Təhsil sistemində İKT infrastrukturu inkişaf etdirilir
Məktəblərdə elektron jurnallardan
və valideyn nəzarət sistemindən
istifadə olunur
Təhsil müəssisələrinin informasiya-kommunikasiya
üzrə maddi-texniki
bazasının təkmilləşdirilməsi,
kompüter avadanlığı
və digər zəruri rəqəmsal avadanlıqla təminat işinin yaxşılaşdırılması
istiqamətində çox
iş görülüb.
Bu, real faktlarla öz əksini tapır.
İstifadəçiləri və proqramları bir mərkəzdən idarə
etmək üçün
Təhsil Nazirliyinin Təhsil Sisteminin İnformasiyalaşdırılması İdarəsi nəzdində
MRM yaradıldı. Azərbaycan
Təhsil Şəbəkəsinə
(ATŞ) İnternetə “giriş
və çıxış
nöqtəsi” olmaqla yanaşı, MRM, həmçinin
təhsilə aid informasiya
resurslarının toplandığı
yerdir. Mərkəzdə
xüsusi təhlükəsizlik
qəfəsi qurulmuş,
bütün avadanlıqların
24 saat və rezervli çalışması
üçün hər
cür texniki imkan yaradıldı.
Xüsusi
mərkəzləşdirilmiş antivirus proqram təminatı mərkəzə qoşulmuş
məktəblərdəki kompüterləri
avtomatik olaraq yeniləşdirir. Mərkəzə
qoşulmuş məktəblərdəki
kompüterlər birbaşa
mərkəzdən idarə
olunur ki, bu da kompüterlərin
texniki xidmətinin səviyyəsini əhəmiyyətli
dərəcədə artırır.
Eyni zamanda xüsusi filtrasiya sistemi məktəblərə
verilən İnternetin
zərərli informasiyalardan
təmizlənməsi kimi
mühüm vəzifəni
həyata keçirir.
“2008–2012-ci illərdə
Azərbaycan Respublikasında
təhsil sisteminin informasiyalaşdırılması üzrə Dövlət Proqramı” çərçivəsində
həyata keçirilmişdir.
Dövlət proqramı çərçivəsində
təhsil müəssisələrinə
5565 ədəd stolüstü
kompüter,
1640 ədəd noutbuk
və 1576 ədəd
proyektor paylanmışdır.
Hal hazırda ölkə
üzrə ümumtəhsil
məktəblərində 5-11 siniflərin sayına görə şagird kompüter nisbəti
1:16-ya çatdırılmışdır.
Eyni zamanda Məlumat və Resurs Mərkəzi , o cümlədən 1700 təhsil
müəssisənin təxminən
17 000 sinif otağı
şəbəkə avadanlıqları
ilə təchiz olunub. Təhsil müəssisələri
“Mimio”,
“Promethean” və “Smart” şirkətlərinin istehsalı
olan 300-ə yaxın interaktiv lövhələr
ilə təchiz edilmişdir.
“2008–2012-ci
illərdə Azərbaycan
Respublikasında təhsil
sisteminin informasiyalaşdırılması
üzrə Dövlət
Proqramı” çərçivəsində
təhsil müəssisələri
şəbəkə avadanlıqları
ilə təchiz edilmişdir. Eyni zamanda dövlət proqramı çərçivəsində
Bakı, Sumqayıt, Gəncə və Mingəçevir şəhərlərində,
habelə 60-a yaxın
rayonda yerləşən
təhsil müəssisələrində
kompüterlərə texniki
dəstək xidməti
göstərilmişdir.
Təhsil
müəssisələrində yerləşən kompüter
avadanlıqları 32 000 lisenziyalı
proqram (MS Windows, MS Word) və
15 000 ədəd kompüter
lisenziyalı antivirus paketi
ilə təmin olunmuşdur.
Hazırda 1700 təhsil müəssisəsi
Azərbaycan Təhsil
Şəbəkəsinə (ATŞ) və İnternetə qoşulmuşdur. Azərbaycan
Təhsil Şəbəkəsinə
qoşulmuş məktəblər
“Vebsens” proqramı vasitəsilə İnternetdə
olan zərərli informasiyalardan qorunur.
Pedaqoji heyət hazırlayan ali təhsil müəssisələrinin və
pedaqoji ixtisasartırma
institutlarının informasiya-kommunikasiya
üzrə maddi-texniki
bazasının təkmilləşdirilməsi,
kompüter avadanlığı
və digər zəruri rəqəmsal avadanlıqla təminat işinin yaxşılaşdırılması,
təhsil müəssisələrinin
korporativ şəbəkə
infrastrukturunun və
intranet xidmətlərinin işlənilməsi
və İnternet şəbəkəsinə çıxışının
təmin olunması məqsədilə Azərbaycan
Pedaqoji Universitetində
kompüterlər quraşdırılaraq
İnternetə çıxışla
təmin edilmişdir.
Eyni zamanda Təhsil Problemləri İnstitutunda, Azərbaycan
Müəllimlər İnstitutunda,
Bakı Pedaqoji Kadrların İxtisasartırma
və Yenidənhazırlanma
İnstitutunda kompüter
şəbəkəsi qurulmuş,
İnternetə çıxış
ilə təmin olunmuş və şəbəkə avadanlıqları ilə təchiz olunmuşdur. Gəncə Dövlət Universiteti fiber-optik kanal vasitəsilə Təhsil Sisteminin İnternet və intranet şəbəkəsinə qoşulmuş,
Azərbaycan Dillər
Universitetində isə
videokonfranslar keçirilməsi
məqsədi ilə Tandberqlə təmin olunmuşdur.
2009-cu ildən reallaşdırılmasına
başlanmış “Elektron
Məktəb” layihəsinə
hazırda 50 təhsil
müəssisəsi cəlb
edilib. Bunlardan 43-ü
ümumtəhsil müəssisəsidir.
Bu layihənin məqsədi
informasiya- kommunikasiya texnologiyalarının tədris
sistemində geniş və hərtərəfli
istifadəsi, o cümlədən
əldə edilmiş
müsbət nəticələrin
Azərbaycanın digər
tədris müəssisələrində
tətbiqidir. Layihə
çərçivəsində pilot məktəblərin müəllimləri
İKT biliklərinin tədrisdə
istifadə üzrə
təlimlərdən keçmişdir.
Həmin məktəblərdə
elektron tədris resursları dərslərdə
geniş tətbiq olunmaqdadır. Həmçinin
“Elektron Məktəb”
layihəsinə qoşulan
məktəblərdə elektron
jurnallardan və valideyn nəzarət sistemindən istifadə olunur. Bu həllər vasitəsilə məktəblərin
daxili idarəetməsi
həyata keçirilir,
şagirdlərin qiymətləndirilməsi
üçün elekton
jurnallardan istifadə olunur, valideynlər öz uşaqlarının
davamiyyətini onlayn rejimdə və ya SMS-lər vasitəsilə izləyə
bilir.
Pilot təhsil müəssisələri
Cisco şəbəkə avadanlığı
ilə təmin olunmuş və Azərbaycan Təhsil Şəbəkəsinə fiber-optik xətt vasitəsilə qoşulmuşdur.
Eyni zamanda layihədə iştirak edən bütün məktəblərin hər
bir sinif otağı İnternet, bir noutbuk və
bir proyektorla təmin olunur.
“2008–2012-ci
illərdə Azərbaycan
Respublikasında təhsil
sisteminin informasiyalaşdırılması
üzrə Dövlət
Proqramı” çərçivəsində
“1 şagird : 1 kompüter”
layihəsinin pilot tətbiqi
başlamışdır. İlkin
sınaq üçün
layihəyə 15 pilot məktəb
(Bakıdan 12 məktəb,
Sumqayıtdan 2 məktəb
və Xaçmazdan 1 məktəb) cəlb edilmişdir. Bu məktəblərə
toplam olaraq 2277 təhsil üçün
nəzərdə tutulmuş
netbuklar paylanmış
və məktəblərdə
simsiz İnternet şəbəkəsi qurulmuşdur.
Layihə çərçivəsində
şagirdlərə verilən
netbuklar genişzolaqlı
simsiz İnternetə çıxış əldə
etmək üçün
təmənnasız olaraq
2277 ədəd USB tipli
modem ilə təmin olunmuşdur.
Distant təhsilin inkişaf
etdirilməsi və sağlamlıq imkanları
məhdud olan uşaqların təhsil imkanlarını artırmaq
məqsədi ilə
“Elektron Təlimləndirən
Sistemlər” adlı layihənin icrasına başlanmışdır. Layihə
çərçivəsində 60 şagird və 10 müəllim heyətinə
ən yeni texnologiya və proqram təminatları ilə təchiz olunmuş noutbuklar verilmiş, 60 şagirdin evinə İnternet xətti çəkilmiş,
şagirdlərin dərs
prosesinin idarə edilməsi məqsədilə
20 nömrəli məktəbdə
Distant Təhsil Mərkəzi
yaradılmış, Mərkəzin
otaqlarında yüksək
sürətli fiber-optik
İnternet və
intranet bağlantıları quraşdırılmışdır. Həmçinin müəllim, şagird
və valideynlərin təhsil prosesinə cəlb olunması üçün www.mesafedenmekteb.edu.az portalı yaradılmışdır.
Yeni layihəyə cəlb olunanlar kompüter, tədris üçün
zəruri aksesuarlar, o cümlədən qrafik planşet və eyni zamanda qüsuru
olanlar, əli ilə kompüterdən istifadə edə bilməyənlər “Traxus
Roller Plus Joystick” avadanlıqları
ilə təchiz olunur.
Dövlət Proqramına müvafiq olaraq müəllimlərin
təlimi prosesinə məktəb direktorlarının
da cəlb edilməsi çox mühüm amildir. Yeniliklərə daha həssas yanaşan məktəb direktorları məktəbin
bütün müəllim
heyətinin müvafiq
treninqlərə cəlb
olunması üçün
müraciət edirlər.
Lakin bəzi hallarda direktorlar bu məsələyə etinasız
yanaşırlar. Odur ki, Təhsil Nazirliyi müəllimlər üçün
treninqlərlə yanaşı,
məktəb direktorları
və rayon təhsil şöbələrinin əməkdaşları
üçün nəzərdə
tutulmuş xüsusi treninqlə keçirir.
Treninqin iştirakçılarına təhsildə
informasiya texnologiyalarının
imkanları haqqında
ümumi məlumat verilir, tədris prosesində İKT-nin tətbiqinin üstün cəhətləri izah olunur. Təcrübə göstərir ki,
bir məktəbdə
2-3 müəllim tədrisdə
informasiya texnologiyalarının
tətbiqinə başlayırsa,
həmin təhsil ocağının digər
müəllimləri də
müvafiq bilikləri
əldə etməyə
çalışırlar.
Üç nöqtə.-2013.-29
mart.-S.9.