İKİ
QƏRİNƏ
Tanınmış yazıçı-publisist Ə.Şimşək
bu yaxınlarda ömrünün
66-cı pilləsinə çatdı. Bu
münasibətlə yazıçının qələmə
aldığı "İki qərinə"
adlı şeirini təqdim edirik. Qeyd edə ki, Ə.Şimşək 7 kitab
müəllifidir.
İki qərinəni
Arxada qoydum.
Yaşamaqdan doydum?!
Həyatdan doydum?!
Bəs nədən nigaran
Yaşayıram mən?!
İlham pərisimi
Yoxa
çıxıbdır?!
Gəlmir əlimdən
Özüm
gileyliyəm
Bilmirəm nədən
İşimdən,
Gücümdən,
Əməllərimdən.
Yaş
tutub əlimdən
Bir
uşaq kimi
"Qocalıq"
deyilən
Məkana
çəkdi.
Qara tellərimin
Yerində
mənim
Gümüştək
bərq vuran
Ağ
saçlar əkdi.
Əlimə
əsanı verdi
Bilmədim,
Gözümə
eynəyi taxdı
Gülmədim.
Məni bu
məkanda
Ağlar
qoyanda
Gənclik
səsləmədim.
Gec idi,
Çox
gec.
Qocalıq
dördəlli
Tutub
yaxamdan
Geriyə
dönməyə
Qoyarmıdı
heç!?
Huşsuzluq
izləyir
Hər qədəm
başı.
Qocalıq
Yaddaşı
Qum
yaddaşıdır,
Qocalıq
Yaddaşı
Qəm
yaddaşıdır.
Ay ellər,
deməyin
Şair
naşıdır.
Ömür sona yetir
Mənzil başıdır.
Cavanlıq
Yaddaşı
Məhək daşıdır,
Sözü sözdən seçib
Tumarlayır da,
Yonur,
Cilalayır,
Hamarlayır da.
Bu günkü yaşantım
Sabaha çıxmır,
Təbim korşalıbdır
Əlimi sıxmır.
Dostlar yavaş-yavaş
Uzaqlaşıblar,
Yaxın qohumlar da
Lap yadlaşıblar.
İki qərinəni
Yaşadım bu gün.
Kədər nə qəribə,
Sevinc qəribə.
Nə musiqi vardır,
Nə də çal-çağır.
Nə yada salan
var,
Nə də düşünən,
Salam da,
Kəlam da,
Şöhrət də,
Şan da
Sanki,uzaqlaşıb
çıxıb əlimdən.
Razıyam,
Ana təbiətdən
Çox razıyam mən.
Sevinc də,
Kədər də,
Qəm də,
Ələm də
Məni bürüyəndə,
çulğalayanda
Tutan yalnız odur
Mənim əlimdən.
Bu gün yağış yağır,
Ağlayır
Yer,
Göy.
Bəlkə, göz yaşı yox,
Bu yağış nurdur,
Təmizlik,
Paklıqdır,
Uğurlu yoldur?!
Bir şam işığını
Əli Şimşəyə
Artıq sayanlara,
Qıymayanlara
Qəzəblə gurlayır
Ana təbiət.
Bu gün ildırımlar
Çaxır dalbadal,
İldırım
Zərbəsi,
İldırım
Səsi
Oynadır,
Tərpədir
Yeri
Yerindən,
Vahimə gətirir
Bütün aləmə,
Günəş görünməzə
Çəkilir bəzən.
Onun işığında,
Onun odunda.
Təbiət şairə
Yaz-yarat deyir,
Şimşək
İşığında,
Şimşək
Odunda.
Təzadlar.- 2012.-
24 yanvar.- S.15.