Azərbaycan kinosu ilə bağlı yeni sənədlər
Dövlət Film Fonduna Rusiyanın Novokosinsk şəhərində
yaşayan V.Qazilkovun şəxsi arxivindən Azərbaycan kinosu ilə bağlı sənədlər qəbul
edilmişdir. Bu sənədlər arasında
görkəmli kinorejissor
Rasim Ocaqovun "Ad günü", "Tütək səsi",
"Qatır Məmməd"
filmlərindən bəhs
edən resenziyalar da vardır. Dövlət Film Fondun direktoru, əməkdar incəsənət
xadimi Cəmil Quliyevin sözlərinə
görə, həmin resenziyalar 1975, 1976 və
1978-ci illərdə "Sovet
ekranı" jurnallarında
dərc olunmuşdur. Bu məqalələrin müəllifləri görkəmli
Rusiya kinoşünasları
Stanislav Rassadi, Yelena Stişova, Tatyana Xvoplyankinadır. V.Qazilkovun şəxsi arxivindən daxil olan sənədlər arasında görkəmli kinoşünas V. Bajoviç
və L.Zakırjevskayanın
tanınmış kinorejissor
Arif Babayevin "Uşaqlığın son
gecəsi" və
"İnsan məskən
salır" filmlərinə
aid resenziyaları da vardır. Həmin materiallar
1967-1968-ci illərdə "Sovetski ekran" jurnalında dərc olunmuşdur. Xalq artisti Şəfiqə Məmmədova haqqında
1978-ci ildə Zoya Muxinanın "Sovetski ekran" jurnalında dərc olunmuş məqaləsi də Dövlət Film Fonduna təqdim edilmişdir.
Zümrüd
Səs.- 2010.- 10 iyul.- S. 12.