Bolqarıstanın Sozopol şəhərində Azərbaycan mədəniyyəti gecəsi keçirilib

 

Bolqarıstanın ən qədim şəhərlərindən olan Sozopolda Soleil 8-ci Beynəlxalq Frankofoniya Festivalı çərçivəsində Azərbaycan mədəniyyəti gecəsi təşkil edilib.

Azərbaycanın Bolqarıstandakı səfirliyinin təşəbbüsü ilə keçirilən tədbir Xalq Cümhuriyyətinin görkəmli bəstəkar Qara Qarayevin 100 illik yubileylərinə həsr olunub. Mərasimdə Heydər Əliyev Fondunun vitse-prezidenti Leyla Əliyevanın icraçı prodüseri olduğu Əli Nino filmi nümayiş etdirilib, Q.Qarayevin əsərləri səsləndirilib, ölkəmizin tarixi, mədəniyyəti, multikulturalizm ənənələri barədə Bakı müasirlik qədimliyin harmoniyası mövzusunda fotosərgi Azərbaycan milli mətbəxinin ləziz təamları təqdim olunub.

Respublikamızın festivalda iştirakı proqramı çərçivəsində Azərbaycanın Bolqarıstandakı səfiri Nərgiz Qurbanova tərəfindən Sozopol şəhər kitabxanasına ölkəmiz haqqında kitablar bolqar dilinə tərcümə edilmiş Müasir Azərbaycan ədəbiyyatı, Hüseyn Cavidin Maral Şeyda əsərləri, dahi Nizaminin fransız dilinə tərcümə edilmiş əsərləri s. hədiyyə edilib.

Festival çərçivəsində baş tutmuş plenerdə Makedoniya, Rumıniya, Mərakeş, Livan, Belçika, Fransa ilə yanaşı, Azərbaycandan da rəssamlar Bəhruz Kəngərli Bəhram Xəlilov iştirak ediblər. Onların plenerdə yaratdığı əsərlər festivalda nümayiş olunub. Bu əsərlərin, həmçinin Sofiya şəhərində sərgilənməsi nəzərdə tutulur.

Gecənin açılışında çıxış edən səfir Nərgiz Qurbanova müsəlman Şərqində ilk parlament respublikası olan Azərbaycan Xalq Cümhuriyyətinin 100 illik yubileyinin geniş şəkildə qeyd edildiyini, o cümlədən Bolqarıstanda yerli tərəfdaşlarla birgə silsilə tədbirlərin keçirildiyini diqqətə çatdırıb. Səfir deyib ki, cari ildə, həmçinin müsəlman dünyasında ilk opera olan Leyla Məcnunun 110, Azərbaycan milli teatrının 145, kinematoqrafiyasının 120, görkəmli bəstəkar Q.Qarayevin 100 illik yubileyləri keçirilir. Bakı müasirlik qədimliyin harmoniyası adlı fotosərgi, Q.Qarayevin əsərlərindən ibarət konsert, Azərbaycan milli mətbəxinin təqdimatı, Əli Nino filminin nümayişi bütün bu tədbirlərin məqsədi Azərbaycanın dünya mədəniyyəti incəsənətinə töhfələrini nümayiş etdirməkdir.

Daha sonra N.Qurbanova hər tədbir barədə yığcam məlumat verib. Bildirib ki, fotosərgidə Azərbaycan paytaxtının gözəlliyi, qədim tarixi mədəni müxtəlifliyi əksini tapıb. İstedadlı bolqar rəssamı fotoqrafı Tanya Uzunova tərəfindən çəkilmiş fotoşəkillər Bakı onun ətrafının multikultural mühitini əsrarəngiz gözəlliklərini əks etdirir.

Q.Qarayevin yaradıcılığına toxunan səfir görkəmli bəstəkarın zəngin musiqi irsinin məhəbbət mübarizə, sevinc kədər, xəyal gerçəkliyi ifadə etdiyini, onun Birinci Beynəlxalq Los-Anceles Musiqi Festivalına Sovet İttifaqının göndərdiyi iki bəstəkardan biri olduğunu diqqətə çatdırıb. Səfir deyib ki, UNESCO Baş Assambleyasının 39-cu sessiyasının qərarı ilə Q.Qarayevin yubileyi 2018-ci il ərzində ayrı-ayrı ölkələrdə qeyd olunur. Gecədə səsləndirilən əsərlərin əlyazmaları Azərbaycan Dövlət Musiqi Mədəniyyəti Muzeyinin direktoru Alla Bayramova tərəfindən müxtəlif arxivlərdən əldə edilərək kitab halında çap edilib. Diplomat Yeni Bolqarıstan Universitetinin professoru, gənc virtuoz pianoçu Ani Linçevanın ifasında təqdim olunacaq həmin musiqi nümunələrinin qonaqların zövqünü oxşayacağına ümidvar olduğunu deyib.

Əli Nino filmi barədə qonaqlara məlumat verən səfir ekran əsərinin sevgi hekayəsi fonunda Azərbaycan xalqının müstəqillik uğrunda mübarizəsinə həsr olunduğunu söyləyib. Filmin, həmçinin Azərbaycanın qədim tolerantlıq multikulturalizm ənənələri barədə olduğunu vurğulayan səfir ölkəmizin tarixən Şərqlə Qərb arasında müxtəlif mədəniyyətlərin sivilizasiyaların qovuşduğu məkan olduğunu bildirib.

Qeyd edək ki, festival Sozopol şəhərinin ictimai və mədəni həyatında böyük mədəni hadisə kimi, Bolqarıstanda bu qəbildən olan yeganə tədbirdir. Festivalın Bolqarıstan tərəfindən təşkilatçıları Müqəddəs Kliment Oxridski adına Sofiya Universiteti, Dövlət Arxiv Agentliyi, Bolqarıstan Elmlər Akademiyası, Milli QalereyaSozopol İcra Hakimiyyətidir. Tədbirin beynəlxalq təşkilatçıları sırasında Azərbaycan, Belçika, Livan, Mərakeş, Rumıniya, Makedoniya, Fransa, Gürcüstan və İsveçrənin Bolqarıstandakı səfirlikləri yer alır. Festivalın açılışı ilə Sozopolda yay turizm mövsümünün başlandığı elan edilir. Festivalın proqramına sərgi və konsertlər, beynəlxalq elmi seminar, beynəlxalq plener, milli mətbəxlərin dequstasiyası daxildir.

 

Xalq Cəbhəsi.- 2018.- 22 iyun.- S.16.