Azərbaycan dünyada tolerant ölkə kimi tanınır
Azərbaycanda dini durum hər zaman sabit olmuş,
ölkəmizdə mövcud
müxtəlif dinlərə
və məzhəblərə
mənsub dindarlar arasında hər hansı formada xırda narazılıq belə heç vaxt müşahidə edilməyib. Təbii ki, bunun da kökündə xalqımızın tarixin
süzgəcindən keçib
gələn tolerantlıq
ənənələri və
dövlətin bu sahədəki uğurlu siyasəti dayanır.
Prezidentin birbaşa rəhbərliyi
ilə Azərbaycan hökumətinin bu sahədə həyata keçirdiyi tədbirlər
və qəbul etdiyi qərarlar öz müsbət nəticəsini verir.
Bu gün xalqımız
qələbə sevinci
yaşayır. Ötən il Müzəffər
Ali Baş Komandan İlham Əliyevin rəhbərliyi ilə şanlı ordumuz 30 ilə yaxın Ermənistanın işğalında
qalmış ərazilərimizi
azad etdi. Bununla yanaşı, erməni təcavüzkarları tərəfindən
bu ərazilərdə
yerləşən yaşayış
məntəqələrinin, müxtəlif təyinatlı
tikililərin, infrastrukturun,
təbii ehtiyatların,
ekoloji mühitin vəhşicəsinə dağıdıldığının,
talan edildiyinin şahidi olduq. Bu barbarlıq aktlarında
Azərbaycan xalqının
tarixi və mədəni irsinə, həmçinin dini abidələrinə qarşı
erməni faşizminin
bütün beynəlxalq
hüquq normalarını
kobud şəkildə
pozduğu açıq
görünür. Həmin ərazilərdəki
dağıntıların miqyası
olduqca böyükdür,
eyni zamanda dini abidələrə qarşı dərin nifrət və təhqir elementləri xüsusilə özünü
göstərir.
Demək
olar ki, iki-üç məscid istisna olmaqla, bütün müsəlman
dini abidələri məhv edilib, eyni zamanda ermənilər
Qafqaz Albaniyasına
aid xristian abidələrinə
müxtəlif simvol və elementlər əlavə etməklə
qriqoryanlaşdırmağa çalışıblar. Bu cür vandalizm aktları nəinki Azərbaycan xalqına, eyni zamanda bütün
bəşəriyyətin mədəni
irsinə qarşı
təcavüzdür.
Ordumuzun
şanlı qələbəsindən
sonra Prezident, Ali Baş Komandan İlham Əliyev və Birinci vitse-prezident, Heydər Əliyev Fondunun prezidenti Mehriban Əliyeva azad olunmuş torpaqlara tez-tez səfər edirlər. Belə səfərlərdən biri
də bu il martın
15-də Xocavənd rayonuna
və orada yerləşən Hünərli
kəndindəki Alban kilsəsinə
olmuşdur. Məbədə
baxış keçirəndən
sonra Prezident İlham Əliyev təəssüratlarını bölüşərək demişdir:
“Bura qədim Alban məbədidir, Alban kilsəsidir,
Hünərli kəndində
yerləşir. Ermənilər
bu kilsəni də erməniləşdirmək
istəmişlər və
burada erməni dilində yazılar yazmışlar, ancaq buna nail
ola bilməmişlər.
İndi əgər bu, erməni kilsəsi olsaydı, bunu belə vəziyyətdə
qoyardılarmı? Tövləyə oxşayır, elə bil ki, tövlədir,
zibilxanadır. Bu, bizim qədim tarixi abidəmizdir, udi qardaşlarımızın
məbədidir. Onlar buraya
da gələcəklər.
Ermənilər necə ki, bizim məscidlərimizi təhqir ediblər, qədim Alban məbədini
də təhqir etmişlər. Amma biz bərpa
edəcəyik. Bütün bu
yazılar saxta yazılardır, sonradan yazılmış yazılardır.
Onlar bizim qədim torpaqlarımızda özləri
üçün saxta
tarix yaradıblar.
Amma buna nail ola bilməyiblər,
biz onları ifşa etmişik. Bu kilsənin
- Alban məbədinin bu
vəziyyətdə olması
bir daha erməni saxtakarlığını
göstərir. Erməni kilsəsi
olsaydı, bunu təmir etdirərdilər.
Sonra da bəziləri bizə irad tuturlar ki, biz xristian abidələrinə
yaxşı baxmırıq.
Bunu ermənilər bu günə salıblar.
İndi gəlsinlər, baxsınlar
Azərbaycanın müxtəlif
yerlərində xristian
abidələri necə
qorunur. Bu qədim
Alban kilsəsini görərlər
bir müddətdən
sonra biz necə təmir etdirəcəyik.
Azərbaycan ərazisində bütün
dinlərin məbədləri
dövlət tərəfindən
qorunur, dövlət tərəfindən tikilir
və bütün dünya bunu bilir”.
Bəli, Prezident İlham Əliyev son illərdə
tarixi-mədəni irsin,
milli-mənəvi dəyərlərin
dirçəldilməsi, xüsusən
də, dini ziyarətgahların əsaslı
təmiri və yenidən qurulmasına xüsusi diqqət ayırmışdır. Maddi-mədəniyyət abidələrinin bərpası
və mühafizəsini
daim diqqət mərkəzində saxlayan
dövlət başçısının
sərəncamları ilə
son bir neçə ildə qədim tarixi abidələrin, ziyarətgahların bərpası
ilə bağlı görülən silsilə
tədbirlər dini-mənəvi
dəyərlərə verilən
yüksək qiymətin
göstəricisidir. Prezident İlham
Əliyevin xalqımızın
dini dəyərlərinə,
müxtəlif dinlərə
və sivilizasiyalara hörmətlə yanaşması,
milli-mənəvi dəyərlərə
həssas münasibətin
dövlət siyasətinin
mühüm prioritetlərindən
birinə çevrilməsi,
ölkədə güclü
tolerantlıq ənənələrinin
getdikcə daha da möhkəmləndirilməsi
Azərbaycanı dünyada
multikulturalizmin əsas
mərkəzinə çevirmişdir.
Dini, mədəni və tarixi abidələrin bərpasına,
onların yenidən xalqın qan yaddaşına qaytarılmasına
həssaslıqla yanaşan,
bu sahədə həyata keçirilən
layihələrə ciddi
dəstək verən
Prezident İlham Əliyevin son illərdə
bir çox dini abidələrin bərpası ilə bağlı imzaladığı
sərəncamlar, verdiyi
tapşırıqlar artıq
ölkəmizdə mövcud
olan milli-mənəvi
dəyərlər sisteminin
ayrılmaz hissəsinə
çevrilmişdir.
Bu sahədə Heydər Əliyev Fondunun və onun prezidenti Mehriban xanım Əliyevanın da nəcib işləri çoxdur. Heydər Əliyev Fondu hər bir layihəsi ilə müxtəlif xalqlar arasında humanizm, həmrəylik və dözümlülük kimi bəşəri dəyərlərin bərqərar olmasına zaman-zaman öz töhfəsini verməyə çalışır. Uğurla həyata keçirilən “Tolerantlığın ünvanı - Azərbaycan” layihəsi çərçivəsində ölkədəki məscidlərdə, kilsələrdə, sinaqoqlarda təmir-bərpa işləri aparılmışdır.
Heydər Əliyev Fondunun tarixi, mədəni və dini irsin qorunmasına xidmət edən layihələri Azərbaycanın sərhədləri ilə məhdudlaşmır. Artıq on ildən çoxdur ki, Fondun dəstəyi, Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə Vatikanda mühüm tarixi əhəmiyyət daşıyan dini abidələr bərpa edilir.
Həqiqətən də azad olunmuş torpaqlarda dağıntıların miqyası çox böyükdür. Onların sayı və vəziyyətinin tam qiymətləndirilməsi müəyyən müddət tələb edir. Bu məsələ ilə bağlı dövlətimiz tərəfindən xüsusi qurum yaradılıb və işin nəticəsi barədə həm yerli, həm də beynəlxalq ictimaiyyət mütəmadi məlumatlandırılır. Eyni zamanda, Mehriban xanım Əliyevanın rəhbərliyi və tapşırığı əsasında Heydər Əliyev Fondu qədim Qarabağ torpağında dini abidələrimizin, məscidlərimizin bərpası üzrə layihəyə başlayıb. Bildirək ki, fəaliyyət göstərdiyi ilk gündən Heydər Əliyev Fondu Azərbaycanda tarixi, mədəniyyət və dini abidələrin qorunub saxlanılması və bərpası istiqamətində bir çox layihələr həyata keçirib. Qürurverici haldır ki, qədim Qarabağ torpağında Azərbaycan xalqının milli sərvəti olan dini abidələrimizin, məscidlərimizin bərpası üzrə başlanan layihə çərçivəsində yerli və xarici mütəxəssislərin iştirakı ilə bölgədəki ziyarətgahlarımızın bərpası, konservasiyası və yenidən qurulması həyata keçiriləcək, işğal illəri ərzində Şuşa şəhərində, eləcə də Qarabağın azad edilmiş digər şəhər və rayonlarında dağıntılara məruz qalmış dini ibadət yerlərinin bərpası üzrə müvafiq işlərə artıq başlanılıb. Sözsüz ki, bu işlər çərçivəsində işğaldan azad edilmiş ərazilərdə digər dini konfessiyalara aid məbəd və abidələr də təmir olunaraq bərpa ediləcək.
Söhrab SƏFİYEV
Respublika.- 2021.- 27 may.- S.4.