Dağlar küsüb
məndən, Allah
l hissə
Getsəm, dağlar
sağlar məni,
Gəlsəm, dağlar
saxlar məni,
Bu dünyada
bir qəribəm,
Ölsəm, dağlar
ağlar məni.
Göyçəmin gözündən
süzülən qanam,
Köksü çalın-çarpaz Azərbaycanam.
Görüşünə gedəmmirəm,
Dağlar küsüb
məndən, Allah...
Harayına yetəmmirəm,
Dağlar küsüb
məndən, Allah...
Bulaqlardan sözüm
qaynar,
Qayalardan səsim
yaynar,
Sümşad çaxar,
gürşad oynar,
Dağlar küsüb məndən,
Allah.
Qara zurna səsi gəlmir,
İgidlərin bəhsi
gəlmir,
Gözəllər dəstəsi
gəlmir,
Dağlar küsüb
məndən, Allah...
Göyçəm sassız,
sözsüz qalıb,
Türkün yurdun hayes alıb,
Rəngim, ruhum
lap saralıb,
Dağlar küsüb
məndən, Allah...
Göyçəm, mərdlər
yurdu Göyçəm,
Ordu istər,
ordu Göyçəm,
Di, səslə
boz qurdu, Göyçəm,
Dağlar küsüb
məndən, Allah...
El köç
edir, silah tutmur,
Göz yaşlarını
qurutmur,
Qişası Allah unutmur,
Dağlar küsüb
məndən, Allah...
Ağlar qoyan, ağlar olur,
Zəlzələ, vəlvələ
salır,
Hayesin köpünü
alır,
Dağlar küsüb
məndən, Allah...
Qorbi gəlir
İrəvana,
Hayes əziz-xələf
ona,
Osa yağ tökür yanğına,
Dağlar küsüb
məndən, Allah...
Başı yastı,
qəlbi çamur,
Hayklar ondan imdad umur,
Dənizdən-dənizə cumur,
Dağlar küsüb
məndən, Allah...
Qaçqın, köçkün
könlü viran,
Qan-qan deyir hayes hər
an,
Böyümədə "Ermənistan",
Dağlar küsüb
məndən, Allah...
Ara vurur ala
qarğa,
Dünya durur hayka arxa,
Hayk öyünür
lovğa-lovğa,
Dağlar küsüb
məndən, Allah...
Təbriz, İstanbul
heç dinmir,
"Türkəm"
deyən bir görünmür,
Qovğa alvolanır,
sönmür,
Dağlar küsüb
məndən, Allah...
Göyçə əl-ayaqlı
gedir,
Qalan bölgələr
seyr edir,
Yurd yerində
bayquş ötür,
Dağlar küsüb
məndən, Allah...
Hanı mənim türklüyüm
bəs?
Mən əliləm, yoxsa şikəst?
İrəli durmayır
bir kəs,
Dağlar küsüb
məndən, Allah...
Boş qalıb
bəndi-bərəmiz,
Baş girləyirik
hərəmiz,
Hanı Koroğlu nərəmiz?
Dağlar küsüb
məndən, Allah...
Əl-qolumu bağlayan
kim?
Köksüm başın
dağlayan kim?
Bu nə cadu, bu
nə tilsim?
Dağlar küsüb
məndən, Allah...
Hər bir şeyin var öz adı,
Şərin xeyirdir təzadı,
Köləlik verir fəsadı,
Dağlar küsüb
məndən, Allah...
Qorx ki, fəsad lap cərləşə,
Oğraşlaşa, ləçərləşə,
Daha da eybəcərləşə,
Dağlar küsüb
məndən, Allah...
Kommunistlər maskalana,
Bəylik verilə
ona,
Dönələr yurd qaytarana,
Dağlar küsüb
məndən, Allah...
Ey türk,
sərsəm fikrə
cumma,
Şərəfsizdən şərəf
umma,
Qorxuludur cüzam,
cuma,
Dağlar küsüb
məndən, Allah...
Barmağa dolana millət,
İş görə
alvernən, rüşvət,
Dəhşətə edilə
heyrət,
Dağlar küsüb
məndən, Allah...
Onlar yığma
neçə sortdan,
Milləti qorxudan xortdan,
Göyçə adı çıxa yaddan,
Dağlar küsüb
məndən, Allah...
Sonrasa dörd
doqquz ola,
Bəyliyə qırsaqqız
ola,
Gedən gedə,
qalan qala,
Dağlar küsüb
məndən, Allah...
Necə ki, it tikə qapır,
Kor yapalaq
halva tapır,
Calağan da çalır, çapır,
Dağlar küsüb
məndən, Allah...
Onlar elə nazlanarlar,
Neftlənər, qazlanarlar,
Kef-damağı
sazlanarlar,
Dağlar küsüb
məndən, Allah...
Məlul baxma, o Şahdağı,
Alı, Ələsgər
oylağı,
Gözüm oldu qan çanağı,
Dağlar küsüb
məndən, Allah...
Böylə getsə
işlər, böylə,
Çox
müşküldür halım söylə,
Qurd qoyunu buraxmaz neylə,
Dağlar küsüb
məndən, Allah...
Şəhriyarı bir xatırla,
"Millət
yenə qoyun ola,
Qurd ilə qol-boyun ola"
Dağlar küsüb
məndən, Allah...
Ot kök üstündə bitməyə,
"Bay" saqqız
başdan itməyə,
Səməd ağalar
yetməyə,
Dağlar küsüb
məndən, Allah...
Dinirəm, heç
dinmir dağlar,
Dərdlərimi yenmir dağlar,
Üzü bəri
dönmür dağlar,
Dağlar küsüb
məndən, Allah...
Dağlar sevmir ləliməyi,
Küsüb dağlar
Şahı, bəyi,
Dəyişməyin kimnən,
nəyi,
Dağlar küsüb
məndən, Allah...
Mərd türklərin
izi durur,
Qopuz çalır,
əmud vurur,
Dağlar məndən
istər qürur,
Dağlar küsüb
məndən, Allah...
Fəzail İsmayıl Böyükkişi
Təzadlar.- 2010.- 14 oktyabr.- S.15.