Ceyhun Hacıbəylinin Seçilmiş əsərləri onun irsinin öyrənilməsi baxımından böyük əhəmiyyət daşıyır

Fevralın 7-də Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun elektron akt zalında Azərbaycan mühacirət ədəbiyyatı kitabxanası seriyasından çap olunmuş növbəti kitabın - görkəmli yazıçı-publisist, tərcüməçi, naşir ictimai xadim Ceyhun Hacıbəylinin Seçilmiş əsərlərinin təqdimat mərasimi keçirilib.

AZƏRTAC xəbər verir ki, tədbirdə AMEA-nın vitse-prezidenti, Ədəbiyyat İnstitutunun direktoru, akademik İsa Həbibbəyli kitabın Prezident İlham Əliyevin Ceyhun Hacıbəylinin 125 illik yubileyinin keçirilməsi haqqında 2015-ci il 19 noyabr tarixli Sərəncamına əsasən təsdiqlənmiş Tədbirlər Planına uyğun nəşr edildiyini söyləyib. Bildirilib ki, Azərbaycan mühacirət ədəbiyyatı kitabxanası zəngin mühacirət irsimizin təqdimi təbliği baxımından Ədəbiyyat İnstitutunun atdığı mühüm addımlardan biridir. Bu istiqamətdə işlər davam etdirilir.İnstitutun direktoru dövlətimizin başçısının Azərbaycan Xalq Cümhuriyyəti ilə bağlı sərəncamları əsasında AMEA-da görülmüş işlərdən danışaraq qeyd edib ki, C.Hacıbəylinin Seçilmiş əsərləri bunlardan biridir. İ.Həbibbəyli C.Hacıbəylinin həyat fəaliyyətindən bəhs edib, onun milli ədəbi-ictimai fikir tarixinə böyük töhfələr verdiyini vurğulayıb. Bildirilib ki, yeni nəşr C.Hacıbəylinin irsinin öyrənilməsi baxımından böyük əhəmiyyət daşıyır.Filologiya elmləri doktoru Abid Tahirli Ceyhun Hacıbəylinin əsərlərinin nəşri tarixindən mövzusunda məruzə ilə çıxış edib. A.Tahirli bildirib ki, C.Hacıbəylinin bədii-publisistik əsərləri, ədəbiyyatşünaslıqla, folklorla mətbuat tarixi ilə bağlı araşdırmaları həm XX əsrin əvvəlləri Azərbaycan ədəbi-mədəni, ictimai-siyasi həyatının öyrənilməsi, həm istiqlal mücadiləsi tarixini, mühacirət problemlərini tədqiq etmək, dəyərləndirmək baxımından əvəzsiz mənbələrdir. Qeyd olunub ki, bu kitab görkəmli ədibin mühacirət dövrü bədii-publisistik elmi irsinin mühüm hissəsini əhatə edir. Onun digər əsərlərinin tərcüməsi, nəşri tədqiqi Azərbaycan mühacirətşünaslığı qarşısında duran mühüm vəzifələrdəndir.Daha sonra AMEA-nın müxbir üzvü Tehran Mustafayev, filologiya elmləri doktoru, professor Vüqar Əhməd, filologiya üzrə fəlsəfə doktoru Maral Yaqubova, C.Hacıbəylinin fransızdilli ədəbi-elmi irsinin tərcüməçisi Mirzəbala Əmrahov, Ədəbiyyat İnstitutunun mühacirət ədəbiyyatı şöbəsinin müdiri, filologiya elmləri doktoru Nikpur Cabbarlı başqaları təqdim olunan kitabın məziyyətindən danışıblar.Qeyd edək ki, AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəylinin baş redaktorluğu ilə Elm nəşriyyatında çapdan çıxmış kitabın məsul redaktoru N.Cabbarlı, tərtibçisi, Ön sözün qeydlərin müəllifi A.Tahirlidir. AMEA-nın Rəyasət Heyətinin qərarı ilə nəşr edilən kitabda XX əsr Azərbaycan ədəbiyyatının tanınmış nümayəndələrindən olan Ceyhun Hacıbəylinin (1891-1962) mühacirət illərində yazdığı bədii-publisistik əsərlər elmi araşdırmalar yer alıb.

Səs.- 2018.- 8 fevral.- S.11.