Azərbaycan perspektivli
turizm ölkəsidir
Avropa ilə Asiya arasında yerləşən və qədim adət-ənənələri özündə birləşdirən Azərbaycan bu gün bütün dünyanı sürətli inkişafı ilə heyran edir. Azərbaycan dövlət müstəqilliyini bərpa etdikdən sonra, bütün sahələrdə olduğu kimi, turizmin inkişafına da xüsusi diqqət ayrılıb. Ötən əsrin 90-cı illərinin sonunda turizmin inkişafı ölkənin ali qanunvericilik aktlarında əksini tapıb ki, bu da tarixən neft ölkəsi kimi tanınan Azərbaycanda turizm sektorunda müsbət dəyişikliklərlə müşahidə olunub. Ölkəmizdə tərəqqi və modernləşmənin vəhdət təşkil etdiyi zamanda turizmin müxtəlif növlərinin inkişaf etdirilməsi, müasir turizm infrastrukturun yaradılması sahəsində məqsədyönlü işlər görülür. Son illər ərzində ölkədə turizmin təşviqi ilə bağlı görülən işlər, aparılan islahatlar, qəbul edilən dövlət proqramları, normativ-hüquqi bazanın təkmilləşdirilməsi dövlətin bu sahəyə diqqətini bir daha sübut edir. "2010-2014-cü illərdə Azərbaycanda turizmin inkişafına dair" Dövlət Proqramının, 2011-ci ilin Azərbaycanda "Turizm ili" elan edilməsi ilə bağlı Tədbirlər Planının icrası dövlət tərəfindən turizmin inkişafına verilən dəstəyin göstəricisidir.
Turizm sahəsində beynəlxalq standartlara cavab verən mehmanxanalar tikilib, ölkəyə bir sıra aparıcı beynəlxalq investisiya şirkətləri cəlb olunub, respublikamıza gələn turistlərin sayı artıb. Yeni turizm zonaları yaradılıb. Bununla yanaşı, hələ də bir çox turizm mərkəzlərinin yaradılması və bərpası da nəzərdə tutulub. Bildiyimiz kimi, Naftalan vaxtilə Ümumittifaq Turizm Mərkəzi idi və dünyanının müxtəlif ölkələrindən buraya turist axını var idi. Bu gün Azərbaycanın Beynəlxalq Turizm mərkəzinə çevrildiyi zamanda artıq Naftalanda iki otel fəaliyyət göstərir, üçüncüsü də tikilir. "Qalaaltı" Müalicəvi Mərkəzinin bərpası da yekunlaşmaq üzrədir ki, bu da kurort turizminin inkişafına müsbət təsirini göstərəcək. Göründüyü kimi, turizmin inkişafı ilə bağlı böyük işlər həyata keçirilib.
Bu gün
Azərbaycan turistləri qarşılamaq və lazımı səviyyədə
yerləşdirmək imkanına malik olan ölkədir. Müasir
dövrümüzdə Azərbaycanda fəaliyyət göstərən
turizm şirkətləri və hotellər dünya
standlartlarına uyğun qurulub.
Turizm sahəsində beynəlxalq standartlara cavab verən mehmanxanalar tikilib, ölkəyə
bir sıra aparıcı beynəlxalq investisiya şirkətləri cəlb olunub, respublikamıza gələn turistlərin
sayı artıb. Yeni turizm
zonaları yaradılıb. Bununla
yanaşı, hələ də bir çox turizm mərkəzlərinin
yaradılması və bərpası da nəzərdə
tutulub. Son illərdə
Bakıda brend şəbəkələrə
aid bir neçə beşulduzlu hotelin
açılması Azərbaycanda turizmin
inkişafına göstərilən diqqətin bir nümunəsidir. Bu gün
"Four Seasons", "Fairmont", "Mariott",
"Hilton", "Kempinski", "Jumeirah", "Sheraton", "Hyatt", yəni dünyanın səkkiz aparıcı
hotel brendi Bakıdadır.
Belə brendlərə yalnız dünyanın ən inkişaf etmiş şəhərlərində təsadüf
olunur.
Dövlətimizin başçısı Cənab İlham Əliyevin qeyd etdiyi kimi, bu
gün dünyanın
bir çox ölkələrində aparıcı
sənaye sahəsinə
çevrilən turizm
Azərbaycanda da sürətlə inkişaf
etməkdədir. Azərbaycanın turizm sahəsində rəqabət imkanları çox yüksəkdir.
Ölkəmizin təbii sərvətləri,
iqlimi, zəngin mədəniyyəti və
tarixi irsi cəlbedici turizm məhsulu yaratmaq üçün mühüm
zəmindir. Azərbaycan turizm
sənayesinin inkişafı
üçün zəngin
ehtiyatlara malikdir.
Bu, hər şeydən
əvvəl ölkəmizin
çox əlverişli
iqtisadi-coğrafi mövqeyə
malik olması ilə bağlıdır.
Turistlərin sayında ilbəil artım müşahidə
olunur ki, 2020-ci ilədək ölkəmizə
gələn turistlərin
sayının ildə
5 milyon nəfərə
çatdırılmasının qarşıya məqsəd
olaraq qoyulması da elə bu
gerçəkliklərdən qaynaqlanır. Fevralın 29-da Azərbaycanın Mədəniyyət
və Turizm Nazirliyi ölkəmizin turizm imkanlarının Türkiyədə tanıdılması
məqsədilə daha
bir turizm nümayəndəliyi
İstanbulda
açılıb. Mədəniyyət
və Turizm Nazirliyinin nümayəndə
heyəti, İstanbul şəhərinin rəhbərliyi,
diplomatlar, bir sıra yerli turizm assosiasiyalarının
rəhbərləri, həmçinin
Azərbaycan və Türkiyə turizm şirkətlərinin, mehmanxanalarının
nümayəndələri, KİV təmsilçilərinin iştiak
etdiyi tədbirdə öncə Azərbaycanın
sosial-iqtisadi inkişafı,
tarixi, qədim mədəniyyət abidələri
və turizm imkanlarını əks etdirən sənədli
film nümayiş etdirilib.
Filmdə Azərbaycanda keçiriləcək
"Formula-1" Avropa Qran-Pri
yarışları barədə
də geniş məlumat verilib. Mədəniyyət və
turizm nazirinin müavini Nazim Səmədov, millət vəkili Qənirə Paşayeva, "Gateway" şirkətinin
rəhbəri Halis Çakmak, Azərbaycan Turizm Assosiasiyasının
sədri Nahid Bağırov və başqaları layihənin
əhəmiyyətindən danışıblar. Qeyd edək
ki, nümayəndəliyin
açılması Azərbaycanın
Mədəniyyət və
Turizm Nazirliyi ilə İstanbulda fəaliyyət göstərən
"Gateway Managemental" və
Avropa Şurası arasında əldə olunmuş razılıq əsasında həyata keçirilib. Bir neçə gün bündan öncə Azərbaycanın daha bir turizm nümayəndəliyinin Moskvada
açılışı olub. Onu da bildirək
ki, artıq Azərbaycanın turizm nümayəndəliyi Birləşmiş
Ərəb Əmirlikləri,
Almaniyada fəaliyyət
göstərir.
Bu dövlət başçısının turizmə göstərilən diqqətin nəticəsidir ki, Azərbaycan perspektivli turizm ölkəsinə çevirib. İlbəil Azərbaycana gələn turistlərin sayı artmaqdadır. Son zamanlar Azərbaycanın turizm coğrafiyası genişlənib. Azərbaycan turizmi yüksələn xətt üzrə inkişaf etməkdədir.
ZÜMRÜD
Səs.-2016.-
1 mart.- S.7