Belə oğullarla fəxr edir Vətən!
44 günlük İkinci
Qarabağ müharibəsi
Azərbaycanın tarixi
Qələbəsi ilə
başa çatdı. Döyüş
meydanında müzəffər
Azərbaycan Ordusu 30 ilə yaxın faşist xislətli ermənilərin işğalı
altında olan şəhər, qəsəbə
və yaşayış
məntəqələri, bir
sıra strateji yüksəkliklərin əldə
edilməsinə nail olan
Azərbaycan Ordusu Ermənistanı diz çökdürdü. Bir sözlə,
İkinci Qarabağ müharibəsi bir çox məqamlara işıq saldı.
Azərbaycanın ərazi bütövlüyünün
qorunub saxlanılması,
Azərbaycan Ordusu, məğlubedilməz xalq
“dənizdən-dənizə”, “böyük Ermənistan” yaratmaq xülyası ilə yaşayan ermənilərin döyüş
meydanında dərsini
verdi. Azərbaycan ədaləti, haqqı
bərpa edərək
dünyaya sözün
əsl mənasında
tarix, hüquq dərsi keçdi.
Müzəffər Azərbaycan ordusunun keçirdiyi uğurlu əməliyyatlar sayəsində
neçə-neçə cəsur
oğullarımız şəhidlik
zirvəsinə ucaldı,
ağır bədən
xəsarəti aldı. İşğal
altında olan torpaqlarımızın azad
olunması uğrunda gedən ölüm-dirim savaşında şəhidlik
zirvəsinə ucalan,
öz ölümü
ilə ölümsüzlüyə
qovuşanlardan biri də Könül ananın gözünün
ağı-qarası olan,
sidq ürəklə Vətənə, xalqa, Azərbaycana bağlı olan 21 yaşlı oğlu Tural Məmmədov oldu.
Tural Daşkəsəndə məktəbə
getmiş, daha sonra təhsilini Abşeron rayonunun Mehdiabad kəndində davam etdirmiş, həmişə 1988-ci ildə
Qərbi Azərbaycanın
Göyçə mahalından
zorla qovulan göyçəlilərin acı
taleyi haqqında düşünmüş, həmişə
erməni daşnaklarından
qisas almaq barədə düşünmüş,
İkinci Qarabağ savaşında qəlbinin
hökmü ilə könüllü olaraq cəbhəyə yollanmış
və çox keçmədən ağır
döyüşlərə atılmışdır.
Qovrula-qovrula, göynəyə-göynəyə,
yana-yana həsrətini
çəkdiyimiz müqəddəs
torpağımız-qədim qala qapılarımız Şuşaya qovuşmaq üçün Tural da İkinci Qarabağ savaşında qüdrətli ordumuzun sıralarında olmuş,
digər əsgərlərimiz
kimi Şuşa uğrunda gedən döyüşlərdə milli
heysiyyətimizi, tarixi
qəhrəmanlıq ruhumuzu,
rəşadətimizi ortaya
qoymuş, çətin
Şuşa əməliyyatında
Göyçə qartalı
kimi tanınmış,
ən çətin məqamlarda düşmənin
başına od ələmiş, döyüşlərdə
ağır yaralanmış,
qan itirmiş, gözləri qarşısında
anası Könülü,
sevimli və tənha bacısı Yasəməni, Göyçənin
Cil kəndindən olan qohum-dostlarını düşünmüşdür.
Tural döyüşlərdə
5 yaralı əsgəri
güllə yağışı
altından çıxarmış,
6-cı yaralını çıxardarkən
qəfl güllə onu yaxalamışdır.
Şuşa uğrunda gedən ağır döyüşlərdə
qəhrəmanlıqla şəhid
olan Tural Məmmədovun son mənzili
Xırdalan şəhərindəki
Şəhidlər Xiyabanı
oldu.
Şəhid anası Könül
xanım, şəhid
bacısı bu gün başlarını
dik tutur, fəxr edirlər ki, qartal baxışlı,
üçrəngli Azərbaycan
bayrağını həmişə
qürurla dalğalandıran
Tural Vətənimizin
azadlığı uğrunda
şəhid olmuş,
adı İkinci Qarabağ savaşına qızıl hərflərlə
yazılmışdır.
Qədir ASLAN
Respublika.- 2020.- 6 dekabr.- S.5.