Müxalifət Dağlıq Qarabağ münaqişəsi ilə bağlı bəyanat yayıb

BƏYANAT BEYNƏLXALQ TƏŞKILATLARA, HƏMÇİNİN ABŞ, RUSİYA, FRANSA PREZİDENTLƏRİNƏ GÖNDƏRİLƏCƏK

DÜNƏN ölkədəki bir sıra müxalifət partiyaları Dağlıq Qarabağ münaqişəsinin həll olunmamasından narahatlıq ifadə edən bəyanat imzalamaq üçün Beynəlxalq Media Mərkəzinə müzakirə aparıblar. ANS press-in məlumatına görə, bəyanatda beynəlxalq təşkilatların və Minsk Qrupu həmsədri olan ölkələrin Ermənistanı işğalçı dövlət kimi tanımaqdan imtina etməsindən, Ermənistanın Azərbaycan torpaqlarını işğal etməsi nəticəsində yaranan Dağlıq Qarabağ münaqişəsinin həlli ilə bağlı BMT-nin qəbul etdiyi qətnamələrin tələblərinə əməl olunmamasından narahatlıq ifadə olunub. Həmçinin, problemin ədalətli həlli üçün bir neçə prinsip təklif edilib. Vahid Azərbaycan Milli Birlik Partiyasının (VAMBP) sədri Hacıbala Əzimov bildirib ki, bəyanat BMT-nin Təhlükəsizlik Şurasına, Avropa Birliyi Parlament Assambleyasına, Avropada Təhlükəsizlik və Əməkdaşlıq Təşkilatına, Avropa Şurası Parlament Assambleyasına, həmçinin Amerika Birləşmiş Ştatlarının (ABŞ), Rusiyanın və Fransanın prezidentlərinə və Azərbaycandakı xarici ölkə səfirliklərinə göndəriləcək. Hacıbala Əzimovun sözlərinə görə, bəyanatın ümumilikdə dövlət qeydiyyatı olan 15-20 partiya tərəfindən imzalanacağı gözlənilir.

Üç nöqtə.-2009.-6 fevral.-S.2.