Türkiyə ilə Rusiya arasında bəyannamə imzalandı

ADULLAH GÜL: "REGİONAL VƏ BEYNƏLXALQ MƏSƏLƏLƏRDƏ MOVQELERİMİZ EYNİDİR"

DMİTRİ MEDVEDYEV: "TÜRKİYƏNIN QAFQAZDA SABİTLİK VƏ ƏMƏKDAŞLIQ PLATFORMASI İLƏ BAĞLI TƏŞƏBBÜSÜNU DƏSTƏKLƏYİRİK"

TÜRKİYƏ prezidenti Abdullah Gülün Rusiya səfəri davam edir. Dünən o, Rusiya Federasiyasının prezidenti Dmitri Medvedyevlə görüşüb. Prezidentlər arasında əvvəlcə təkbətək, sonra isə dövlət başçıları nümayəndə heyətlərinin (xarici işlən nazirləri Əli Babacan və Sergey Lavroada da daxil olmaqla) iiştirakı ilə geniş tərkibdə müzakirələr aparıblar. Bu günkü Kreml danışıqları iki ölkə arasında münasibətlərin yeni mərhələyə irəliləməsi, dostluq və hərtərəfli tərəfkeşliyin dərinləşdirilməsi haqda bəyanatın imzalanmasıyla başa çatıb. Abdullah Güllə Dmitri Medvedyev dostluq və tərəfdaşlığa dair birgə bəyannamə imzalayıblar.

Bəyannamədə bildirilir ki, Türkiyə və Rusiya iki ölkə arasında hərbi-texniki əməkdaşlığı inkişaf etdirmək və bununla bağlı ortaya çıxan problemləri sürətləndirmək niyyətindədirlər. Sənəddə qeyd olunur ki, Rusiya və Türkiyə hərbi-texniki əməkdaşlıq və müdafiə sənayesi sahəsində əməkdaşlıq üzrə birgə hökumətlərarası komissiyanın səmərəli fəaliyyətinin təmin olunmasına böyük önəm verirlər. Bəyanamədə tərəflərin qısa müddətdə əmtəələrin, xidmət və kapitalların iki ölkə ərazisində sərbəst yerdəyişməsini təmin edən qanunvericilik tətbirlərini işləyib hazırlayacağı da göstərilir.

Soçidə 2014-cü ildə keçiriləcək Qış Olimpiadasına hazırlıq mərhələsində bir sıra layihələrin həyata keçirilməsi də nəzərdə tutulur. "Avroasiya regionun stabilliyi və təhlükəsizliyi Cənubi Qafqazın stabilliyindən birbaşa asılıdır.Tərəflər Cənubi Qafqazda sabitliyin pozulmasında önəmli rol oynayan donmuş münaqişələrin həlli istiqamətində effektli tədbirlərin həyata keçirilməsinin vacib olması ilə razıdırlar", - bəyanaməddə bildirilib. Sənəddə qeyd olunur ki, tərəflər bu konteksdə Türkiyə tərəfindən irəli sürülən Qafqazda əməkdaşlıq və sabitlik platformasının yaradılması ideyasını konstruktiv və artıq mövcud beynəlxalq mexanizmləri tamamlayan təşəbbüs kimi qiymətləndirirlər. Bu təşəbbüs dondurulmuş münaqişələrə cəlb edilən ölkələr arasında olan etibarsızlığın aradan qaldırılmasına yardım göstərəcək.

Bəyanamənin imzalanmasından sonra mətbuat konfransı keçirən dövlət başçıları Qara dəniz regionunda əməkdaşlıq məsələsinə toxunduqlarını, bu regionun müdafiə nazirlərinin və ya qərargah rəislərinin müntəzəm görüşlərinin keçirilməsi barədə təklifi dəstəklədiklərini bildiriblər. "Regional və beynəlxalq məsələləri müzakirə etdik və bu məsələlərdə eyni mövqedən çıxış etdiyimizi görmək bizi sevindirdi", - deyə Gül bildirib. Gül onu da əlavə edib ki, Türkiyə-Rusiya əlaqələri çoxtərəflidir və bu əlaqələrin daha da yaxşılaşdırılması üçün addımlar atılacaq. Türkiyə prezidenti Rusiya və Türkiyənin regionun iki önəmli ölkəsi olaraq əməkdaşlığa böyük əhəmiyyət verdklərini və iki ölkə arasında 30 milyard dollar olan ticarət həcmini 50 milyarda dollara qədər yüksəltmək istədiklərini bildirib. O, bildirib ki, hər il Rusiyadan Türkiyəyə 3 milyon turist gəlir. "Onların sayısının artmasından həmişə məmnunluq duyacağıq",-Gül deyib.

Moskvaya səfərinin iki ölkə arasında yeni bir səhifə açacağına inandığını deyən Gül, Rusiya prezidentini Türkiyəyə dəvət edib.

Mətbuat konfransında Dmitri Medvedyev isə deyib ki, iki ölkə arasında çox böyük həcmdə iş birliyi var. O, "bu sənəd qətiyyən formal xarakter daşımır",- deyib. "Bu bəyannamə iki ölkə arasında xarici siyasət, ticarət, iqtisadi əlaqələr və humanitar sahələrdə əməkdaşlığın dərinləşdirilməsinin əsasını təşkil edəcək. Biz Türkiyənin bəzi təşəbbüslərini, məsələn, Qafqazda Sabitlik və Əməkdaşlıq Platformasıyla bağlı təşəbbüsü dəstəkləyirik. Biz bu təklifin həyata keçirilməsi imkanını görürük, biz daha sıx və bəzən qeyri-formal dialoqun aparılması mümkünlüyünü görürük, bu bölgədəki iqtisadi, nəqliyyat, enerji problemlərinin həllinə kömək edə bilər", - prezident Medvedyev söyləyib.

Onun sözlərinə görə, Rusiya ilə Türkiyə arasında ticarət dövriyyəsi 10 ildə 35 dəfə artıb. Qarşılıqlı sərmayə yatırımlarına diqqət çəkən Medvedyev, Türkiyə ilə Rusiya arasında enerji layihələrinin həyata keçirilməsi sahəsində bir təcrübənin olduğunu bildirib. Medvedyev bu təcrübə çərçivəsində elektrik və atom enerjisi sahələrində əlaqələrin inkişaf etdirilməsini isdədiklərini söyləyib. Rusiya prezidenti görüşmədə beynəlxalq və bölgə məsələlərinə toxunlduqlarını və beynəlxalq terrorizm kimi məsələləri müzakirə etdiklərini deyib. "Bu məsələlərdə ortaq iş birliyi imkanları var",- o deyib. Dmitri Medvedyev ötən ilin avqustunda Gürcüstanla müharibəyə və Yaxın Şərqdəki vəziyyətə də toxunduqlarını söyləyib. "Müzakirə etdiyimiz bir çoz məsələdə mövqeyilərimizin oxşar olduğunu məmuniyyətlə gördük". Medvedyev Gülə Türkiyə ilə Rusiya arasındakı əlaqələrin və işvirliyinin inkişafı məsələsindəki görüşləri paylaşdığı üçün təşəkkür edib.

Ceyhun

Üç nöqtə.-2009.-14 fevral.-S.3.