"Prezident İlham Əliyev və mədəniyyət (2003-2008)"

Elektron kitab nazirliklərə, təşkilatlara, şəhər və rayon kitabxanalarına hədiyyə veriləcək

Mayın 1-də Milli Kitabxanada "Prezident İlham Əliyev və mədəniyyət (2003-2008)" elektron kitabın təqdimatı keçiriləcək. Mədəniyyət və Turizm Nazirliyinin məlumatına görə, kitab nazirliyin və Prezident Kitabxanasının birgə təşkilatçılığı ilə hazırlanıb. Kitabın 1-ci cildində Prezident İlham Əliyevin Azərbaycan və dünya mədəniyyət xadimləri ilə görüşləri, müxtəlif mədəniyyət müəssisələrindən çıxış və tövsiyələri, müsahibələri öz əksini tapıb. Kitabın 2-ci cildində isə Prezidentin mədəniyyət xadimlərinə göndərdiyi təbriklər, mədəniyyət sahəsində imzaladığı fərman, sərəncam və qanunlar, habelə mədəniyyət, ədəbiyyat, tarixi-mədəni irs və milli-mənəvi dəyərlər haqqında fikirləri verilib. Kitabda İlham Əliyevin mədəniyyət sahəsi ilə əlaqədar fotoşəkilləri də yer alıb. Kitab nazirliklərə, idarə və təşkilatlara, habelə respublikanın şəhər və rayon kitabxanalarına hədiyyə veriləcək. Qeyd edək ki, layihənin rəhbəri mədəniyyət və turizm naziri Əbülfəs Qarayevdir.

Üç nöqtə.- 2009.- 1 may.- S. 9.