40-cı qapı bədii filminin daha bir uğuru

 

Mədəniyyət Turizm Nazirliyinin sifarişi ilə Ritm produktion kino şirkətində çəkilmiş 40-cı qapı bədii filmi Montenegro Beynəlxalq Kino Festivalında uğurla iştirak etmişdir. Mədəniyyət Turizm Nazirliyinin məlumatına əsasən, film festivalın Gümüş zeytun budağı prizini qazanmışdır. Bundan əlavə, Elçin Musaoğlu Ən yaxşı rejissor işi Əbdürrəhim Beşarat Ən yaxşı operator işi mükafatlarına layiq görülmüşlər.

Noyabr ayında 40-cı qapı daha altı xarici festivalın müsabiqəsində Azərbaycan kinosunu təmsil edəcək: San-Paulo Beynəlxalq Kino Festivalı (Braziliya), Qotbus BKF (Almaniya), Bursa BKF (Türkiyə), Qara gecələr BKF (Estoniya), Asiatiko BKF (İtaliya), Dehli BKF (Hindistan).

 

 

Zümrüd

 

Səs.- 2009.- 10 noyabr.- S. 12.