Azərbaycan sülh,
tolerantlıq və işğal olunmuş torpaqlar
arasında
İtaliyanın nüfuzlu globalist.it və notiziegeopolitiche.net portallarında
Azərbaycan Respublikası
Prezidentinin Avropa Şurası Parlament Assambleyasındakı çıxışı
ilə bağlı geniş məqalə dərc olunub. Məqalənin
tam mətnini öxucularımıza
təqdim edirik:
“Azərbaycanın müstəqillik
illəri zamanı böyük inkişafı
göstərir ki, paralel şəkildə həyata keçirilən
iqtisadi və siyasi islahatlar uğura aparır”. Beləliklə, Azərbaycan Respublikasının
Prezidenti İlham Əliyev Stasburqda keçirilən Avropa Şurasının Assambleyasındakı
çıxışına başlayır. “Həyata keçirdiyimiz islahatlar cəmiyyətimizdə
çox müsbət
atmosfer yaradıb.
Azərbaycanda bütün əsas
azadlıqlar tanınır.
Bizdə
siyasi fəaliyyətlə
məşğul olmaq
azadlığı var. Yüzlərə
siyasi təsisat və partiyalar var. İfadə və mətbuat azadlıqları
var”. Əliyev çıxışının
əksər hissəsində
ölkəsinin insan haqları və dini tolerantlıq sahəsində gördüyü
işlərdən danışıb.
Xatırlatmaq lazımdır ki,
Azərbaycan Beynəlxalq
Tolerantlıq Günü
münasibətilə 2013-cü ildə dünyanın 5 ən tolerant ölkəsi
sırasında yer alıb; əhalisinin əksəriyyətinə görə
müsəlman ölkəsi
hesab olunmasına baxmayaraq burada digər dinlərə dinc münasibət (təqdir olunur) var. “Dini azadlıq ölkəmizin digər böyük müsbət tərəflərindəndir- Prezident
İlham Əliyev nümayəndə heyətlərinə
xatırladıb-biz multi-etnik
və müxtəlif dinlərə mənsub insanların yaşadığı
bir cəmiyyətik.
Əsrlər boyu Azərbaycanda
müxtəlif xalqların
və dinlərin nümayəndələri sülh
və əmin-amanlıq
şəraitində birgə
yaşamışlar. Sədrliyimiz müddətində multikulturalizm
dəyərlərinə diqqət
prioritetlərimizidən biri
olaraq qalacaqdır.”
Bu öhdəliyin aydın
nümunəsini biz Azərbaycanın
Birinci Xanımı Mehriban Əliyevanın rəhbərliyi ilə Heydər Əliyev Fondunun dünyanın mədəni irsi naminə çoxsaylı xeyriyyəçilik fəaliyyətində
görə bilərik;
Fondun ayırdığı
maliyyə dəstəyi
hesabına baxımsızlıqdan
xilas edilən Romadakı Marçellinio və Pietro katakombalarının bərpasında
olduğu kimi. Ağrılı Dağlıq Qarabağ
məsələsinə də
toxunan Əliyev açıq şəkildə
beynəlxalq ictimaiyyətə
müraciət edib.
“Üzləşdiyimiz ən böyük problem beynəlxalq səviyyədə
tanınmış ərazi
bütövlüyümüzün pozulmasıdır. Azərbaycan və
Ermənistan arasında
olan münaqişə
bütün regiona təhlükə yaradır.
Bu münaqişə nəticəsində Azərbaycan
ərazisinin beynəlxalq
birlik tərəfindən
tanınmış 20 faizi
işğal edilmişdir.
Azərbaycanlılar erməni
quldurları və ordusu tərəfindən etnik təmizlənməyə
məruz qalıblar- bununla Prezident Əliyev açıq şəkildə 1992-ci il
fevralın 25-dən 26-a keçən
gecə Xocalıda baş vermiş faciəvi soyqırımda
613 dinc sakinin, o cümlədən 106 qadının
və 83 uşağın
öldürülməsinə istinad edirdi- münaqişə nəticəsində
1 milyon azərbaycanlı
qaçqın və məcburi köçkün
vəziyyətinə düşmüşdür.
Dağlıq Qarabağ və
7 ətraf rayon 20 ildən
artıqdır ki, işğal altındadır.
Bu ən böyük
ədalətsizlikdir”. Əliyev nümayəndələrə bildirdi
ki, “Ermənistanın
keçmiş prezidenti
burada- demokratiya evində danışarkən
erməni və azərbaycan xalqlarının
birgə yaşayışının
mümkün olmadığını
deyib. Onun varisi, hazırkı
Ermənistan rəhbəri
münaqişəni dini
münaqişə kimi
təsvir edir,” davamında isə (Əliyev) qeyd edir ki, “Azərbaycanın
başqa millətlərlə
birgə yaşamaq kimi problemi yoxdur,
Ermənistan isə
mono-etnik dövlətdir,
əhalisinin 99.9 faizi yalnız ermənilərdən
ibarətdir. Bütün azlıqlar,
o cümlədən azərbaycanlılar
ölkəni tərk etməyə məcbur ediliblər. Bu cür ayrıseçkilik
danışıqlarda üstünlük
təşkil edə bilməz. Biz bu məsələni qaldırmalıyıq, ədaləti
və Azərbaycanın
ərazi bütövlüyünü
bərpa etməliyik”.
Sonda Əliyev Azərbaycanda
gender ayrıseçkiliyinin olmadığını və
1918-ci ildə yaradılmış
Azərbaycan Demokratik Respublikası zamanı qadınlara səsvermə
hüququnun digər Avropa ölkələrindən
daha tez verildiyini bildirdi. Emosional çıxışda həmçinin
Dağlıq Qarabağ
münaqişəsinin həll
olunmaması ilə bağlı narazılıq
ifadə olunurdu.
Bu sözlərdən hiss olunurdu
ki, xalqının dəstəyi və razılığı Prezidentdə
qurur hiss yaradır.
(Onun sozlərindən,
Prezidentin öz xalqı ilə fəxr etdiyi və xalqının dəstəyini hər zaman hiss edtiyinə görə yüksək qürur hissi duyduğu hiss olunurdu.)
Xalqcəbhəsi.-2014.-8 iyul.-S.10.