Ölkəmizin zəngin mədəniyyəti Vaşinqtonda təqdim olunub

 

Dekabrın 7-də Azərbaycanın ABŞ-dakı səfirliyi tərəfindən Vaşinqtonun ən böyük inzibati tikilisi olan Ronald Reyqan Binası Beynəlxalq Ticarət Mərkəzində ölkəmizin zəngin mədəniyyət nümunələri bu ölkədə akkreditə olunmuş diplomatik korpusun nümayəndələrinə, media təmsilçilərinə geniş ictimaiyyətə təqdim olunub. Ronald Reyqan Binası Beynəlxalq Ticarət Mərkəzi tərəfindən təşkil edilən Уİllik Qış Beynəlxalq Səfirlik SərgisiФ çərçivəsində baş tutan tədbirin məqsədi Vaşinqtonda akkreditə olunmuş xarici ölkə səfirliklərinə öz milli mədəniyyətlərini, mətbəxlərini, ölkələrinin görməli yerlərini təbliğ etmək üçün imkan yaratmaqdır.

Tədbir çərçivəsində Azərbaycan səfirliyi tərəfindən ölkəmizin mədəniyyətini əks etdirən kiçikölçülü xalça nümunələri, milli geyimlər, müxtəlif eksponat suvenirlər, habelə qədim tarixi abidələri, ölkəmizin müasir infrastrukturunu turizm potensialını özündə əks etdirən şəkillər nümayiş etdirilib. Ziyarətçilər, həmçinin Azərbaycanın zəngin mətbəxinin müxtəlif təamlarına, şirniyyatlara içkilərə qonaq ediliblər. Səfirliyin əməkdaşları ölkəmiz, onun iqtisadi, mədəni turizm potensialı barədə ziyarətçilərə geniş məlumat verib, Azərbaycan haqqında müxtəlif kitablar, jurnal bukletlər paylayıblar.

Qeyd edək ki, ölkəmiz bu sərgidə ən iri stendlərdən biri ilə təmsil olunub. Azərbaycanın mədəniyyəti mətbəxi olduqca böyük ziyarətçi marağına səbəb olub. Hər ilin dekabrında keçirilən geniş ictimaiyyətə açıq olan bu sərgi Vaşinqtonun mədəni həyatında ən böyük maraqlı tədbirlərdən hesab olunur. Builki tədbirdə 37 dövlət təmsil olunub sərgini üç min nəfərədək qonaq ziyarət edib.

 

Xalq cəbhəsi.- 2016.- 9 dekabr.- S. 16.