək
sosial–iqtisadi inkişafın bütün sahələrində əldə
olunmuş nailiyyətlərə yekun vurdu və 2013–cü ildə
qarşıda duran vəzifələri diqqətə
çatdıraraq, həlli ilə bağlı öz dəyərli
tapşırıq və göstərişlərini verdi.
Ötən
dövr ərzində sənaye kompleksində işləyənlərin
sayı 1659 nəfər artaraq 9440 nəfər təşkil
etmiş, onların orta nominal əmək haqqı 5,9 faiz
artaraq 435,2 manata çatmışdır.
Yeni
müəssisələrin yaradılması, mövcud müəssisələrin
fəaliyyətinin bərpa edilməsi nəticəsində
2012–ci ildə 5477 daimi iş yeri yaradılmışdır.
İl ərzində
bütün mənbələr hesabına əsas kapitala 430,1 milyon manatlıq investisiya qoyulmuşdur ki, bu
da 2011–ci ilə nisbətən 110,4 faiz təşkil
etmişdir.
Tikinti təşkilatları
tərəfindən öz gücləri ilə yerinə
yetirilmiş işlərin həcmi 928,7
milyon manat təşkil edərək əvvəlki ilə nisbətən
65,0 faiz artım əldə edilmişdir. İl ərzində
rayon əhalisinə 304,5 milyon manatlıq
pullu xidmətlər göstərilərək ötən
dövrə nisbətən 14,6 faiz artım əldə
edilmişdir.
Əhaliyə göstərilən nəqliyyat və rabitə
xidmətinin həcmi də artmışdır. Belə ki, 2012–ci ildə 60,1 milyon manatlıq nəqliyyat, 16,2 milyon
manatlıq rabitə xidmətləri göstərilmişdir.
Bu da əvvəlki dövrə nisbətən müvafiq olaraq
85,9 faiz, 106 faiz təşkil etmişdir.
Nərimanov rayonunun qısa zaman kəsiyində geniş
quruculuq məkanına çevrilməsinin ən ümdə səbəblərindən
biri ölkəmizin bütün bölgələri kimi bu
rayona ölkə Prezidenti cənab İlham Əliyev tərəfindən
xüsusi diqqət və qayğı göstərilməsidir. Fərəhləndirici
haldır ki, Azərbaycan Respublikasının Prezidenti cənab
İlham Əliyev 2012–ci ildə 19 dəfə Nərimanov
rayonunda olmuş, obyektlərin açılış və təməlqoyma
mərasimlərində iştirak etmiş, əsaslı təmir
və yenidənqurma işlərindən sonra yaradılan şəraitlə,
habelə inşası davam edən obyektlərdə işlərin
gedişatı ilə tanış olmuş, keçirilən
beynəlxalq və respublika səviyyəli tədbirlərdə
iştirak etmişdir.
“Azərbaycan
Respublikası regionlarının 2009–2013–cü illərdə
sosial–iqtisadi inkişafı Dövlət Proqramı”nda Nərimanov
rayonu üzrə ayrıca tədbirlər nəzərdə
tutulmasa da Bakı şəhəri üzrə nəzərdə
tutulmuş tədbirlərə uyğun olaraq Nərimanov
rayonunun əhalisinin elektrik enerjisi, qaz, istilik, içməli
su təminatı ilə bağlı tədbirlər həyata
keçirilmiş və bu işlər uğurla davam etdirilir.
“2011–2013–cü illərdə Bakı şəhərinin və
onun qəsəbələrinin sosial–iqtisadi inkişafina dair
Dövlət Proqramı” çərçivəsində Nərimanov
rayonu üzrə 2012–ci il üçün
31 tədbir nəzərdə tutulmuş və əksəriyyəti
həyata keçirilmişdir.
Gənclik meydanında yeraltı yol
ötürücülərinin və yeraltı avtomobil
dayanacağının inşa edilməsi, “Gənclik”
metrostansiyasının ətrafında yerləşən
binaların fasadlarının milli memarlıq üslubunda yenidən
qurulması, Vaqif prospektinin genişləndirilməsi,
Z.Bünyadov prospektinin yenidən qurulması, şəhərin
baş planına uyğun digər layihələrin həyata
keçirilməsi işləri davam etdirilmişdir.
H.Əliyev
prospekti, Koroğlu Rəhimov, Ə.Əbdürrəhimov,
akademik H.Əliyev küçələrində istismar
müddətini keçmiş, yararsız hala
düşmüş yaşayış binalarının,
qeyri–yaşayış obyektlərinin sökülərək
başqa ərazilərə köçürülməsi
istiqamətində müvafiq tədbirlər
görülmüş və bu işlər hazırda da davam
etdirilir.
“Gənclik”
metrostansiyası ətrafında nəqliyyat infrastrukturunun yenidən
qurulması ilə əlaqədar Səxavət Quliyev
küçəsi –7 ünvanında yaşayan 49 ailənin də
mənzil–məişət şəraitinin
yaxşılaşdırılması üçün
müvafiq tədbirlər həyata keçirilmişdir.
Nərimanov rayonu tərəfindən xarici ölkələrlə
əməkdaşlığın yaradılması və
inkişaf etdirilməsi sahəsində də xeyli işlər
görülmüşdür. Azərbaycan Respublikası və
Rusiya Federasiyası, xüsusilə Rusiyanın Həştərxan
və Volqoqrad vilayətləri arasında son illər ərzində
iqtisadi–siyasi və mədəni sahələrdə sıx
dostluq və əməkdaşlıq əlaqələri
mövcuddur və bu əlaqələr gündən–günə
inkişaf edir və möhkəmlənir. 2010–cu
ildən başlayaraq bu günə qədər Azərbaycan
Respublikasının Prezidenti cənab İlham Əliyevin
göstəriş və tapşırığı ilə bir
sıra mühüm layihələr həyata
keçirilmişdir.
Bu dostluq əlaqələrinin
bariz nümunəsi kimi, Həştərxan şəhərinin
mərkəzində yerləşən 3,5
hektar ərazisi olan parkda nümunəvi abadlıq işləri
aparılaraq, ümummilli lider Heydər Əliyevin əzəmətli
abidəsi ucaldılmışdır.
Dostluq əlaqələrinin növbəti addımı
kimi, Həştərxan şəhərinin Bakı
küçəsində yerləşən 11 nömrəli
orta məktəbə ulu öndər Heydər Əliyevin
adı verilmişdir. Azərbaycan dövləti tərəfindən Heydər
Əliyev Fondunun təşəbbüsü və dəstəyi
ilə həmin məktəbin əsas korpusunda
genişmiqyaslı yenidənqurma işləri
aparılmış, müasir standartlara uyğun əlavə
iki yeni korpus inşa edilmiş və şagirdlərin təhsilinin
lazımi səviyyədə təşkil edilməsi
üçün bütün şərait
yaradılmış, mebel və texniki avadanlıqlarla təchiz
edilmişdir. Hazırda həmin məktəb Həştərxan
vilayətinin nümunəvi məktəbinə
çevrilmişdir.
Bundan
başqa, sentyabrın 12–də Həştərxan şəhərində
Heydər Əliyev Fondunun dəstəyi ilə inşa
olunmuş Azərbaycan və Rusiya Dostluq
körpüsünün və Heydər Əliyev parkında
yaradılmış “Arzu” uşaq əyləncə şəhərciyinin
açılışı, həmçinin Heydər Əliyev
Fondunun növbəti layihələrindən biri olan Müqəddəs
Knyaz Vladimirin məbədi önündə knyaz Vladimirin abidəsinin
təməlqoyma mərasimləri keçirilmişdir.
Mərasimlərdə Heydər Əliyev Fondunun
vitse–prezidenti, Rusiyanın Azərbaycanlı Gənclər Təşkilatının
(RAGT) sədri Leyla Əliyeva iştirak etmişdir. Həştərxan
vilayətinin qubernatoru Aleksandr Jilkin körpünün
açılmasını Həştərxan üçün
mühüm tarixi hadisə kimi dəyərləndirərək
bu humanitar layihənin reallaşdırılmasına görə
Heydər Əliyev Fonduna və onun vitse–prezidenti Leyla Əliyevaya
təşəkkürünü bildirmişdir.
Mərasimdə çıxış edən Heydər Əliyev
Fondunun vitse–prezidenti Leyla Əliyeva fondun fəaliyyətindən
söz açmış və Rusiya Federasiyasında həyata
keçirilən layihələri yüksək qiymətləndirmişdir. Azərbaycanla
Rusiya arasında əlaqələrin qarşılıqlı
hörmətə, etimad və aşkarlığa əsaslandığını
deyən Leyla Əliyeva münasibətlərin bundan sonra da
inkişaf edəcəyinə və möhkəmlənəcəyinə
əminliyini ifadə etmişdir.
Dostluq körpüsü Heydər Əliyev parkını
I Pyotr meydanı ilə birləşdirir. Körpünün
sürahisinin ornamentlərində Bakının və Həştərxanın
rəmzləri — Qız qalası və Həştərxan
Kremli əks olunmuşdur. Knyaz Vladimirin abidəsi
isə Azərbaycan və Rusiya xalqları arasında
dostluğun növbəti rəmzinə çevriləcək.
Abidənin inşası Heydər Əliyev
Fondunun dəstəyi ilə həyata keçiriləcək.
Heydər Əliyev parkında “Arzu” uşaq əyləncə
şəhərciyi də Heydər Əliyev Fondunun dəstəyi
ilə tikilmişdir. Burada 7 böyük və
bir neçə kiçik attraksion
quraşdırılmış, uşaqların istirahəti və
təhlükəsizliyi üçün hər cür şərait
yaradılmışdır.
Həştərxanda Heydər Əliyev Fondunun
vitse–prezidenti Leyla xanım Əliyevaya “Həştərxan
vilayəti qarşısında xidmətlərinə görə”
ordeni medalının təqdim edilməsi mərasimi də
olmuşdur. Bu mükafat Heydər Əliyev Fondunun Həştərxanda
həyata keçirdiyi layihələrə verilən
böyük dəyərin göstəricisidir.
Xatırlatmaq
istərdik ki, Heydər Əliyev Fondunun vitse–prezidenti,
Rusiyanın Azərbaycanlı Gənclər Təşkilatının
(RAGT) sədri Leyla xanım Əliyevanın Həştərxan
vilayətindəki digər təşəbbüsü ilə
hazırda Həştərxan məktəbliləri arasında
“Təbiəti mühafizə” mövzusunda inşa müsabiqəsi
keçirilir. Müsabiqəyə 2013–cü ilin
fevral ayında yekun vurulacaqdır.
Fərəhləndirici
haldır ki, Rusiya Federasiyasının Həştərxan vilayətində
görülən böyük işlərdə göstərdiyi
səy və fəallığa görə bu günlərdə
Nərimanov Rayon İcra Hakimiyyətinin
başçısı Abdin Fərzəliyev Rusiya
Federasiyasının Prezidenti Vladimir Putinin imzaladığı
34 nömrəli Sərəncamla “Dostluq” ordeni ilə təltif
olunmuşdur.
Qeyd olunan bu nailiyyət dövlət
başçısı İlham Əliyevin xüsusi diqqət
və qayğısının — “əsl siyasət real iş və
konkret fəaliyyətdən ibarətdir” məramının məntiqi
nəticəsidir. Nərimanov rayonu ictimaiyyəti çox
yaxşı bilir ki, rayonun əldə etdiyi hər bir
uğurun əsl müəllifi məhz möhtərəm
Prezidentimiz cənab İlham Əliyevdir.
2012–2013–cü
il payız–qış mövsümünə hazırlıqla əlaqədar
5061 kvadratmetr sahədə dam örtüyü təmir
edilmiş, 466 kvadratmetr sahədə ümumi istifadə yerlərində
şüşələnmə işləri
aparılmış, 209 ədəd qapı, 149 ədəd pəncərə
cari təmir edilmiş və s. işlər
görülmüşdür.
Bakı Şəhər İcra Hakimiyyəti
başçısının “Su ilə dolu zirzəmilərin
qurudulması” haqqında müvafiq sərəncamının
icrası ilə bağlı rayon ərazisində yerləşən
bütün yaşayış binalarının zirzəmiləri
təftiş edilmiş və su aşkar edilmiş binaların
zirzəmisindən suyun kənarlaşdırılması
istiqamətində zəruri tədbirlər həyata
keçirilmişdir.
Rayon icra
hakimiyyətinin nəzdində daimi fəaliyyət göstərən
“Qanunsuz tikililərə qarşı mübarizə
komissiyası”nın gördüyü tədbirlər nəticəsində
3 ədəd əlavə tikinti, 2 ədəd talvar, 145
poqonmetr uzunluğunda metal tor və 90 poqonmetr dəmir çəpər
sökülmüşdür.
5
saylı İstilik Sistemləri İstismar Sahəsi tərəfindən
müxtəlif diametrli 1115 poqonmetr boru dəyişdirilmiş və
korroziyaya qarşı izolyasiya qatı çəkilmiş, 42
kilometr istilik kəmərləri yuyulmuş və hidravliki təzyiqə
yoxlanılmışdır. 44 yaşayış
binasının həm aşağı paylayıcı istilik
sistemi, binadaxili istilik sistemi, həm də qazanxanadan binalara gedən
mərkəzi istilik xətləri əsaslı təmir
olunmuşdur.
“Bakı
Şəhər İşığı” Şəhəri
İşıqlandırma Şəbəkə Müəssisəsinin
Nərimanov Texniki İstismar rayonu tərəfindən 7310 metr
kabel, 2500 metr naqil, 9 ədəd avtomat, 4500 ədəd müxtəlif
lampa, 88 ədəd çil–çiraq və s. dəyişdirilmişdir.
Rayon
Enerji Təchizatı və Satış İdarəsi tərəfındən
1285 metr 0,4 kv–luq və 46590 metr 6 kv–luq kabellər çəkilmiş,
1050 poqonmetr yeni kabel qoyulmuş və 1740 metr uzunluqda kabellər
yenisi ilə əvəz olunmuşdur. Ə.Qayıbov
küçəsində məskunlaşmış
qaçqın ailələri üçün 630 kV
gücündə yeni KTM və 1 ədəd 400 kV
gücündə transformator
quraşdırılmışdır. M.Nağıyev
küçəsində 1 ədəd yeni KTM
quraşdırılmış, 4 ədəd 630 kVa
gücündə transformator yenisi ilə əvəz
olunmuş, 3 ədəd TM tikilmiş, 8 ədəd transformator
quraşdırılmışdır.
Rayon
Sukanal Departamentinin Su Şəbəkələri və
Qurğularının istismarı Xidməti tərəfindən
il ərzində 165 ədəd nasos, 163 ədəd mühərrik
və 426 ədəd siyirtmə təmir olunmuş, 12780
poqonmetr boru dəyişdirilmiş, 19 ədəd su anbarı
yuyulmuşdur.
Bundan əlavə,
34 ədəd yağış barmaqlığı, 47 ədəd
kanalizasiya lyuku, 124 ədəd siyirtmə və 224 poqonmetr
çirkab sular borusu dəyişdirilmiş, 24615 poqonmetr
kanalizasiya şəbəkərəri və 4985 poqonmetr
yağış–leysan şəbəkələri, həmçinin
42 poqonmetr baxıcı quyu və 289 ədəd barmaqlıq təmizlənmişdir.
Rayon Qaz İstismar Sahəsi tərəfindən ötən
dövr ərzində Nərimanov rayonu ərazisində qaz təchizatı
sistemində qazdan istifadə qaydalarının pozulması,
onları doğuran səbəblərin və istehlakçılar
tərəfındən və digər obyektlərdə təbii
qazdan düzgün istifadə edilməsi qaydalarının
gücləndirilməsi haqqında tədbirlər planına
uyğun olaraq müvafiq tədbirlər
görülmüşdür.
Ümumilikdə
il ərzində 152 milyon 357 min metr təbii
qaz alınmışdır ki, onun da dəyəri tam ödənilmişdir.
Bakı
Şəhər 2 saylı Xüsusi Təyinatlı Mənzil
Kommunal Təsərrüfatı Birliyi, rayon ərazisində
yerləşən, şirkət və nazirliklərin nəzdində
fəaliyyət göstərən digər Mənzil Kommunal
İstismar Sahələri tərəfindən ayrı–ayrı
ünvanlarda yerləşən binaların dam örtükləri,
daxili kommunikasiya xətləri, yağış suları
axıdılan navalçalar, ümumi girişlərdəki pəncərə
və qapılar dəyişdirilmiş, zirzəmilərdə
yığılan suların çəkilməsi və kəskin
qəzalı vəziyyətdə olan evlərin təmiri
üçün zəruri tədbirlər həyata
keçirilmişdir.
2012–ci il ərzində rayon ərazisində
yataqxanalar, inzibati binalar və sairə yerlərdə 18000–nə
yaxin məcburi köçkün məksunlaşmışdır.
Ötən dövr ərzində məcburi
köçkün ailələrinin sosial durumunun
yaxşılaşdırılması, mənzil–məişət
problemlərinin aradan qaldırılması istiqamətində
bir sıra işlər görülmüşdür.
Son illər
möhtərəm Prezidentimiz cənab İlham Əliyev tərəfindən
məcburi köçkün ailələrinin məşğulluğunun
artırılması, həmin təbəqədən olan ailələrdəki
uşaqların ali və orta ixtisas təhsil
müəssisələrində imtiyazlı formada təhsil
almaları məcburi köçkün ailələrinin yeni mənzillərlə
təmin olunmaları ilə əlaqədar bir sıra proqramlar
hazırlanmış, fərman və sərəncamlar
imzalanmışdır.
Bu
proqramların həyata keçirilməsi nəticəsində
keçən il ərzində Nərimanov rayonu ərazisində
müvəqqəti məskunlaşan 698 ailə, 2793 nəfər
yeni, müasir tipli, tam təmir olunmuş mənzillərlə
təmin olunmuşdur.
Rayonun 22 orta məktəbində 22214 şagird təhsil
alır və onların təlim tərbiyəsi ilə 2292
müəllim məşğul olur. Təhsilin keyfiyyətinin
artırılması, təhsil müəssisələrində
şəraitin yaxşılaşdırılması
üçün “2011–2013–cü illərdə Bakı şəhərinin
və onun qəsəbələrinin sosial–iqtisadi
inkişafına dair Dövlət Proqramı” çərçivəsində
rayonumuzda böyük yenidənqurma işləri
görülmüş və bu işlər uğurla davam
etdirilir.
Azərbaycan
Respublikası Prezidentinin 20 iyun 2012–ci il tarixli sərəncamına
əsasən 2011/2012–ci tədris ilində “Ən yaxşı
müəllim” müsabiqəsində rayonun 13 müəllimi
müvəffəqiyyət qazanaraq 5 min manat məbləğində
birdəfəlik pul mükafatına layiq
görülmüşdür.
İstedadlı şagirdlərin aşkara
çıxarılmasında əhəmiyyətli rol oynayan
2012–ci ildə keçirilmiş Respublika fənn
olimpiadalarında Nərimanov rayonunun şagirdləri də
yaxından iştirak etmiş, 7 şagird yüksək nəticələr
əldə etmişdir.
Qazanılan
uğurlar özünü ali məktəblərə
qəbulun dinamikasında da göstərmişdir. 2011/2012–ci tədris
ilində Nərimanov rayonunun 1748 məzunundan 935 nəfəri
qəbul imtahanlarında yüksək nəticə əldə
edərək müxtəlif ali təhsil
müəssisələrinə qəbul olunmuşdur. Ümumilikdə bu məzunların 60 faizini təşkil
edir. Rayonun tam orta məktəblərini bitirmiş məzunlardan
3 nəfəri qızıl medala, ali məktəblərə qəbul
üzrə 42 nəfəri 600–dən artıq, 9 nəfəri
isə 650–dən artıq bal toplamış, 3 nəfər
Prezident təqaüdünə layiq görülmüşdür.
Mədəniyyət və səhiyyə sahəsində
də əsaslı təmir və yenidənqurma işləri
aparılmış və bu işlər uğurla davam
etdirilir. Belə
ki, 35 saylı musiqi məktəbində əsaslı təmir
və yenidənqurma işləri başa
çatdırılaraq istifadəyə verilmiş, 23 saylı
musiqi məktəbində isə əsaslı təmir işləri
davam etdirilir, 7 saylı yoluxucu uşaq xəstəlikləri xəstəxanasında
təmir işləri başa çatdırılmış və
istifadəyə tam hazırdır.
A.Fərzəliyev
sözünə davam edərək vurğuladı ki, il ərzində
Rayon Gənclər və İdman İdarəsi tərəfindən
gənclərin ölkənin ictimai–siyasi, iqtisadi və mədəni
həyatında fəal iştirakı, sosial problemlərinin həlli
və hüquqlarının müdafiəsinin təmin edilməsi,
gənclər siyasətinin bütün istiqamətləri
üzrə müvafiq dövlət proqramının həyata
keçirilməsi, gənc istedadlara dövlət
qayğısımn artırılması, elm, təhsil,
iqtisadiyyat, mədəniyyət, dövlət idarəçiliyi
və digər sahələrdə çalışan gənclərin
xidmətlərinin qiymətləndirilməsi, gənclərin
kütləvi bədən tərbiyəsinə və idmana cəlb
olunması istiqamətində bir sıra tədbirlər həyata
keçirilmişdir.
Möhtərəm
Prezidentimizin müvafıq sərəncamı ilə 2012–ci il “İdman ili” elan edilmişdir. Bununla
əlaqəaar oıaraq Rayon Gənclər və İdman
İdarəsi tərəfindən hazırlanmış
geniş tədbirlər planı əsasında bir sıra
idman yarışları təşkil olunmuş, idmanın
kütləviliyi təmin olunmuşdur.
Çox
sevindirici haldır ki, Avropa Olimpiya Komitəsi 2015–ci ildə I
Avropa Olimpiya oyunlarının Azərbaycanda keçirilməsi
barədə qərar qəbul etmişdir ki, Rayon Gənclər
və İdman İdarəsi bu mötəbər tədbirin
yüksək səviyyədə keçirilməsi ilə
bağlı hazırlıq işlərində yaxından
iştirak edəcək, rayon idmançılarının
olimpiyada iştirakı üçün vəsiqə
qazanmaları və Respublikamızı layiqincə təmsil
etmələri üçün var gücü ilə
çalışacaqdır.
İl ərzində rayon icra hakimiyyəti tərəfindən
ictimai–siyasi əhəmiyyət kəsb edən bir sıra tədbirlər
keçirilmiş, əlamətdar və bayram günləri ilə
bağlı mərasimlər təşkil olunmuşdur.
20 Yanvar faciəsinin 22–ci ildönümü, Xocalı
soyqırımının 20–ci ildönümü ilə
bağlı silsilə tədbirlər keçirilmiş, şəhid
ailələri və əlil olmuş vətəndaşlarla
görüş keçirilərək onlara maddi yardım
göstərilmişdir.
2 fevral Gənclər
Günü, Novruz Bayramı, 31 mart Azərbaycanlıların
Soyqırımı Günü ilə əlaqədar geniş
tədbirlər keçirilmişdir.
Rayonda
yerləşən Zərifə Əliyeva adına uşaq
bağçasında rayon icra hakimiyyətinin təşkilatçılığı
ilə görkəmli oftalmoloq alim, akademik Zərifə
xanım Əliyevanın anadan olmasının 89–cu
ildönümünə həsr edilmiş tədbir
keçirilmiş, Azərbaycan Respublikası Prezidenti
Administrasıyası rəhbərinin 17 aprel 2012–ci il tarixli, 27
nömrəli Sərəncamı ilə təsdiq edilmiş
“Şuşa şəhərinin Ermənistan silahlı qüvvələri
tərəfindən işğalının iyirminci
ildönümü ilə bağlı” tədbirlər
planına əsasən rayon icra hakimiyyətinin akt zalında
rayon rəhbərliyi, ictimaiyyəti, qeyri–hökumət təşkilatları,
KİV və rayonda fəaliyyət göstərən “Azərbaycan
Respublikası Dağlıq Qarabağ Bölgəsinin Azərbaycanlı
İcması” İctimai Birliyinin nümayəndələrinin
iştirakı ilə “İşğala yox!” devizi altında tədbir
keçirilmişdir.
Ötən
il ulu öndər Heydər Əliyevin anadan olmasının
89–cu ildönümü ilə bağlı Nərimanov Rayon
İcra Hakimiyyəti tərəfindən tərtib olunmuş Tədbirlər
Planına uyğun olaraq S.Xasıyev adına parkda ənənəvi
olaraq əzəmətli “Gül bayramı” təşkil
edilmişdir. Tədbir görkəmli incəsənət
ustalarının ifasında bayram konserti ilə müşayiət
olunmuşdur.
Əhalinin sosial–müdafiəsinin gücləndirilməsi,
onların həyat səviyyəsinin
yaxşılaşdırılması, yoxsulluğun
azaldılması istiqamətində Respublika Prezidentinin fərman,
sərəncam və tapşırıqlarını rəhbər
tutaraq rayonun xidmət sahələri və idarələri tərəfindən
ardıcıl tədbirlər həyata keçirilmişdir.
Dövlət Sosial Müdafiə Fondunun rayon şöbəsi
sosial sahədə qəbul edilmiş dövlət
Proqramlarının icrasını həyata
keçirmişdir.
Qüvvədə
olan qanunvericiliyə uyğun olaraq vətəndaşların
pensiya təminatı ilə əlaqədar müraciətlərə
baxılması işi davam etdirilmiş, 2012–ci il ərzində
qeydiyyatda olan 25027 nəfər pensiyaçıya hər ay 4
milyon 45 min manat vəsait ödənilmişdir.
Yanvarın
15–dən Nərimanov rayonunda Azərbaycan Respublikasının
Prezidenti yanında Vətəndaşlara Xidmət və Sosial
İnnovasiyalar üzrə Dövlət Agentliyinin tabeliyində
olan 1 nömrəli “ASAN xidmət” mərkəzi vətəndaşlara
xidmət göstərməyə başlamışdır.
Dövlət
agentliyinin və onun tabeliyində “ASAN xidmət” mərkəzlərinin
yaradılması Respublika Prezidenti cənab İlham Əliyevin
2012–ci il iyulun 13–də imzaladığı
fərmanla əsas vəzifə kimi qarşıya
qoyulmuşdur. Bu qurumun yaradılmasında məqsəd
vətəndaşlara birbaşa xidmət göstərəcək
“ASAN xidmət” mərkəzlərinin vahid şəkildə
idarə edilməsidir.
“ASAN xidmət” mərkəzi Bakı şəhəri,
akademik Həsən Əliyev küçəsi, 36
ünvanında yerləşir, həftənin bütün
günləri vətəndaşlara xidmət göstərir. “ASAN xidmət” mərkəzində
9 dövlət orqanı – Ədliyyə, Daxili İşlər,
Vergilər nazirlikləri, Əmlak Məsələləri
Dövlət Komitəsi, Dövlət Gömrük Komitəsi,
Dövlət Miqrasiya Xidməti, Dövlət Torpaq və Xəritəçəkmə
Komitəsi, Dövlət Sosial Müdafıə Fondu və
Milli Arxiv İdarəsi tərəfındən 23 adda
hüquqi xidmət həyata keçirilir.
Azərbaycan
Respublikasının Prezidenti cənab İlham Əliyevin məruzə
və nitqlərində ölkənin ictimai–siyasi həyatında
baş verən hadisələrlə bağlı fikirlərinin,
sosial–iqtisadi inkişaf və həyata keçirilən
genişmiqyaslı layihələr haqqında dolğun məlumatların
operativ qaydada əhaliyə çatdırılmasının
xüsusi əhəmiyyətini nəzərə alaraq yüksək
hazırlığa, biliyə və nüfuza malik
ziyalılardan ibarət yaradılmış təbliğat
qruplarının rayonun idarə, müəssisə və təşkilatlarında,
habelə sakinlərin toplaşdıqları yerlərdə həftə
görüşlərinin keçirilməsi təmin
edilmişdir. 2012–ci il ərzində təbliğat
qruplarının keçirdiyi 50 həftə
görüşündə 5310 nəfər iştirak
etmişdir.
Yığıncaqda Azərbaycan Respublikası Prezidunti Administrasiyasının məsul işçisi Tağı Tağıyev, Yeni Azərbaycan Partiyasının icra katibi, Milli Məclisin deputatı Əli Əhmədov, Millət vəkili Adil Əliyev, Rayon Gigiyena və Epidemiologiya Mərkəzinin direktoru Nurulla Məmmədov, Rayon Gənclər və İdman İdarəsinin rəisi Nəcəf Novruzov, Azərbaycan Elmi–Tədqiqat Tibb Bərpa Təbii Amillərlə Müalicə İnstitutunun direktoru Əlişir Musayev, “Azərilmə” MMC–nin direktor müavini Orxan Rzayev çıxış etdilər.
Toplantını rayon icra hakimiyyətinin
başçısı Abdin Fərzəliyev
yekunlaşdıraraq əminliklə bildirdi ki, 2013–cü ildə
rayonun sosial–iqtisadi yüksəlişi istiqamətində
inkişaf tampi uğurla davam etdiriləcək, Nərimanov
rayonu paytaxtın rayonları arasında öz liderlik
mövqeyini ləyaqətlə qoruyub saxlayacaqdır.
Qədir ASLAN
Respublika.- 2013.- 6 fevral.- S. 5.