"Böyük şəxsiyyət, xeyirxah qayğıkeş insan"

 

YAP Astara rayon təşkilatı akademik Zərifə xanım Əliyevanın 87-ci ildönümünü qeyd etdi

 

Dünən YAP Astara rayon təşkilatı oftalmoloq-alim, akademik Zərifə xanım Əliyevanın əziz unudulmaz xatirəsini anma tədbiri keçirdi. Rayon mərkəzi xəstəxanasının akt zalında keçirilən tədbirdə çıxış edən YAP Astara rayon təşkilatının sədri Natiq İbadov akademik Zərifə Əliyevanın oftalmologiya elminin inkişafındakı xidmətlərindən söz açdı: "Zərifə xanım Əliyeva zəngin mənalı ömür yolu keçib.

Zərifə xanım Əliyeva müasir müstəqil Azərbaycan dövlətinin memarı qurucusu, ömrünü Vətəninin xalqının tərəqqisinə həsr etmiş dahi şəxsiyyətin, ümummilli lider Heydər Əliyevin vəfalı ömür-gün yoldaşı, sədaqətli dostu etibarlı silahdaşı olub. Zərifə xanım Əliyeva qədirbilən övlad, məşhur alim, istedadlı insan, sədaqətli ömür yoldaşı qayğıkeş ana idi. Zərifə xanım Əliyevanın zəngin elmi irsi, oftalmologiyanın müxtəlif sahələri üzrə apardığı tədqiqatlar, qazandığı nailiyyətlər, yaratdığı fundamental əsərlər Azərbaycan tibb elminin tarixinə parlaq səhifələr kimi yazılıb".

Tədbirdə YAP Astara rayon təşkilatının qadınlar şurasının sədri Bəsti Əliyeva Zərifə xanım Əliyevanın oftalmologiya elminin inkişafındakı xidmətlərindən danışaraq söylədi ki, görkəmli alim aktual mövzulara həsr edilmiş tədqiqatlar aparıb, bir sıra göz xəstəliklərinin müalicəsinə, o cümlədən, Azərbaycanda traxomanın kökünün kəsilməsinə böyük əmək sərf edib, xəstəliyin müxtəlif mərhələlərinin öyrənilməsi müalicə metodlarının tapılması məqsədi ilə dəyərli elmi tədqiqatlar aparıb. Alimin yüksək insani keyfiyyətlərindən danışan B.Əliyeva bildirdi ki, Zərifə xanım Əliyeva humanist, xeyirxah, mehriban insan olub: "Peşəsində qazandığı uğurlar da bu xüsusiyyətləri ilə bağlıdır. Xeyirxahlıq onun həyat tərzi idi. Akademik Zərifə xanım Əliyevanın fitri istedada malik novator alim, pak nəcib bir insan kimi yaşadığı mənalı ömür yolu hər bir Azərbaycan vətəndaşı, hər bir alim həkim üçün həyat mənəviyyat dərsi, kamillik müdriklik məktəbidir".

Anım mərasimində rayon mərkəzi xəstəxanasının baş həkimi Arif Bağırov, xəstəxananın işçilərindən Kərim Nəzərov, Fuad Səmədov, Sevil Əliyeva, Orxan Əmənnullayev, Malik Əliyev, Barat Sadıqov, Aytən Şirinova başqaları çıxış etdilər. Çıxış edənlər Zərifə xanım Əliyevanın zəngin elmi irsi, oftalmologiya elminin müxtəlif sahələrində qazandığı nailiyyətlərdən danışdılar. Bildirdilər ki, Zərifə xanım Əliyevanın bir sıra göz xəstəliklərinin, xüsusən , Azərbaycanda traxoma xəstəliyinin kökünün kəsilməsində böyük rolu olub. Çıxış edənlər akademik Zərifə xanım Əliyevanın görkəmli alim, böyük dövlət xadiminin ömür-gün yoldaşı kimi nümunəvi həyat yolunun bugünkü nəsil üçün əsil örnək, həyat məktəbi olduğunu bildirdilər.

 

 

RƏFİQƏ KAMALQIZI

 

Səs.- 2010.- 29 aprel.- S. 8.