"Naxçıvan
bir türk
torpağıdır"
Vəfa Rzayeva:
"Naxçıvanda yaşayan əhali ilə Türkiyə
arasında güclü əlaqələr var"
Türkiyə Dokuz Eylül
Universitetinin dosenti, tarixçi, Dr. Vəfa Rzayevanın “Təzadlar”a
müsahibəsi
- Vəfa
xanım, bu günlərdə Azərbaycan və Türkiyə
arasında böyük qaz sazişi imzalandı. Sazişin
siyasi-strateji və iqtisadi əhəmiyyəti barədə nə
deyə bilərsiniz?
-
Ötən ilin 26 dekabr tarixində Türkiyə və Azərbaycan
arasında Trans-Anadolu qaz kəmərinin çəkilməsi
məsələsində Memorandum imzalanmışdı. Yəni
kəmər Xəzər dənizinin Azərbaycan sektorunda yer
alan “Şahdəniz” qaz yatağından əldə olunacaq
rezervin Türkiyə vasitəsilə Avropaya ötürülməsi
nəzərdə tutulmuşdu. Bu kəmərin inşası
25 oktyabr 2011-ci ildə Azərbaycanla Türkiyə arasında
imzalanmış qaz müqaviləsində də nəzərdə
tutulmuşdu. Türkiyənin enerji və təbii sərvətlər
naziri Taner Yıldız və Azərbaycanın sənaye və
energetika naziri Natiq Əliyevin imzaladıqları sözügedən
müqavilə kəmərin inşaatı üçün
prosesə start verilməsi, eyni zamanda Azərbaycan və
Türkiyə tərəfindən ortaq konsorsiumun təsis
olunması üçün şirkətlərin seçilməsi
nəzərdə tutulurdu.
Bu
müqavilə ilə Azərbaycan qazı Türkiyə vasitəsilə
Avropaya nəql olunacaq. Türkiyə də öz ehtiyacı qədər
qaz layihəsindən pay alacaq. Azərbaycan və Türkiyə
arasında imzalanmış Trans-Anadolu təbii qaz boru xətti
layihəsinin yaxın 5 ildə tamamlanması
planlaşdırılır.
Bununla
bağlı Türkiyənin baş naziri cənab Ərdoğan
“Burdakı başlıca hədəf təbii qazda 50 milyard kub
metrdir. Bu gün 6 milyard kub metrdir, amma bu layihə həyata
keçərsə, buradan 10 milyard kub metr təbii qaz ala biləcəyik.
Daha sonrakı illərdə də nə qədər
ehtiyacımız olacaqsa, Əliyev qardaşım o qədər
verə bilərik dedi. Sıxıntı yoxdur” - demişdir.
Əlbəttə,
belə bir layihənin gerçəkləşməsi Rusiya və
İran kimi ölkələrin yaxından izlədiyi
situasiyadır. Layihə Rusiyanın əlində tutduğu
strateji və iqtisadi silahının təsir gücünün
azalacağı mənasını daşıyacaq.
Xatırlatmaq istəyirəm ki, bu kimi layihələr gündəmə
gəldikdə Qafqaz regionunda həmişə müxtəlif təxribatlar
həyata keçirilir. Məsələn, məlum
Gürcüstan hadisələri, Azərbaycanın Qarabağ
regionunda mütəmadi yaşanan hadisələr və s. Bu
kimi təxribatlara hazır olmalıyıq.
Lavrov
Məmmədyarovla keçirdiyi birgə mətbuat
konfransında türkmən və azəri təbii
qazının Avropaya nəqli məsələsinin Xəzər
dənizi sahili ölkələrinin ortaq maraqlarına xidmət
etmədiyini demişdir. Xəzərin hüquqi statusu ilə
bağlı məsələnin həllinin sürətləndirilməsinin
vacibliyini vurğulamışdır. Avropa
İttifaqının Xəzər sahili ölkələrinin
mövqelərinə hörmətlə yanaşmasını tələb
etmişdir. Trans-Xəzər boru xəttinin Türkiyə vasitəsilə
Avropaya nəqli nəzərdə tutulan Nabukko layihəsi ilə
nəzərdə tutulur.
- Bəs
Türkiyənin Naxçıvan üzərində tarixi-siyasi
və hüquqi üstünlüyü nədən ibarətdir?
Ermənilər bu bölgəyə iddilar irəli
sürürlər və Naxçıvanı erməni
torpağı olduğunu bəyan edirlər...
-
Bildirmək istəyirəm ki, Naxçıvan Azərbaycanın
ayrılmaz hissəsidir. Tarixi arxivə nəzər saldıqda
Naxçıvanın qədim Azərbaycan torpağı
olduğu həqiqətini görürük. Ermənilərin
bu torpaqlara gəlişi isə XIX əsrdə Osmanlı və
İran torpaqlarından edilmiş köçlərlə
gerçəkləşmişdir. Təbii ki, ermənilərin
ən böyük dəstəkləyicisi əvvəllər
Çar Rusiyası, daha sonra isə Sovet Rusiyası
olmuşdur.
21
mart 1828-ci ildə Çar I Nikolayın fərmanı ilə
İrəvan və Naxçıvan xanlıqları ərazisində
“erməni rayonu” adlı administrativ idarə qurulmuşdur.
Polkovnik Lazarev və erməni tərəfdaşı diplomat,
yazıçı Qriboyedov bu rayonun, sadəcə, ermənilərdən
təşkil olunması üçün “böyük işlər”
görmüşdür. Çox qısa zaman ərzində
yeni qurulan bu rayona İran və Osmanlı torpaqlarından 130
min erməni köçürüldü. Çar administrativ
orqanları tərəfindən hərtərəfli yardım
və dəstək alan ermənilər Azərbaycan
topraqlarına yerləşdirildilər. 1828-1838-ci illər ərzində
Naxçıvan xanlığı ərazisinə 2511 erməni
ailəsi köçürüldükdən sonra onların
ümumi sayı 12555 nəfərə yüksəldi.
Naxçıvan şəhərinə 434 erməni ailəsi
yerləşdirildi. Başda Nehrəm əhalisi olmaqla bir
çox kəndlərin əhalisi bu köçlərə
öz etirazlarını bildirdilər. Çar hökumət
dairələri nehrəmlilərin Araz çayı ətrafındakı
torpaqları güc tətbiq edərək əllərindən
alınaraq “Təzəkənd” adında kənd quraraq yeni yerləşdirilmiş
ermənilərə verdilər.
1829-cu
ilin əvvəllərində Çar generalı
Paskeviçin əmri ilə bölgə əhalisi qeydiyyata
alındı. Belə ki, İrəvan vilayətində təxmini
olaraq 17000 ev, Naxçıvan vilayətində isə 4600 ev və
Ordubad bölgəsində 2130 ev var idi. Hər bir evdə isə
orta rəqəmlə 5 nəfər olduğu, bu hesablamaya əsasən
qeyd olunan vilayətlərdə 118650 nəfərin
yaşadığı düşünülürdü. Bunun
da 81749 müsəlman, 25131-nin isə erməni olduğu
qeydiyyata alınmışdı.
1829-1932-ci
illər arasında İrandan
köçürülmüş erməni ailələrinin
366 evi (1715 nəfər) İrəvan vilayətinə, 265 evi
(1110 nəfər) Naxçıvan vilayətinə və 36 evi
(182 nəfər) isə Ordubad bölgəsinə yerləşdirilmişdir.
Bu ermənilər İrəvan vilayətinin 119,
Naxçıvan vilayətinin 61 və Ordubadın 11 kəndinə
yerləşdirilmişdir. İrəvan şəhərinə
və ətraf kəndlərinə 4599 ev (23568 nəfər),
Naxçıvan bölgəsinə 2137 ev (10652 nəfər),
Ordubad və ətraf bölgəsinə isə 250 ev (1340 nəfər)
olmaqla ümumi 6949 ev (35560 nəfər) erməni yerləşdirilmişdir.
1918-1920-ci
illər ərzində Naxçıvan, Şərur-Dərələyəz,
Ordubad və ətraf ərazilərində ermənilərin həyata
keçirdiyi qətliamlar beynəlxalq problemə
çevrilmişdir. Bu qətliamlar əsasında bir çox
qəsəbənin boşaldığını
görürük. Naxçıvan, Ordubad, Şərur qəzalarında,
sadəcə, kənd əhalisinin sayında 52 min nəfərin
azaldığını görürük, 287 kənd ya tamamilə,
ya da qismən yox edilmişdir. 1918-ci ildə “Naxçıvan
məsələsi” bir neçə dəfə Zaqafqaziya
seymində, 1918-1920-ci illər ərzində dəfələrlə
Azərbaycan Demokratik Cümhuriyyətinin parlamenti olan Milli
Şurada, erməni Milli Şurasında, Osmanlı Türkiyəsinin
parlamentində, Təbriz Bələdiyyə idarəsində,
Maku Xanlığında, 1919-cu ildə açılmış
Versal Beynəlxalq Sülh Konfransında, 1919-1920-ci illər ərzində
Ermənistan və Naxçıvanda fəaliyyət göstərən
ABŞ təmsilçiliyində, 1920-1921-ci illər ərzində
Azərbaycan SSR və Ermənistan SSR İnqilab Komitələrində,
1921-ci ildə RSFSR Xalq Komissarları Sovetinin, eyni zamanda Moskva və
Qarsda keçirilmiş beynəlxalq sülh konfranslarında
müzakirə obyektinə çevrilmişdir.
Kazım
Karabəkirin sözü ilə desək, “Naxçıvan
Şərqin qapısı”, Mustafa Kamal Paşanın dili ilə
desək, “Naxçıvan Türkün qapısı”
olmuşdur. Naxçıvan həmişə Türkiyə ilə
Azərbaycanı və Mərkəzi Asiyanı, yəni
Türk Dünyasını birləşdirən qapı
funksiyasını yerinə yetirmişdir. Bütün bu səbəblərə
görə Naxçıvan Türkiyə və digər
türklər üçün böyük əhəmiyyət
kəsb edən bölgə olmuşdur. Naxçıvan bir
türk torpağıdır və burada yaşayan əhali ilə
Türkiyə arasında güclü əlaqələr var.
Türkiyədəki proseslər Naxçıvana,
Naxçıvandakı proseslər də Türkiyəyə təsir
edir. Tarixi Moskva və Qars müqavilələri
Naxçıvanla Türkiyəni bir-birindən ayrılmaz
bağlarla bağlamışdır. Naxçıvanın Azərbaycanın
suverenliyi altında olan muxtariyyəti RSFSR ilə Türkiyə
arasında imzalanmış Moskva müqaviləsində nəzərdə
tutulmuşdur. Naxçıvanın gələcək taleyinin
ilk beynəlxalq müqavilədə öz həllini tapması
həm o dövrdə, həm də Azərbaycanın
hazırkı dövründə böyük siyasi əhəmiyyət
daşıyan bir həqiqət olaraq ortaya
çıxmışdır. Bu hüquqi bağ Türkiyə
tərəfinə Naxçıvan məsələsində
haqq və məsuliyyət vermişdir. 13 oktyabr 1921-ci il
tarixində imzalanan Qars Andlaşması türk dilində,
fransız dilində, rus dilində, erməni dilində,
gürcü dillində hazırlanmışdır. Müqaviləyə
sonradan üç əsas prinsip - sərhəd, Türk - Sovet
münasibətləri və Naxçıvan
torpağının vəziyyəti əlavə olunmuşdur.
Tarixi
saxtalaşdıran ermənilərin vaxt məhdudiyyəti
qoyulmadan imzalanmış və tək tərəfli ləğv
olunması mümkün olmayan Moskva, Qars müqavilələrinin
ləğv edilməsi ilə bağlı ortaya
atdıqları iddialar gülüncdür. Erməni siyasətçiləri
bilməlidirlər ki, bu müqavilə ləğv olunsa belə,
Aleksandrapol (Gümrü) müqaviləsi qüvvəyə minəcək.
Bu müqavilə də indiki Ermənistan torpaqlarının
böyük qisminin Azərbaycana, Türkiyəyə və
Gürcüstana aid olduğunu deyir. Eyni zamanda Gümrü
Müqaviləsi Türkiyəni Sovet İttifaqına
bağlayan Ərzurum-Bakı dəmir yolunun yenidən fəaliyyət
göstərməsini və iki dövlət arasında
köklü əlaqələrin qurulmasını nəzərdə
tutmuşdur. Hər iki müqavilənin Qafqazda millətlər
arasındakı müharibələrə son qoymasını,
sülh və dostluğun hakim olacağı bir dönəmin
açıldığını, Qars müqaviləsində
iştirak etmiş tərəflər öhdəlik
götürmüşdür.
Ötən
əsrin sonlarında Azərbaycan müstəqilliyini
qazandığı zaman xalqımızın bu tarixi zəfərinə
ən çox sevinən qardaş Türkiyə Cümhuriyyəti
oldu. Azərbaycanda diplomatik nümayəndəlik açan ilk
ölkə Türkiyə oldu. 25 may 1991-ci il tarixində
Baş Konsulluq səviyyəsində Azərbaycan
Respublikasına nümayəndə göndərən
Türkiyə 14 yanvar 1992-ci ildə Səfirliyini
açmışdır. Azərbaycan Respublikası da öz
növbəsində, avqust 1992-ci ildə Türkiyədə
öz səfirliyini təsis etdi. Hətta həmin il Azərbaycanın
İstanbulda Baş Konsulluğu da fəaliyyətə
başladı. 5 fevral 1993-cü ildə Naxçıvan şəhərində
Türkiyənin, 2004-cü ildə isə Azərbaycanın
Qars şəhərində konsulluqları açıldı.
1990-cı
illərdə Türkiyənin dünyadan təcrid olunmuş
Naxçıvan Muxtar Respublikasına etdiyi
qarşılıqsız yardımları zehinlərimizdə
silinməz izlər buraxmışdır. Erməni
terrorçu dəstələrinin blokada vəziyyətində
yaşayan Naxçıvana intensiv hücumlar etməkdə məqsədləri
Dağlıq Qarabağ kimi Naxçıvanı da işgal etmək
idi.
-
Bildiyiniz kimi, bu gün ermənilər gürcülərlə
də problem yaşayır. Bu məsələnin mahiyyətində
nə durur?
- Ermənilərin
torpaqlarına göz qoyduğu xalqlardan bir də gürcülərdir.
Şərqşünas Veliçko deyir ki: “Tarixi arxeologiyada
ermənilər gürcüləri vicdansızca qətl və
qarət etmişlər. Abidələr üzərindəki
gürcü yazıtlarını silmişlər, qədim
Ortodoks məbəd və kilisələrini ələ
keçirmişlər, qısaca hər daşın
Gürcü Çarlığının tarixini
yansıtdığı yerləri qədim erməni
torpaqları olaraq göstərməyə
çalışmışlar”.
XIX əsrin
əvvəllərindən etibarən Osmanlı və Qacar
dövlətlərinin ərazilərindən ermənilərin
Qafqaz regionuna, eyni zamanda indiki Gürcüstan ərazisinə
köç etdirildikdən sonra torpaq mülkiyyəti
üçün gəlmə ermənilərin yerli
gürcülərlə bu günə kimi davam edən
münaqişələrinin təməli atılmış
oldu.
XX əsrin
əvvəllərində ermənilər tərəfindən
gürcü torpaqlarının kütləvi ələ
keçirilməsi, mülkiyyətləşdirilməsi prosesi
başlamış, bu da gürcülərin ali rəhbərliyində
ciddi etirazlara səbəb olmuşdur. Gürcü
tarixçisi N.Eristov-Şarvaşidze bu narazılğlı
belə təsvir edir: “Gürcüstanın ən gözəl
bölgələri, yuxarı Kartalini, Axalkali qəzası
gürcü xalqı üçün itirildi. Burada Yaxın
Şərqdən gəlmiş ermənilər məskünlaşdırılmışdır.
Yüzlərlə məbədimiz və monastrımız,
gürcü xalqının sərvəti, minlərlə kənd
onların əlinə keçmişdir. Minnət hissi duymadan
onlar gürcü xalqının tarixi mirasına yiyələndilər”.
Osmanlı
və Qafqaz regionuna yerləşmiş ermənilərin
arasında yaşamış və onları yaxından tədqiq
etmiş tarixçi Şopen belə yazırdı:
“Tamahkarlık onları intensiv olaraq yalana sürükləyir,
bunun üçün də onların əksəriyyəti
fikirlərini sözlərlə ifadə etmək əvəzinə,
onları gizləməyi seçirlər; onlar yaltaqdırlar,
lakin sadiq deyillər və işləri keçən hər kəsi
asanlıqla unuda bilirlər”.
Gürcü
knyazlarından biri ermənilərlə bağlı belə
deyirdi: “Şübhəsiz gürcülər qısa zaman ərzində
hissedəcəklər və başa düşəcəklər
ki, üzlərinə qapı açdıqları ermənilərin
gürcüləri vicdansızca istismar etməyi
qarşılarına məqsəd qoymuş insanlardan biz nə
gözləyə bilərik ki?”
Gürcüləri
ən narahat edən hadisə ermənilərin dövlətə
və özəl mülkiyyətə aid torpaqları qanunsuz
yollarla mənimsəməsi idi. Ermənilərin bu qeyri-leqal
yollarla torpaqları mənimsəməsi XIX əsrin
50-60-cı illər ərzində intensivləşmişdir.
Erməni
təhlükəsi, sadəcə, erməni mühacirlərin
Gürcüstana yerləşdirilməsi ilə
qalmamış, Eçmiədzin kilsəsindən gələn
təlimatlarla erməni rahibləri bütün gürcü
katoliklərinə Qriqoryan məzhəbini qəbul etdirməyə
çalışmışlar.
Məşhur
gürcü şairi İlya Çavçavadze ermənilərin
gürcülərə qarşı tarixi-arxeoloji təcavüzlərini
belə ifşa etmişdir: “Onlar bizim adımızı
rüsvay etməklə bizi milli ləyaqətimizdən məhrum
etmək istəyirdilər. Bizi yox etmək üçün
qanla boyanmış tariximizi, salnamələrimizi, tarixi abidələrimizi
inkar etməyə başladılar, müxtəlif
fırıldaqlarla öz adlarına çıxmağa
başladılar”.
Rusiyada
Çar dövləti süquta uğradıqdan sonra Qafqaz
regionunda yaranmış vəziyyətdən istifadə etmək
istəyən erməni daşnakları Qərbi Azərbaycan
torpaqları sayəsində dövlət qurdular. Daşnak
hökuməti yarandığı gündən etibarən
qonşularına qarşı ərazi iddialarına, təxribatlara
başladı. Bu vəziyyətdə Ermənistan 14 dekabr
1918-ci ildə Gürcüstan torpaqlarına təcavüz etdi.
Britaniyanın köməyi ilə Gürcüstan Axalkali
torpaqlarını geri aldı.
Amerikalı
tarixçisi Samuel Gürcüstana uduzan Ermənistan
üçün yazırdı ki: “Ermənistan öz
yaralarını yalamağa və bir başqasının
torpaqlarını ələ keçirmək üçün
növbəti qurban kimi Azərbaycanı seçmişdi”.
Sovet
dövründə də ermənilər tərəfindən
Gürcüstana qarşı təcavüzkar siyasət daha da
mürəkkəbləşir. Erməni
“aydınlarının” iddialarına görə, gürcü
kilisələrinin ilk qurucuları və memarları ermənilər
olmuşlar. Onlar eyni zamanda tarixi gürcü
yazılarının erməni mədəniyyətinin məhsulu
olduğunu vurğulayırdılar. Hətta Tiflis ermənisi
Mamulova görə, bütün gürcülər əslində
erməni idilər.
XX əsrin
30-cu illərindən etibarən Gürcüstan vətəndaşı
olmuş ermənilər kütləvi şəkildə
pasportlaşdırılaraq gürcü ad və soyadları
almağa başladılar. Görünür ki, erməni rəhbərliyinin
gələcək planlarında Gürcüstanı mədəni
şəkildə erməniləşdirmənin, gürcülərdən
“təmizlənmənin” yollarından biri kimi seçmişdilər.
Sovet İttifaqı dövründə və sonrakı illərdə
Ermənistanda elə bir qəzet olmamışdı ki, səhifələrində
Gürcüstan əleyhinə yazılar olmasın.
XX əsrin
sonlarına doğru Ermənistan Respublikası qonşu
Gürcüstanın Cavaxetiya bölgəsi ilə
bağlı ərazi iddiası qaldırmışdı. Sovet
İttifaqının dağılması ərəfəsində
ermənilər həm Dağlıq Qarabağa həm də
Cavaxetiya bölgəsinə qarşı hücum planları
hazırlamışdılar. Erməni millətçiləri
Moskvanın və beynəlxalq güclərin dəstəyilə
Azərbaycanın Qarabağ bölgəsini işğala
başladılar.
ELNUR
Təzadlar.-
2012.- 11 avqust.- S.12.