"Evrovizion-2009" qalmaqalı
"Milliyyət"
ermənilərə "əriştə"
kəsir
Qəzet Aysellə Araşın diskvalifikasiya
oluna biləcəyini yazıb
"Evrovizion-2009" mahnı yarışmasında Azərbaycanın
uğurunu Ermənistan
heç cür sinirə bilmir. Bədnam qonşularımız Azərbaycan
təmsilçiləri Aysel
Teymurzadə və Araşın qələbəsinə
kölgə salmaq üçün qarayaxmalara
başlayıblar.
Ermənistan iddia edir ki,
müsabiqənin finalından
öncə səsvermənin
qaydaları ilə bağlı hazırlanmış
video-çarxda sözügedən
ölkənin qarşısında
sıra nömrəsi
yazılsa da, SMS nömrəsi guya yazılmayıb. Azərbaycan İctimai
Televiziyası müsabiqənin
final günü səsvermə
zamanı ölkələr
və ifaçıların
kod nömrəsi yayımlanarkən guya Ermənistanın kod nömrəsini efirə verməyib. Bu səbəbdən də Azərbaycandan Ermənistana
bir səs belə göndərilməyib.
Əslində, bu məsələ
bir neçə gündür ki, müzakirə mövzusudur.
İctimai Televiziya və
Radio Yayımları Şirkəti
isə srağagün
keçirilən mətbuat
konfransında bu məsələyə münasibətini
bildirib. Şirkətin
ictimaiyyətlə əlaqələr
və monitorinq şöbəsinin müdiri,
"Evrovizion" mahnı
müsabiqəsində Azərbaycan
nümayəndə heyətinin
üzvü Tahir Məmmədov "Şərq"ə
açıqlamasında səsvermənin
obyektiv olduğunu və burada hər hansı pozuntuya yol verilməsinin
qeyri-mümkünlüyünü bildirmişdi: "Səsləri
gizlətmək mümkün
deyil. Səslər Almaniya və
İslandiyada hesablanıb
və səsvermədən
öncə hər bir ölkəyə faksla göndərilib.
Ona görə də səsləri gizlətmək
ehtimalı yoxdur.
Ola bilsin, hansısa
texniki nasazlıq üzündən səsvermə
alınmasın. Amma ümumilikdə
səsvermədə heç
bir pozuntu olmayıb". T.Məmmədov həmçinin Ermənistan
tərəfinin ittihamlarını
da cavablandırıb.
İTV rəsmisi qeyd edib ki, Ermənistan
tərəfinin İctimai
Televiziyanı məhkəməyə
vermək istəyi çox yanlış bir şeydir: "Bütün Azərbaycan xalqı hansı nömrə ilə səs verəcəyini bilirdi. Əgər Ermənistanın kodu bilinməsəydi və tamaşaçılar
bundan xəbərsiz olsaydı, o zaman Azərbaycandan Ermənistan
təmsilçilərinə 43 səs göndərilməzdi.
Halbuki Azərbaycandan Ermənistana
43 səs göndərilib.
Bu, rəsmi məlumatdır.
Ancaq həmin 43 səs heç bir faiz göstəricisinə
malik olmadığı
üçün canlı
yayımda açıqlanmayıb".
Dünənsə bu məsələ
Türkiyə mətbuatında
geniş yer alıb. Türkiyənin "Milliyyət" qəzeti bu mövzunu "Aysel & Araş diskvalifikasiya oluna bilir" başlığı altında
manşetə daşıyıb.
"Evrovizion"da üçüncü
olaraq böyük bir başarı yaxalayan Aysel və
Dünən məsələ
ilə əlaqədar
T.Məmmədovla təkrar
əlaqə saxladıq.
İTV rəsmisi "Şərq"ə
açıqlamasında bildirdi
ki, Ermənistan tərəfinin iddiaları
tamamilə əsassızdır:
"Ermənilər öz
günahlarını ört-basdır
etmək üçün
belə hay-küy qaldırıblar. Bilirsiniz ki,
səslərin açıqlanması
zamanı erməni tərəfi əlində
Azərbaycanın işğal
altında olan ərazisindəki abidənin
şəklini tutmuşdu.
Bu, Dağlıq Qarabağdakı qondarma rejimin efirdə nümayişi idi. Və beynəlxalq normalara, AYB-nin qaydalarına tamamilə zidd hərəkət idi.
Bir təxribat idi. Məlumdur ki, Ermənistan özünün təqdimat
çarxına Dağlıq
Qarabağdakı abidələri
də daxil etmək istəmişdi, lakin Azərbaycanın AYB-yə müraciətinin nəticəsi olaraq buna icazə verilməmişdi. Onlar isə
öz istəklərini
başqa variantda həyata keçirdilər.
Bununla da qanunu pozdular.
Buna görə Azərbaycan da Avropa Yayım Birliyinə qarşılıqlı
iddia ilə müraciət edəcək.
Qaldı
ki, guya onların iddiası əsasında Azərbaycanın
diskvalifikasiya ediləcəyinə,
yaxud nəticələrin
ləğvinə, bu,
mümkün deyil.
Məhkəməyə müraciət etmək
istəyirlərsə, qoy
etsinlər. Məhkəmə araşdırma apardıqda
onların yalanı üzə çıxacaq.
Azərbaycandan erməni təmsilçilərinə
43 səs göndərilib
və bu rəqəmlər AYB-yə
bəllidir. Mən bir
daha vurğulayıram
ki, hansısa ölkənin SMS nömrəsini
efirə verməmək,
yaxud hansısa ölkənin kodunu bağlamaq mümkün deyil. 42 dövlətin
yalnız 1 SMS nömrəsi
var və bütün iştirakçı
dövlətlər də
bu nömrəni bilir və ona
səs göndərir.
Bu proses Almaniyanın
"Diaqame" şirkəti
tərəfindən həyata
keçirilir. Hansısa dövlətin
ona müdaxilə imkanları yoxdur. Əgər ermənilər bu addımı atsalar, mən əminəm ki, məhkəmə həqiqəti üzə çıxaracaq və Azərbaycanın haqlı
olduğu bilinəcək.
Onlar bu addımları ilə yalnız özlərini gülünc
vəziyyətdə qoyacaqlar.
Və artıq dediyim kimi, Azərbaycana qarşı iddia qaldırmaqla bizim uğurumuza kölgə salmağa çalışırlar
və özlərinin
qanun pozuntusunu ört-basdır etmək istəyirlər".
Məlahət Rzayeva
Şərq.- 2009.- 21 may.- S. 8.