İdmanımızın yüksəlişi
Qarabağımıza nicat əlamətlərindəndir!
Müsahibim Armrestinq (qol
güləşi) üzrə 4 dəfə dünya, 5 dəfə
Avropa mükafatçısı və 6 qat Azərbaycan
çempionu, Milli Qəhrəman Asif (Fred) Məhərrəmovun
yeganə övladı Azər (Fred) Məhərrəmovdur. Söhbətdə
idmançının əmisi Hacı Ədalət də iştirak
edirdi.
- Azər, səni
tanımayanlara tərcümeyi-halın haqqında nələri
demək istərdin?
- 1977-ci ilin 16 yanvarında
Ağdam rayonunda anadan olmuşam. Anam Ağdamın Əhmədavar
kəndindəndir. Əsli isə Laçının
Şellanlı, Ağbulaq kəndindən. özüm 1992-ci
ildə 15 yaşımdan atam Fred Asifin batalyonunda müharibədə
iştirak etmiş, Xramort, Xanabad, Əsgəran,
Naxçivanik, Aranzəmin, Pircamal və başqa kəndlərdə
döyüşmüşəm. Ağdam alınan son günə-23
iyula kimi oranı tərk etməmişəm.
Sonra atam ağır
yaralananda və xəstəliyinin şiddətindən hospitala
düşəndə, onun yanında tez-tez olurdum. Azərbaycanın,
eləcə də Ağdamın əksər
tanınmış ziyalıları və sadə insanları
atamı ziyarətə gəlirdi. Bəziləri də problemlərini
həll etmək üçün məhz ona üz tuturdular. Azərbaycandan
əlavə onun adı indi də keçmiş SSRİ məkanında
ehtiramla xatırlanır.
Uşaqlıqdan kinq-boks idman
növü ilə məşğul olmuşam. Sonra qaydasız
döyüşlərə maraq göstərməyə
başladım. Evdəkilərin və xüsusən Ədalət əmimin etirazına görə bu
idman növüylə sistemli məşğul olmadım.
Hal-hazırda armrestinq idman növü ilə məşğulam.
Rusiya vilayətlərinin qolqatlama yarışlarında dəfələrlə
Azərbaycan bayrağını məhz çempion kimi zirvədə
dalğalandırmışam.
- Bayrağımızı
dalğalandıranda çempion kimi hansı hissləri
yaşayırdın?
- Tək özüm deyil, Azərbaycan
bayrağını fərqli idman növlərində
dalğalandıran bütün idmançıların qeyri-adi
fəxarət duyğusunun yaşadığını hiss
etmişəm. Təbii ki, keçirdiyimiz bu qürur
duyğuları xalqımıza, dövlətimizə aiddir.
Bayrağımız da, prezident də dövlətçilik
atributlarındandır. Bayrağı ucalığa
qaldırırıqsa, bu, bizə şərəfli anları
yaşamaqda böyük diqqət göstərən möhtərəm
prezidentimizi də əməlimizlə zirvədə idman
üzrə təmsil edirik anlamına gəlir.
- Qol güləşi
yarışı arxada qaldı. çox güclü rəqiblər
arasında ikinci yerin sahibi oldun. Yarışı və nəticəni
necə qiymətləndirirsən?
- İdmanın bu
növü üzrə yarışın inkişafına Azərbaycanda
artıq çox yüksək səviyyədə impuls verildi.
Bu olduqca ümidverici amildir. Möhtərəm prezidentimizin
idmana olan qayğısına minnətdarıq. İdman
nazirliyimizə, Armrestinq Federasiyasının prezidenti Cəsarət
Əhmədova, vitse-prezidentə, baş katibə, "Gilan
Holdinq" şirkətinin rəhbərliyinə, "Jalə"
şirələrinin sözü gedən yarışdakı
önəmli dəstəyinə,
baş məşqçi və hakimlərə,
yarış iştirakçılarına, xüsusən də
İçtimai televiziyanın rəhbərliyinə,
İsmayıl ömərova, çingiz müəllimə təşəkkürlərimlə
mənimlə finala çıxan Mirsaleh Aslanovu qəlbən təbrik
edirəm. Yarış prosesində keçmiş SSRİ-nin
onlarca şəhərlərindən və xarici ölkələrdən
Türkiyədən, İrandan, Almaniyadan, Hollandiyadan,
İsveçdən yüzlərlə zənglərə təşəkkürlərlə
cavab verdim. Belə zənglər Gəncə, Lənkəran,
- Yarışlarda sənə
maddi-mənəvi köməklik göstərənlər olurmu?
- Yarışlarda həmişə
mənə maddi-mənəvi yardımını atamın
dostu kimi Ağdamın İcra Hakimiyyətinin
başçısı hörmətli Həsən Sarıyev
heç əsirgəməyib. Allah da onu böyüklükdən
əskik eləməsin! Atamın silahdaşı, məsləkdaşı
Hacı Adil və oğlu Savalan, Kəngərli Fazil, Hümbət,
Rauf müəllim, Məhəmməd müəllim, Arif
qardaşımız, Nazim, Valeh Göytəpəli başda
olmaqla Ağdamın Pirhəsənli-Gəngərli camaatı
da insanlığa sadiqliyi ilə çox fərqlənirlər.
Ana ocağım laçınlılar da həmçinin.
ümumən naxçıvanlılardan, göyçəlilərdən,
vedililərdən, zəngəzurlulardan, borçalılardan,
marneulilərdən, Sverlovskidə yaşayan qardaşlardan da
xeyli dəstək görürəm. Hörmətli
adlarını təşəkkür duyğuları ilə
çəkməyə gələndə, Şahin Rüstəmov,
Bərdəli Füzuli müəllim, Elman müəllim, Namiq
qardaşımız, Aqil Abbas, Asif Mərzili, Vasif Məhərrəmov
dəfələrlə dünya çempionu Fariz, Moskvadan
Maqsudlu Oqtay, Bəhruz Axundov, döyüşçü Həcər
xanım, dəfələrlə dünya çempionları
olmuş Bəxtiyar, Vüqar, 7 qat dünya çempionu Ceyhun Məmmədov,
dünya çempionu Mübariz müəllim, Güləş
Federasiyasının rəhbərliyindən Elçin Cəfərov,
Saleh Məmmədov, rəssam Natiq, şair German, jurnalist Habil,
"sputnik" Mamed, Dəmirlə-İlham
qardaşımız, Sərdar həkim, Akif və Arif Babayev
qardaşları, atamın simsarı xıdırlı Cəbi,
Gülablıdan Aydın, Abdal Qəhrəman, Filman, Mehman; Rəmiyyəddin,
Hacı Asif, aptek Fuad, əmimin dostu Mahir Əliyev,
böyük qardaşı Tahir Əliyev, məşhur
gitaraçılardan Rəmiş və Rəhman,
uşaqlıq dostum Kamil, Rauf, Zöhrab, Etibar, sabirabadlı Rəzzaq
müəllim, general Dadaş Rzayev, polkovnik Hacı Həsən
müəllim, və başqaları... Mənə Azərbaycan
bayrağı ilə bərabər bir orijinal hədiyyəsinə
görə, eyni zamanda bütün yarışlar boyu mənimlə
əlaqə saxladığına görə məşhur
gitaraçı Rəhman qardaşıma xüsusi minnətdarlığımı
bildirirəm.
- Dediyin kimi insanlığa
sadiqliyi ilə seçilən bu insanlara bəslədiyin
duyğuları konkret necə ümumiləşdirərdin?
- Bu insanlar xüsusi
sayğılarla xatırladıqlarımın heç də
hamısı deyil. Təbii ki, başqaları da var.
Adlarını çəkməsəm də, onlar da qəlbimdədirlər.
Əminəm ki, bütün bu gözəl insanlar, hansı sənətdə,
mövqedə, diyarda olmalarından asılı olmayaraq, mənə
öncə atamın şəxsiyyətinə xüsusi rəğbətləri
sayəsində kömək edirlər. Belələri,
atamın ruhuna etiramlarını mənim şəxsimdə
davam etdirirlər. Mən də atamla və onun adına bəslənən
səmimi, təmənnasız yaxşılıqlarla təsəlli
tapıb, fəxr edirəm. Yaxşılara, dosta sadiq insanlara həmişə
yuxarıdan aşağı, aşağıdan yuxarı dualar
edirəm. Onlar məsuliyyət hissini daha da gücləndirir.
Və heç unutmuram ki, MƏN ALLAHIMIN, VƏTƏNİMİN,
XALQIMIN, DÖVLƏTİMİN, PREZİDENTİMİN ƏSGƏRİYƏM.
- Atanı necə
xatırlayırsan? "Fred" ləqəbini götürməyin
hansı anlama gəlir?
- Təvazökarlıqdan kənar
çıxmasın, Azərbaycanda az ailələr
mövcuddur ki, bir ailədən 5 qardaş vuruşa, şəhid
və əlil olalar. Atam istəsəydi, hələ
sağlığında bizim heç bir dünya nemətindən
ehtiayacımız olmazdı. Təbii ki, o, Vətən, şəxsiyyət
və bu kimi müqəddəs dəyərlərə
haqlı olaraq üstünlük verdi. Onun bizlərin maddi təminatı
üçün bilərəkdən istifadə etmədiyi
bütün imkanlardan, fürsətlərdən bəhrələnməməsi,
atamın maddi dünya insanı olmadığını
dönə-dönə təsdiqləyir. O, ağız
açmağı, kimdənsə nələrisə
ummağı qətiyyən xoşlamazdı. Təkcə bir
fakt deyim ki, atam ümummilli öndərimiz, cənnətməkan
Heydər Əliyevin dəvəti ilə o, dahi şəxsiyyətlə
iki dəfə görüşüb. Amma o, böyük
insandan Qarabağın azadlığından savayı heç
bir şəxsi təmənnada bulunmayıb. Bununla belə
öndərimiz atamın şəxsiyyətinə hörmətlə
yanaşıb. Ev, adına küçə verilməklə, hərbi
hissədə atamın büstü qoyulub. Bu gün möhtərəm
prezident İlham Əliyev də Milli Qəhrəman ailələrinə
müxtəlif iltifatlar göstərir. 600 AZN Prezident təqaüdü
və digər qayğıları məhz rəhbərin
lütfündən doğan sərəncamları ilə davam
etdirilir. Bu kimi hallar şəxsiyyətin, qəhrəmanlığın,
alicənablığın təsdiqli
qarşılığıdır ki, təzahür edir. Fred ləqəbinə
gələndə bu sözün ingilis dilindən çevirməsi
səmimi-sədaqətli dost mənasına gəlir. Atam
insanlığın səmimi dostu kimi görürdü
özünü. Bu ləqəbi əmimoğlu balaca Asif də
götürüb. Fred Asif adı ailəmizə, nəslimizə-kökümüzə
məxsusdursa, onun örnək, qəhrəmanlıq yolu Azərbaycan
xalqının tarixi salnaməsinə aiddir. Yeri gəlmişkən
atam haqqında kitab yazan hörmətli yazıçı
Mustafa çəmənliyə və şair-publisist Nizami
Süleymanoğluna yaxınlarımız adından təşəkkürlərimi
ərz edirəm. Atalar "İgid ölər, adı
qalar" deyib. Artıq atamın şərəfli adı orta
məktəb dərsliklərinə də salınıb. Mən
əsl qəhrəmanların və qəhrəmanlar doğan
anaların, eyni zamanda onların adlarını layiqincə qiymətləndirənlərin
qarşısında ehtiramla baş əyirəm.
- Hər şey ziddi ilə
üzə çıxır. Kainatda təzad qanunu
mövcuddur. Gözəl çəmənliklərdəki
çiçəklər arasında, alaq otları da gözə
dəyir. Bütün bunların fonunda
ağdamlılığa, ziddiyətə necə baxırsan?
- Doğrudan da yaman olmasa,
yaxşının qədri yetərincə bilinməz.
Ağdamda doğulmaq, pullu olmaq, hələ əsl insan,
ağdamlı olmaq demək deyil. Pul insanın dayağı
olsa da, kişiliyin ölçüsü sayılmır.
ölçü mənəvilikdədir. Təbii ki, mənəvilik
maddiliklə vəhdətdə birləşib, doğru istiqamətə
yönələndə böyük fəzilət yaradır.
Bakıda, Rusiyada bu gün özünü ağdamlı sayan
bəziləri var ki, onlara haradan baxılırsa
baxılsın, dırnaq arasında görsənirlər.
Vaxtı ilə Ağdamda ağdamlılar döyüşdə
ikən ev-eşiyini, torpağını qoyub Rusiyaya, Bakıya
qazanc dalınca qaçanlara, nə ad vermək olar? Naxaləfmi,
nankormu, fərarimi? Təzada baxın ki, Orta Asiyadan,
keçmiş Sovet məkanlarından, Azərbaycanın
müxtəlif bölgələrindən, eləcə də
Gürcüstandan, Dağıstandan atamın dostları gəlib
Ağdamda vuruşurdu, şəhid olurdu... Bəli, müharibə
elə bir sınaqdır ki, haralı olmağından
asılı olmayaraq, adamın mənəviyyatındakı
çatları üzə çıxarır. Tarix və əsl
ağdamlılar, bildiyinə görə belə zərsifət
(nərd zəri) adamların adlarını çəkməyə
də dilim gəlmir. Pulları çox, əlləri uzun olsa
da, dillərinin gödəkliyi belələrinə tarixi cəza
olaraq ömürlük qalacaq. Onlar küləyin istiqamətinə
buqələmun kimi uyğunlaşırlar. Nə isə... Hər
şeyin zamana ehtiyacı olsa da, abrıma-həyama
sığınıb konkret ad çəkməyə ehtiyac
duymuram. Belələrini vicdanına (əgər varsa) və
Ulu Allahın öhdəsinə buraxıram.
- Keçmiş bəllidir.
Bəs gələcək planların haqqında nələri
düşünürsən?
- Xarici səfərlərim yəqin
ki, ola
caq. Məşqlərimə
davam edirəm. Hələ ki, işsizəm. Sənədlərimi
müəyyən instansiyaya, hörmətli insanların nəzərinə
təqdim etmişəm. Gözləyirəm. Gözləntilərim
gerçəkləşsə, Allahın izni ilə
subaylığın da daşını ataram. Onu bilirəm ki,
yaşanmamış gələcək haqqında dəqiq
söz demək olmur. çətinliklər
qarşısında mütləq alternativ yaratmaq vacibdir. Bu yol
isə bilik, istək, zəka və gücü, cəsarəti
şətləndirir. Bu halların yaratdığı durum alternativi
yarada bilir. Alternativ mübarizə şərtlərinin və
şəraitlərinin tələbindən doğur. Getdiyin
yolda ya gərək irəliləməyi bacarasan, ya da irəli
gedənə qədər heç olmasa yerində
qalmağı bacarasan. Bir addım geri çəkilsən, sənin
addımının yerinə başqası öz
addımını qoyacaq. Mən
öz yolumla, amma atamın izi ilə gedirəm. Böyüklər
və böyüklük öz yerində. Şübhəsiz
ki, bu yaşıma qədər mənə əmilərim,
dayılarım, atamın və özümün dostlarım
maddi-mənəvi həyan olublar. Diləyim budur ki, Qadir Allah
da onlara, xalqımıza kömək olsun.
Qarabağımıza qayıdaq və dünya səviyyəli
idman yarışlarını Şuşada keçirək
inşallah!
P.S.Fəzilətli Ruhlara
Ehtiram Duyğusu Allahı Sevən İnsanlara Fərzdir!
Söhbətləşdi:
Nizami Məmmədov
Təzadlar.- 2009.- 9-11 aprel.- S.12.