Türk oğlu türk

"Bakının dərdi var, Bakı xəstədi",

Qarabağ can verir, son nəfəsdədi.

Gözüm yolda, qulaqlarım səsdədi,

Yenə ümid sənədi, türk oğlu türk.

Tanrı qəlblərinə barış salmadı,

Nə sülh, nə də ATƏT deyən olmadı,

Vaxt daraldı, sözə meydan qalmadı,

Yenə ümid sənədi, türk oğlu türk.

"Sülh" deyib açdığın qapı qalmadı,

Namərd yağı heç vecinə almadı,

Sülhə ümid dəryada bir damladı,

Yenə ümid sənədi, türk oğlu türk.

Daha millət dözməyir bu sınağa,

"Sülh" sözünü qatla qoy bir qırağa,

Uşaqdan böyüyə sarıl silaha,

Yenə ümid sənədi, türk oğlu türk.

Qeyzə gəl ki, qeyrət olsun silahın,

İrəvanı vahiməyə salağın.

Bir həmləyə Xankəndini alağın,

Yenə ümid sənədi, türk oğlu türk.

İyirmi il ana torpaq özgədə,

Bədənlər bayırda, başlar kölgədə,

Şah oğlu idik, olmuşuq gədə,

Yenə ümid sənədi, türk oğlu türk.

Bu günəcən gözləməyin bəs edər,

Bəsdir daha, səbr eləməyin yetər,

Şah babamın zəhməti gedib hədər,

Yenə ümid sənədi, türk oğlu türk.

Adın Türkdür! Tarixlərədə yenilməz,

Damarında qan incələr, üzülməz,

Türk yüz baş kəsməsə, başı kəsilməz,

Yenə ümid sənədi, türk oğlu türk.

İlhamam, arxamda ağır el - Turan,

Hayqıranda nəfəsindən od yağan,

Türkün sərkərdəsi Tayyib Ərdoğan,

Yenə ümid sənədi, türk oğlu türk.

Kürsüyə qalxanda həmin Ərdoğan,

Cürət etmir nəfəs almağa, inan.

Nə erməni, nə yahudi, nə yunan,

Yenə ümid sənədi, türk oğlu türk.

Elə sən özün də şir oğlu şirsən,

Gücünə güvənib savaşa girsən,

Ermənini darmadağın edərsən,

Yenə ümid sənədi, türk oğlu türk.

Alaq bir-bir şəhidlərin qanını,

Kafir oğlu kafirlərin canını,

Yaşatmayaq qudurmuşu, harını,

Yenə ümid sənədi, türk oğlu türk.

Belə düyün qan-qadasız açılmaz,

Ay ellər, bizimçün savaş qaçılmaz,

Qurd balası büdrəsə də, basılmaz,

Yenə ümid sənədi, türk oğlu türk.

Bir gözəl görmüşəm

Bir gözəl görmüşəm - qaşlar hilalı,

Aləmə nur saçır hüsnü, camalı.

Yüz il də ömr etsəm bu gündən belə,

Mənlə qoşa yaşayacaq xəyalı,

Hansı asimanın pərisidir bu?

Gül bağında sığınmışdı bir gülə,

Açıb yaxasını verirdi yelə,

Dedim: min-min sənə şükür, Xudaya,

Hurimi, mələkmi göstərdin belə?

Hansı asimanın pərisidir bu?

Ağ gül olub qarışmışdı güllərə,

Hansı aşiq görsə, düşər çöllərə,

Bu mələyin vüsalına yetməsəm,

Məcnun olub düşəcəyəm dillərə,

Hansı asimanın pərisidir bu?

Oğrun-oğrun baxdıqca bu mələyə,

Qısqandım sinəsin açan küləyə,

Eşq atəşi yandırdıqca içimi,

Başladı bir fikir məni üzməyə,

Hansı asimanın pərisidir bu?

Ağ bədən, ağ gərdən, qardan ağ sinə,

Tanrı Cənnətindən göndərib demə,

Bu tər-təravətli behişt barının

Tamından dadarsan, könül, qəm yemə,

Hansı asimanın pərisidir bu?

İlham, Tanrım izin verib görməyə,

Qoy, gedim önündə düşüm səcdəyə,

Ziyarət eyləyib gül əndamını,

İzn alaram ağuşunda ölməyə,

Hansı asimanın pərisidir bu?

İlham DADAŞOV

Təzadlar.- 2010.-9 oktyabr.- S.15.