Soydaşlarımız mütəşəkkil
diaspor kimi
formalaşmışlar
Dünya azərbaycanlıları müstəqil Azərbaycan Respublikasının beynəlxalq münasibətlərinin inkişafında və ölkəmiz haqqında həqiqətlərin dünya ictimaiyyətinə çatıdırılmasında iştirak etmək imkanına malik fəal qüvvəyə çevrilmişdir. Diaspor quruculuğunun ən vacib istiqamətlərindən biri də məhz həmvətənlərimizin Azərbaycanın maraqlarından irəli gələn bu prosesdə daha fəal iştirakını təmin etməkdir. Bütün bunlar dünyadakı həmvətənlərimizin təşkilatlanması istiqamətində aparılan dövlət siyasətinin fundamental istiqamətlərini təşkil edir.
Dünyanın müxtəlif ölkələrində məskunlaşmış azərbaycanlıların mütəşəkkil diaspor kimi formalaşması, lobbi quruculuğu sahəsində Azərbaycan Respublikasının xarici siyasətinin prioritet istiqamətlərindən birinə çevrilmişdir. Azərbaycan Respublikası dünya azərbaycanlıları tərəfindən milli-tarixi təkamülün bəhrəsi, milli mənliyin rəmzi, tarix, Vətən anlayışının inikası kimi qəbul edilməlidir.
Hazırda dünyada “qloballaşma”
adlanan proses gedir. Onun doğurduğu reallıqlar
Azərbaycan diasporunun
fəaliyyətinə də
öz təsirini göstərməkdədir. İnteqrasiya
prosesləri dünyanın
müxtəlif regionlarında
yaşayan həmvətənlərimizin
daha sıx birləşməsini zərurətə
çevirmişdir. Başqa sözlə
desək, indi azərbaycanlıların ideya-siyasi
birliyi yalnız ölkəmizin milli maraqlarından irəli gələn vəzifə deyil, həm də müasir dünyada gedən ictimai-siyasi proseslərin tələbi ilə ortaya çıxan zərurətdir.
Xalqımız dövlət müstəqilliyini
bərpa etdikdən sonra milli birliyin
təminatı, dünya
azərbaycanlılarının vahid milli mənafe
ətrafında birləşdirilməsi
məsələsi dövlət
quruculuğunun əsas
vəzifələrindən biri kimi meydana
çıxdı.
Milli birliyin ideoloji əsası olan azərbaycançılıq
ideyası və məfkurəsi ulu öndərimiz, dahi şəxsiyyət Heydər
Əliyev tərəfindən
formalaşdırılmışdır.
31 Dekabr Azərbaycanın
tarixində Dünya Azərbaycanlılarının Həmrəyliyi
Günü kimi daxil olmuşdur. Bu istiqamətdə
ilk addım ümummilli
liderimiz, Heydər Əliyevin təşəbbüsü
ilə 1991-ci il dekabr ayının 16-da Naxçıvan
Muxtar Respublikasının
Ali Məclisinin sessiyasında
atıldı və Milli Həmrəylik Gününün təsis
edilməsi ilə bağlı qərar qəbul edildi. Qərara görə, “31 Dekabr-Milli Həmrəylik Günü” kimi hər il
bayram edilməsini nəzərdə tutan müddəa ilə yanaşı, bu günün bütün ölkə ərazisində
qeyd olunması barədə Azərbaycan Respublikası Ali Sovetinə
təklif verilməsinin
zəruriliyini bildirən
xüsusi bənd də salındı. Bu tarixi sessiyadan doqquz gün sonra dekabrın 26-da Azərbaycan Respublikası
Ali Sovetinin Milli Şurası hər il dekabr
ayının 31-ni Dünya
Azərbaycanlılarının Həmrəyliyi Günü
elan olunması haqqında sərəncam verdi.
Ulu öndər Heydər Əliyev böyük qürur və təəssübkeşliklə milli birliyin prioritet məsələ olduğunu dövlət rəhbəri kimi xalqa bəyan etmişdir: “Biz gərək
milli mənliyimizi həmişə yüksək
saxlayaq, mənim üçün hər şeydən üstün mənim milli mənliyimdir. Milli mənliyimə görə
istədiyim yola gedə bilmişəm, istədiyimə nail ola bilmişəm və xalqıma xidmət edə bilmişəm”.
Dünyanın müxtəlif ölkələrində
yaşayan soydaşlarımızın
və həmvətənlərimizin
müstəqil Azərbaycan
Respublikası ilə əlaqələrinin daha da möhkəmləndirilməsi,
onlar arasında birliyin və həmrəyliyin təmin olunması, habelə Azərbaycan icmalarının,
cəmiyyətlərinin birliklərinin
fəaliyyətinin gücləndirilməsi
və əlaqələndirilməsi
ilə bağlı məsələlərin birgə
müzakirəsi zərurətini
nəzərə alaraq
Dünya Azərbaycanlılarının
I Qurultayının keçirilməsi
haqqında 2001-ci ilin
may ayının 23-də ulu
öndər Heydər
Əliyevin məlum sərəncamı bu möhtəşəm ideologiyanın
gerçəkləşməsinə istiqamətlənmişdir.
2001-ci ilin noyabr ayının 9-u və
10-da Bakıda keçirilən
Dünya Azərbaycanlılarının
I Qurultayı Azərbaycan
tarixinə böyük
bir prosesin başlanğıcı kimi
daxil olmuşdur. Bu mühüm tədbirdə
36 ölkədən 200-dən çox müxtəlif təşkilatı təmsil
edən 406 nümayəndə
və 63 qonaq iştirak etmişdir.
Xalqımızın mənəvi birliyi, azərbaycançılıq ideyaları
Dünya Azərbaycanlılarının
I Qurultayında öz
parlaq təcəssümünü
tapmışdır. Xarici ölkələrdə
yaşayan bir çox həmvətənlərimizin
iştirak etdiyi bu qurultayda ümummilli
lider Heydər Əliyevin proqram xarakterli çıxışı
diasporumuzun formalaşmasında,
bütövlükdə mili-tarixi
poseslərin inkişafında
keyfiyyətcə yeni mərhələ açmışdır.
Prezident İlham Əliyevin diaspor quruculuğu sahəsində siyasəti
ulu öndərimiz Heydər Əliyev tərəfindən müəyyənləşdirilmiş
ideya və prinsiplərin konseptual istiqamətlərinə əsaslanır. Bu siyasətin
əsas məqsədi
dahi öndərimizin müəyyənləşdirdiyi siyasi xəttə uyğun olaraq dünya azərbaycanlılarının
vahid təşkilatda birləşməsinə nail olmaqdır.
Məlumdur ki, 2020-ci il sentyabrın 27-də
Ermənistanın Azərbaycana
qarşı genişmiqyaslı
təxribatı başlamışdır.
Mülki
əhalinin yaşadığı
kənd və şəhərlərin artilleriya
qurğularından raket
atəşinə tutulması
Azərbaycan xalqını
Vətən uğrunda
mübarizəyə qaldırdı.
Müzəffər Azərbaycan Ordusu
44 gün ərzində
parlaq qələbə
qazanaraq Ermənistanı
məğlub etdi, işğala son qoyuldu.
Vətən müharibəsi dövründə
dünyanın bütün
ölkələrində və
həmçinin Belarus respublikasında
yaşayan həmvətənlərimiz
birlik və həmrəylik nümayiş
etdirdi. Mitinqlər keçirərək erməniləri və onlara dəstək verən qüvvələri
qətiyyətlə pislədi.
Dünya azərbaycanlıları qürur
hissi keçirir ki, Azərbaycan Prezidenti, müzəffər
ordunun Ali Baş Komandanı cənab İlham Əliyevin qətiyyəti sayəsində
30 illik işğala
son qoyuldu.
Yeni il və Dünya
Azərbycanlılarının Həmrəyliyi Günü
münsibətilə yer
üzərinə səpələnən,
qürbətdə yaşayan,
qəlbi Vətən,
Azərbaycan eşqi ilə döyünən soydaşlarımızı təbrik
edir, tarixi Vətənin maraqlarından
irəli gələn vəzifələrin həllində
onlara həmrəylik,
bir bayraq altında birləşməyi
arzulayıram.
Vasif
İSMAYİLOV,
Belarusiyadakı Azərbaycan Ticarət
Evinin təsisçisi,
“Şərəf” ordenli, “Tərəqqi”
medallı.
Respublika.- 2020.- 31 dekabr.- S.9.