Akademik Şəfaət Mehdiyevin xatirəsinə həsr olunmuş XIII respublika elmi konfransı keçirilib

GEOLOGİYA VƏ GEOFİZİKA İNSTİTUTUNDA AKADEMİK ŞƏFAƏT MEHDİYEVİN XATİRƏSİNƏ HƏSR OLUNMUŞ KONFRANS KEÇİRİLİB

ETN Geologiya və Geofizika İnstitutunda (GGİ) Neftçi Geoloqlar Cəmiyyəti İctimai Birliyinin (NGC İB) təşkilatçılığı ilə “Karbohidrogenlərin yaranması, miqrasiyası və yığılması” mövzusunda XIII Respublika Konfransı keçirilib.

Konfransın açılışında GGİ-nin baş direktoru akademik Akif Əlizadə qonaqları salamlayaraq, Akademik Ş. Mehdiyev haqqında, onun elmi və bədii yaradıcılığı barədə iştirakçılara geniş məlumat verib. Bildirib ki, NGC İB böyük alimlərimizi daim yad edir və bu kimi əhəmiyyətli konfransları daim yüksək səviyyədə təşkil edir.

A.Əlizadə açılış nitqindən sonra konfransı açıq elan edib və sözü Cəmiyyətin sədri Elmir Qaragözova verib. E.Qaragözov qonaqları salamlayaraq təşkilatlığa görə GGİ-nun rəhbərliyinə dərin minnətdarlığını bildirib və konfransı aparmaq üçün sözü Cəmiyyətin sədr müavini y.e.f.d. Elvin Əhmədova verib.

E.Əhmədov çıxışında konfransa qatılan ziyalıları, qonaqları və konfrans işritakçılarını salamlayaraq, konfransın elm dünyası üçün əhəmiyyətini vurğulayıb. Diqqətə çatdırıb ki, konfransda məruzə üçün 50-dən çox tezis daxil olub, bunlardan 35-i məruzə üçün seçilib. Tədbirə həmçinin SOCAR-ın vitse-prezidenti Arzu Cavadova da qatılıb. O, çıxışında belə mötəbər konfransın keçirilməsini çox önəmli saydığını bildirib və təşkilatçılığa görə GGİ və NGC İB - yə təşəkkürünü bildirib.

Sonra tədbir plenar sessiya formatında davam edib. Plenar sessiyada NGC İB sədr müavini y.e.f.d. Elvin Əhmədov və Türkiyə respublikasi Sivas Dövlət Universitetinin professoru Nazan Yalçın Erik maraqlı mövzu ilə çıxış edib. Plenar sessiyanın ardınca Konfrans öz işini gündəliyə uyğun olaraq növbəti sessiyalarla davam edib.

Вышка.-2025.- 19 декабря (№48). - С.4.