Bütöv Azərbaycan eşqiylə yaşayan Baba Əhmədli
Azərbaycanı istəyən hər
kəs hər gün ana dilində qəzet, jurnal və ya kitab
oxumalıdır»
Onun
84 yaşı var. Gerçəkdən Bütöv Azərbaycan
eşqiylə yaşayır. İllərdir ki, publisistika ilə məşğuldur. Yaşının bu vaxtında indi də də
böyük bir həyat eşqiylə yazır-yaradır.
Baba Əhmədli 1929-cu ildə Ordubad rayonunun Əylis kəndində anadan olub. İndiki Azərbaycan Dövlət
Neft Akademiyasının
neft-mexanika fakültəsini
bitirib. 1962-ci ildə neft-qaz mədən avadanlığı
üzrə namizədlik
dissertasiyası müdafiə
edib. «Azərizm
haqqında düşüncələrim»,
«Azərizmin əsasları»,
«Millətim, Azəristim»,
«Azərizmə doğru»,
«Azərizm yolunda — Türkizmə doğru» kitabları nəşr olunub. 180-dən artıq elmi məqalənin, 10-dan artıq
kitab və kitabçanın, 4 patentin,
120-dən artıq publisistik
məqalənin müəllifidir.
Bu il işıq
üzü görmüş
«Azərizm yolunda-Türkizmə
doğru» kitabının
annostasiyasında vurğulanır:
«Dünyada nə qədər məfkurə
varsa, o qədər də cəmiyyət var. Azərizm cəmiyyəti də Azərbaycanı istəyənlərin — azərist
məfkurəsi daşıyanların
cəmiyyətidir. Bundan əvvəlki
kitablarda olduğu kimi, burada da
Bütöv Azərbaycan
məkanında ictimai-siyasi,
hüquqi durumun və mənəvi dəyərlərin bir sıra cəhətləri
işıqlandırılır. Ayrı-ayrı məqalələrdən ibarət olan bu kitab bütövlükdə
azərizm cəmiyyətinin
saflığı, rifahı,
əxlaqi, mənsubi, eləcə də fəlsəfi durumu haqqında obyektiv informasiya verir. Kitab elmi-kütləvi xarakter daşıyır».
Kitabda müəllif
gərəkli qənaətlərə
gəlir. Qeyd edək ki,
Baba Əhmədlinin həyatı
başdan-başa yaradıcılığa
həsr olunub. Öz ölçüsündə, düşüncəsində
həmişə israrlıdır.
İnsan
harayı çəkib.
Baba Əhmədli sözün gerçək
mənasında insançıdır,
insan aşiqidir.
Azərbaycanı müqəddəs yurd səviyyəsində sevir, onunla nəfəs
alır. Yurda sevgisində
israrlıdır, inadlıdır.
Onillərdir ki, Azərbaycana
sevgi üstə yazılar yazır. Azərist düşüncə ilə
yaşayır. Baba Əhmədlinin sözüylə
desək, azərist- «Azərbaycanı istəyənlər»
deməkdir. O, bu
gözəl düşüncəsinin
gerçəkləşməsi yolunda addım-addım yol gəlib. Görünən odur ki, bir an
da təntiməyib, ruhdan düşməyib.
Texnika elmləri
namizədi olan Baba Əhmədli texnikanın
etibarlığında da
insan amilinin rolunu görür, insanın məsuliyyətini
qaçılmaz sayır. Sağlamlıq haqqında danışarkən
mənəvi sağlamlığı
nəticə olaraq görür. Yalnız
bədən üçün
yaşayan, Vətən,
insan, bəşəriyyətin
faciəvi durumu haqqında düşünməyənləri
sadəcə, bioloji varlıq sayır: «Öz təmizkarlığından
və səliqəsindən
ləzzət alan süpürgəçi
tənbəl və rüşvətxor məmura
nisbətən daha sağlamdır». Aşağıdakı
məqam ilk baxışda
oxucuya adi gələ bilər, ancaq dərinə varanda Baba Əhmədlinin
yurddaş qayğısı
doğma, yanğılı
və təəssübkeşdir:
«Xüsusilə Azərbaycanı
istəyən, azərist
olan adam
gündə heç olmasa, 2 saat doğma Azərbaycan (Türk) dilində qəzet, jurnal və ya kitab
oxumalıdır». «Biz Azərbaycanı istəməliyik
ki, Azərbaycan da bizi istəsin
və yaşatsın».
«Milli söz öz-özünə yaranmır. Onu həmişə
yaradanlar olur».
Baba Əhmədli gurultulu
sözləri sevmir. O, Azərbaycanı
sevməyi sadə görünən işlərdən
başlamağı gərəkli
sayır: ağac əkməkdən, ev tikməkdən, övlad tərbiyə etməkdən…
Baba Əhmədli üçün
«doğma millət» anlayışı var: millətsiz bəşəriyyətin
sabahını görmür,
belə bir sabaha inanmır. Ona görə də Azərbaycanı istəmək,
azərist olmaq — elə bəşəri olmaqdır.
Onun nikbinliyi xalq adlı özüldən gəlir: «Soy-köküm sonsuzdur, əbədidir». Demək olar, hər yazısının
sonunda ayrıca diqqət çəkən
nəticəyə gəlir:
Məsələn, «İnsanları
və dünyanı bilik xilas edəcək»;
«Ədalətlik insanları
və dünyanı xilas edəcək!», «Dəqiqliik insanları və dünyanı xilas edəcək» və s.
Baba Əhmədli fitrətən
insanı dərindən
tanıyır, onun bioloji-mənəvi tələbatına
bələdliyi yazılarından
aydınca görünür. Onu hər şey düşündürür: müxtəlif
peşələrdə çalışanların
qayğılarını insanilik
ölçüsündə çözməyə çalışır.
Hansı
peşə daşıyıcısından
danışırsa-danışsın, hamısında ilk növbədə
insan görür.
O, insanın, insaniliyin
vurğunudur. Baba Əhmədli dünyagörmüş
aydındır. Sonuncu
kitabında «Millətimizin
polislər zümrəsi»
adlı yazısında
yazır: «Şübhə
yoxdur ki, insanlaşmış, yəni
yüksək mənəviyyata
sahib olmuş şəxslərin
sayı artarsa, o, ətrafındakıları da
asanlıqla insanlaşdıra
bilər». Ancaq buradaca qeyd edək ki, bütün
zamanlarda insanlaşmaq,
insanlaşdırmaq çətin
olacaq.
Uğur
Xalq Cəbhəsi.- 2012.- 15 noyabr.-
S.14.