Hüseyn Cavidin “Səyavuş”u
O, Firdovsidə
qabarıq verilmiş mifoloji süjetlərə, obrazlara yer verməyib
II
yazı
H.Cavidin əsərində Südabə Səyavuşa
olan eşqini açıq şəkildə etiraf edir. Kavus Südabənin edam olunması barədə fərman verir. Lakin Səya¬vuşun və vəzirin xahişi ilə
o, öz fikrindən vaz keçir. Firdovsinin
“Səya¬vuş və Südabə” əsərində isə
Südabə Səyavuşa olan qanunsuz eşqini eti¬raf etmir, əksinə
o, Səyavuşun ona təcavüz etdiyini israr edir. Burada yalnız Səyavuş Südabənin
bağışlanması haqda atasından xahiş edir. Yə¬ni H.Cavidin əsərində Südabənin
edamdan qurtarmasında vəzirin heç bir rolu olmur.
Firdovsidə Səyavuş döyüşkən, igid,
xeyirxah və ağıllı bir pəhləvan kimi təsvir
olunur. O, həm
də sülh tərəfdarıdır və Turan ordusunu
sülh bağlamağa, müharibəni dayandırmağa
razı salır, heç vaxt öz sülh müqaviləsini
pozmur. Bununla da atası ona qəzəblənir,
Rüstəm Kavusdan üz döndərir və qoşunu ilə
Zabulustana üz tutur. Səyavuş iki
yoldan birini seçmək məcburiyyətində qalır.
O, ya Piran Vise ilə Tu¬rana getməli, ya da İrana
qayıdıb Südabənin hiylələri ilə mübarizə
apar¬malıdır. Səyavuş birinci yolu
seçir və Piran ilə Turana gedir.
Firdovsinin “Səyavuş və Südabə” dastanında
analığının böhtanından və atasının
yanlış münasibətlərindən inciyən Səyavuş
Turan ölkəsinə daxil olandan sonra Piranın qızı Cərirə
və Əfrasiyabın qızı Firəngizlə evlənir. Ancaq H.Cavidin
“Səyavuş” pyesində isə Siyavuş ancaq
Əf¬rasi¬yabın qızı Firəngizlə evlənir.
Burada hətta Firəngizin atası ondan Səyavuşlə
ailə qurmaq istədiyini soruşur. Firdovsidə
isə beləbir epizoda rast gəlinmir. Görünür,
burada H.Cavid özünün demokratik düşüncə¬lə¬rinə
əsaslanıb. Frdovsinin “Siyavuş və
Südabə” dastanı ilə H.Cavidin “Səyavuş” pyesi
arasındakı digər bənzərliklər İran
şahı Kavusla bağlıdır. “Şahnamə”nin bəzi yerlərində Kavus oxucu tərəfindən
qınaq ob¬yektinə və yalançı padşah simvoluna
çevrilir. Firdovsi Qudərzin dililə deyir ki,
Kavus özünün pis təbiəti ilə hər zaman
müharibə meyvəsi verən bir ağacdır.
Kavus xəbis, özündən razı, kütbeyin və
qadın düşkünüdür. Onun bu xüsusiyyətləri
özünün və İranın təhlükələrlə
qarşılaşmasına səbəb olur. Kavusun başına gələn ən
ağrılı və son hadisə oğlu Səyavuşla
arvadı Südabənin münasibətləridir. Çünki bu hadisədə Kavusun əmri ilə
tonqal qalanır və Səyavuş öz
günahsızlığını sübut etmək
üçün oddan keçməli olur və bu sınaqdan
sağ-salamat qurtarır.
H.Cavidin “Səyavuş” pyesində isə belə bir
epizod yoxdur. Böyük mü¬təfəkkir H.Cavid Kavusun yuxarıdakı
mənfi xüsusiyyətlərinə bir də onun sarayın
kiçik yaşlı xidmətçi qızlarına təcavüz
edən əxlaqsızlığını əlavə edib.
Fdovsinin “Şahnamə”sində Səyavuş
Turan qoşununu məğlub et¬dik¬dən sonra
döyüşçülərini əsir götürür.
Ancaq H.Cavidin “Səyavuş”unda belə bir epizoda
rast gəlmirik. Bundan başqa Firdovsidə
Turan padşahı Ədrasiyab Siyavuşun qay¬natası kimi təqdim
olunur. H.Caviddə isə Turan
padşahı Əfrasiyab Səyavuşun həm qaynatası, həm
də dayısıdır.
“Sahnamə”də Piran düşmən cəbhəsində
yer alsa da, Firdovsi onu ağıllı və mülayim bir obraz
kimi təqdim edir. Piran problemlərin ağılla
çözülməsi və sülh tərəfdarıdır.
O, həm də Səyavuşun, Firəngizin və Key¬xosrovun
hamisidir. H.Cavid də Piranı ağıllı,
dürüst və asayiş tə¬rəfdarı kimi təqdim
edir. Bu iki əsərin başqa ortaq qəhrəmanlarından
biri də Gərsivəzdir. Fir¬dovsi onu
Əfrasiyabın qardaşı, ən yaxın adamı, ordu
komandanı, mü¬şaviri və ən mənfi obraz kimi təqdim
edir. Gərsivəz Səyavuşun Turanda
olmasını və Əfrasiyabın ona yaxşı
münasibətini özünə təhqir kimi qəbul edir.
Bu, onu kinli və xəbis bir insana çevirir.
Müqayisə olunan hər iki əsərdə
bu kin özünü kəskin bir şəkildə biruzə
verir. Gərsivəz hiylə ilə
Əfrasiyabı Səyavuşa qarşı qaldırır.
Həm “Şahnamə”də, həm də
“Siyavuş” pyesində üstüörtülü şəkildə
Si¬yavuşun səhvinə toxunulur. Bu səhv
Siyavuşun Gərsivəzə etimad et¬məsidir. Siyavuş Gərsivəzin özünə
qarşı xoşniyyətli olduğunu
düşü¬nür və Siyavuşun saflığı onun
ölümünə səbəb olur.
“Şahnamə”nin başqa bir epizodunda Əfrasiyab öz
qoşununa Səya¬vuş¬la vuruşmağı əmr edir. Səyavuş isə özünün dostluğunu və
günah¬sız¬lığını sübut etmək
üşün ordusuna əmr edir ki, qılınclarını
qınlarından çıxartmasınlar. Belə olan halda Səyavuşun bütün
qoşunu məhv edilir, özü isə yaralanaraq əsir
düşür və ən qəddar bir şəkildə
onun başını bə¬dənindən ayırırlar.
Hər iki əsərdə İran şahzadəsi
Səyavuş Gərsivəzin pis niyyəti və Südabənin
məkri ilə cərəyan edən keşməkeşli hadisələrin
qur¬banı olur və müqavimətsiz
öldürülür.
“Səyavuş
və Südabə” əsəri “Şahnamə”nin
bir neçə fərqli və macəralarla dolu ən mürəkkəb
dastanıdır. Burada oxucu per¬so¬najların fəaliyyətərinin
müxtəlif epizodlarına heyran olur. Sanki
bu per¬sonajlar oxucunun öz ətrafından
götürülmüş və onun dili ilə
danışırlar. H.Cavidin “Səyavuş”
mənzum pyesi Firdovsinin “Şahnamə”sinin motivləri əsasında
nəzmə çəkilib. La¬kin H.Cavid bəzi
epizodları və səhnələri qəsdən dəyişib,
onlara yeni çalarlar artırmaqla özünün humanist
düşüncələrinə görə təqdim edib.
Nəticədə onun “Səyavuş” pyesinin
sonu Firdovsinin “Səyavuş və Sü¬dabə”
dastanının sonundan bir qədər fərqlənir.
Hər iki əsərin müqayisəsindən məlum
olur ki, H.Cavidin məqsədi Firdovsinin “Səyavuş və
Südabə” dastanında qələmə aldığı
bütün epi¬zod¬ları başqa bir şəkildə təkrarlamaq
olmayıb.
Əksinə, o, şahların zülmü, Südabənin
qeyri-əxlaqi eşqi, Gərsivəzin hiyləğərliyi,
şahların cəmiyyətdəki zalım mövqeyi və
s. məsələləri qabartmaq, öz bəşəri
ideyalarını qabarıq bir şəkildə ifadə etmək
istəyib. Əlbəttə, H.Cavidin
düşüncəsi Firdovsinin fikirlərinə
yaxındır. Hər iki müəllifə
görə zalım şahlar ölümə məhkumdurlar.
Müqayisə
olunan hər iki əsərdə təsvir olunan obrazları
qruplara ayırmaq olar: adi, qarışıq, qabaqcıl, igid,
şər qüvvələrin təmsilçiləri və
s. Bu bölgü obrazların daxili aləminin
açılmasına və özəlliklərinin mey¬dana
çıxmasına, eləcə də əsərdə
oynadıqları rolun daha düzgün an¬laşılmasına
kömək edir. H.Cavid öz pyesində obrazlar silsiləsini
belə ya¬radır: Kavus və Südabə-nifrət
qaynağı, rəqqasə və Kosa-şər qüvvə¬lərin
təmsilçiləri, Gərsivəz-hiyləgərliyin ifadəsi,
Piran-sülhün carçısı, şahlar-zülmkarların
hamisi. Cavid öz əsərində Firdovsidən
gələn əsas mo¬tivləri saxlayıb. Belə ki, həm Firdovsidə, həm də Caviddə
Siəyavuş pak və atasına sadiq bir şahzadə kimi təsvir
olunur. Mü¬qa¬yisə olunan hər iki əsərdə
analığının hər cür fitnə-fəsadı
onu yolundan döndərə bilmir.
Əlbəttə, səhnə əsərlərinin
imkanları dastanlardan fərqlidir. Bəlkə də elə
buna görə H.Cavidin “Səyavuş” pyesi Firdovsinin
“Siyavuş və Sü¬dabə” dastanı ilə müqayisədə
yığcam və lakonikdir. Belə ki, pyesdə
Fir¬dovsinin “Səyavuş və Südabə” dastanında rast
gəldiyimiz Səyavuşun oddan keçməsi, Südabənin
iftiraları, Səyavuşun Turan ordusu ilə
dö¬yü¬şü, Səyavuşun Piranın qızı Cərirə
ilə evlənməsi, Əfrasiyabın hüzurunda Səyavuşun
çövqan oyununda qalib gəlməsi, Gərsivəzin
siyavuşa qarşı sui-qəsdləri, oğlu Forudun
öldürülməsi, Cərirənin oğlunun
yastığı ba¬şın¬da özünü
öldürməsi və s. epizod və səhnələrə
rast gəlmirik. Əksinə H.Cavid “Səyavuş” pyesində
Südabənin qeyri-qanuni eşqi, Kavus şahın oğlu Səyavuşa
qəzəblənməsi, Kavusun İran milli qəhrəmanı
Rüstəmi məzəmmət etməsi, Kavusun müharibəyə
rəvac verməsi, Gərsivəzin kin və küdurəti
epizodlarını önə çəkib. Dramatik
hadisələr pyesin əsas ünsürlərindən olsa da,
H.Cavid onları müxtəsər və yığcam bir şəkildə
təqdim edib.
Əlbəttə, H.Cavid “Siyavuş” pyesini təkcə
Südabənin öz oğulluğuna olan qeyri-əxlaqi
eşqi üzərində qurmayıb. Sənətkar bir
mütəfəkkir və şair kimi onu narahat edən bir
çox məsələlərə bu əsərdə öz
mü¬na¬sibətini ifadə edib. Şübhəsiz
ki, bu münasibət və düşüncələrin
kö¬kündə onun yaşadığı dövr və
şəraitin də rolu, təsiri və tələbləri
var idi. Bəlkə də elə bu amilə
görə H.Cavid öz əsərində Firdovsidə
qabarıq bir şəkildə verilmiş mifoloji süjetlərə,
obraz və epizodlara yer ver¬mə¬yib. H.Cavidin “Səyavuş”
pyesini yazarkən bəzi səhnələrdə, epizod və
motivlərdə, eləcə də obrazlarda Firdovsidən
“uzaqlaşması” daha çox onun mövzunu öz zamanına
və dövrünə uyğunlaşdırması kimi izah
etmək olar. Çünki hər bir
yaradıcı insan, ilk növbədə, öz əsrinin və
zamanının fərdidir və onun düşüncə tərzinə
uyğun olaraq yazıb-yaradır.
Əbdülrza
Balazadə,
araşdırmaçı
Xalq Cəbhəsi.-
2014.- 30 oktyabr.- S.14.