Milli Kitabxananın 90 illik yubileyi

 

Bakıda Mirzə Fətəli Axundov adına Azərbaycan Milli Kitabxanasının 90 illik yubileyi münasibəti ilə Avropa Milli Kitabxanaları Konfransının (CENL) 27-ci illik görüşü keçirilib. APA-nın məlumatına görə, tədbirdə Fransa, Almaniya, Polşa, Estoniya, Ukrayna s. Avropa ölkələrinin milli kitabxanalarının rəhbərləri iştirak edib.

Mədəniyyət turizm naziri Əbülfəs Qarayev konfransda çıxış edərək bildirib ki, Azərbaycanda son illər kitab kitabxana işində əhəmiyyətli inkişaf olub: «Bizim kitabxana sahəsində xüsusi proqramımız var. Bu, kitabxana işinin inkişafı ilə bağlıdır 2008-2018-ci illəri əhatə edən dövlət proqramıdır. Biz kiçik kitabxanaların inkişafı üçün çalışırıq. Sizin hamınıza minnətdaram ki, Azərbaycan Milli Kitabxanasının 90 illik yubileyi ərəfəsində bu konfransı məhz Azərbaycanda keçirdiniz. Kitabxana cəmiyyətin mayakıdır. Biz kitabxana sahəsində müasir vasitələrdən istifadə etməyə çalışırıq».

Əbülfəs Qarayev əlavə edib ki, Azərbaycanda kitabxana işinin əsas prioritetlərindən biri gənc nəslin kitabxanalara cəlb olunmasıdır: «Bizim qarşımızda duran əsas məsələlərdən biri gənc nəsli kitabxanalara gətirməkdir. Buna nail olsaq, deməli, kitabxana gələcək əsrlərdə yaşayacaq. Biz gəncləri diskotekalara yox, kitabxanalara yönəltməliyik»

Azərbaycan Milli Kitabxanasının direktoru Kərim Tahirov CENL-in 27-ci illik görüşünün Azərbaycanda keçirilməsinin əhəmiyyətindən, kitabxana sahəsində ölkələr arasında həyata keçirilən əməkdaşlığın faydalarından danışıb. O qeyd edib ki, Azərbaycanda kitabxana şəbəkəsinin formalaşması, inkişafı üçün son illərdə müxtəlif tədbirlər həyata keçirilib bu tədbirlərdə Milli Kitabxana yaxından iştirak edib: «Dünən Azərbaycanda III Bakı Beynəlxalq Kitab-Sərgi Yarmarkası keçirildi bu tədbir göstərdi ki, bizim ölkəmizdə kitaba necə diqqət var. Azərbaycanda kitabxana işinə həmişə xüsusi diqqət yetirilib. Azərbaycan oxucularının Avropa kitabxanalarına daxili olub onların informasiya vasitələrindən istifadə etməsi, məlumat almağı üçün səylərimizi artıracağıq. Azərbaycan Milli Kitabxanası Avropa kitabxanalarının tədbirlərində fəal iştirak edib biz inkişafa aparan qarşılıqlı əməkdaşlığa həmişə hazırıq».

 

Xalq Cəbhəsi.- 2013.- 25 sentyabr.- S.16.