Ən qədim tarixi abidəmiz işğaldan azad olundu
Azərbaycanın cənub-qərbindəki Kiçik Qafqaz dağlarının cənub-şərq
yamacında yerləşən
Azıx mağarası,
Qarabağın şəhər
və kəndləri,
bir çox tarixi abidələri kimi Azərbaycan Prezidenti, cənab Ali Baş Komandan İlham Əliyevin rəhbərliyi ilə ordumuzun düşmən üzərində çaldığı
qələbə nəticəsində
əsarətdən qurtarmış
oldu.
İlk qədim
Daş dövrü insanlarının yaşayış
yeri kimi məşhur olan Azıx mağarası
1960-cı ildə AMEA-nın
“Paleolit Arxeoloji Ekspedisiyası” tərəfindən
aşkarlanmış ən
qədim yaşayış
yeri olaraq müəyyən edilmişdir.
Bu qədim insan düşərgəsində aparılan
arxeoloji tədqiqatları
ilk əvvəlllər Azərbaycan
alimləri aparırdılar. Sonralar çoxtəbəqəli
paleolit düşərgəsində
aşkar olunmuş maddi mədəniyyət qalıqlarının zənginliyi,
burada kompleks şəkildə arxeoloji qazıntı işlərinin
aparılmasının gərəkliyini
ortaya çıxardı.
Ona görə də Azıx paleolot düşərgəsində arxeoloqlarla
yanaşı, paleontoloqlar,
paleoqeoloqlar, paleoqeomorfoloqlar,
paleoantropoloqlar və digər elm sahələrinin
mütəxəssisləri də tədqiqat işləri aparmağa başladılar.
Azıxda elmi tədqiqatlar aparan M.M.Hüseynov, D.V.Hacıyev, Ə.V.Məmmədov,
N.Ş. Şirinov, Ə.A.Cəfərov,
A.A.Veliçko, S.D.Əliyev,
M.B.Süleymanov və
başqa alimlərin fəaliyyəti nəticəsində
Paleolit dövrünün
ayrı-ayrı inkişaf
mərhələlərinə aid zəngin elmi materiallar aşkar edilmişdir. Azıx mağarası özünün
böyüklüyünə görə də Qafqazda ən möhtəşəm mağaradır.
Mağarada arxeoloqlar arxeoloji
qazıntılar zamanı
160-dan çox daha mükəmməl daşdan
hazırlanmış kobud
çapma alətlər
aşkar etmişlər.
Ən maraqlı cəhətlərdən
biri də bir neçə ədəd iki əllə yaxşı tutub istifadə etmək üçün çoppinq tipli alətlərin qeydə alınmasıdır. Həmin alətlərə
1976-cı ildə Sankt-Peterburq
(Leninqrad) şəhərində
yerləşən Arxeoloji
İnstitutun arxeoloji-texnoloji
laboratoriyasında professor S.A. Semyonov xüsusi diqqət yetirmiş və Paleolit dövrü üçün
ən nadir və maraqlı əmək alətləri olmasını
qeyd etmişdir. Bu mağarada məişətdə
işlədilən qablara
bənzər daş alətlər, ovçuluq
təsərrüfatı üçün
yararlı olan əmək alətləri
tapılmışdır. Azıx paleolit düşərgəsinin
V təbəqəsindən daha əlavə 300-dən
artıq daş məmulatı qeydə alınmışdır. Düşərgənin V təbəqəsindən aşkar
olunmuş daş məmulatının əksəriyyəti
çaxmaq (143 ədəd)
və slanes (124 ədəd) daşlardan hazırlanmışdır. Daş məmulatı içərisində
bazalt (2 ədəd), peşçalnik (3 ədəd)
və 3 ədəd dəvəgözü daşından
hazırlanmış alətlər
qeydə alınmışdır.
Orta Aşel mədəniyyətinə
aid təbəqənin baş
məmulatı içərisində
2 ədəd mustye iti ucluğu qeydə alınmışdır.
Azıx qədim insan düşərgəsindən aşkar
olunmuş elmi materialların təhlili ibtidai insanların dini təsəvvürləri
haqqında yeni-yeni elmi fikirlər söyləməyə şərait
yaratmışdır. 1972-ci ilin arxeoloji tədqiqatları zamanı
Azıx düşərgəsinin
V təbəqəsinin yerləşdiyi
sağ divarında qaranlıq bir yerdə 3 ədəd mağara ayısının
kəlləsi aşkar
olunmuşdur. Bu sahə mağaranın içərisində olduqca
möcüzəli bir
guşədə qabarıq
formada irəliyə uzanaraq, orta hissəyə işıq düşməsinə mane olur
və nəticədə
bura zülmətə
qərq olur. Bu hissədə qaya
rəfi təbii surətdə əmələ
gəlmişdir. Yuxarıda qeyd
olunan mağara ayılarının kəlləsi
və çənəsi
məhz bu rəfdədir. Tədqiqatlar zamanı müəyyən
olunmuşdur ki, mağara ayılarının
kəllə və çənələri buraya
ibtidai insanlar tərəfindən qoyulmuşdur.
Bu proses qədim insaların ilk dini görüşləri barədə
məlumat verir, həm də qədim Azıx sakinlərinin mağara ayılarının kəllələrinə
bir növ sitayiş etdiklərini göstərir.
Tədqiqatlar zamanı müəyyən
olunmuşdur ki, düşərgədə məhz
həmin sahə müqəddəs yer sayılmışdır. Məhz,
Azıx mağarasının
materiallar əsasında
ibtidai insanlarda ilk dini görüşlərin
meydana çıxmasını
orta Aşel mədəniyyəti dövründən,
yəni 400 min il bundan əvvəl başlandığını
söyləmək mümkün
olmuşdur.
Son illərdə aparılan
arxeoloji kəşfiyyat
və tədqiqat işləri nəticəsində
dünyanın bir sıra qədim insan düşərgələrində
də ilk dini etiqadların və görüşlərin meydana
çıxmasına aid zəngin
maddi mədəniyyət
nümunələri aşkar
olunmuşdur. Həmin maddi mədəniyyət
nümunələri ilk dini
təsəvvürlərin orta
Aşel mədəniyyəti
zamanı meydana çıxmasını bir
daha təsdiq edir.
Məhəmməd VƏLİYEV
Respublika.- 2020.- 13 noyabr.- S.10.