“Teatr alternativləri: hip-hop teatrı” mövzusunda seminar

Bakıda keçirilən beynəlxalq elmi-praktik teatr konfransı çərçivəsində dünən Aktyorlar Evində “Teatr alternativləri: hip-hop teatrı” mövzusunda seminar keçirildi. Seminarı aparan ABŞ-ın tanınmış rejissoru Daniel Banks bildirmişdir ki, konfrans dünyanın müxtəlif ölkələrində yaşayan incəsənət adamlarını bir araya gətirmişdir. İdeyaların, fikirlərin mübadiləsi çox gözəl, həm də kifayət qədər vacibdir. Qonaq hazırda ölkəsində populyarlıq qazanmış hip-hop teatrı, onun yaranma tarixi və tamaşaçılara bəxş etdiyi böyük zövq və maraqdan danışdı. O, bildirdi ki, ötən əsrin 70-ci illərinin əvvəlindən başlayaraq, ABŞ-da bu teatrların yaradılmasına başlanılmışdır. Hip-hop teatrı üslubu müasir gənclik üçün daha maraqlı olan vasitələri özündə birləşdirir. Biz bu üslubu hansısa bir ölkədə tətbiq etmək fikrində deyilik. Seminarlar işimizin təbliği və insanlara bu barədə məlumat vermək üçün təşkil edilmişdir.

Zümrüd

Səs.- 2010.- 13 noyabr.- S. 12.