ABŞ-da Əbədi Ezamiyyət filminin premyerası keçirilib

 

Kaliforniyanın Los-Anceles şəhərində Azərbaycan Demokratik Respublikasının (ADR) 100 illiyinə həsr olunan geniş tədbir keçirilib.

Tədbirdə Heydər ƏliyevFondunun dəstəyilə Bakı Media Mərkəzinin çəkdiyi Arzu Əliyevanın icraçı prodüseri olduğu, 1919-cu ildə Paris Sülh Konfransına göndərilmiş Azərbaycan nümayəndə heyətinin keşməkeşli taleyindən bəhs edən Əbədi Ezamiyyət filmi nümayiş etdirilib.

Los-Ancelesin ən böyük ən qədim kilsələrindən olan İsa Məsihin Sonuncu Gün Müqəddəsləri Kilsəsində keçirdiyi tədbirdə seçkili orqanların nümayəndələri, xarici ölkələrin baş konsulları, müxtəlif icmaların üzvləri, tanınmış elm mədəniyyət xadimləri jurnalistlər iştirak ediblər.

Tədbiri giriş nitqi ilə açan Kilsənin ictimai əlaqələr üzrə direktoru Mət Bol (Matt Ball) qonaqları salamlayaraq, bu cür mühüm tədbirə evsahibliyi etdiklərindən məmnun olduğunu bildirib.

Azərbaycanın Los-Ancelesdəki baş konsulu Los-Anceles Konsulluq Korpusunun duayeni Nəsimi Ağayev çıxışında 100 il əvvəl, 28 may 1918-ci il tarixində Azərbaycan xalqının tarixinin ilk respublikası olan ADR-i yaratdığını bu respublikanın müsəlman dünyasında ilk dünyəvi demokratik dövlət, eləcə qadınlara səsvermə hüququ verən ilk müsəlman ölkəsi kimi tarixə düşdüyünü qeyd edib. Azərbaycanın müstəqillik tarixi haqqında ətraflı məlumat verən baş konsul bu gün Prezident İlham Əliyevin rəhbərliyi altında Azərbaycanın regionun ən güclü iqtisadiyyata malik dövlətinə çevrildiyini, qlobal önəmə malik enerji nəqliyyat layihələri həyata keçirdiyini diqqətə çatdırıb. N.Ağayev Azərbaycanda uzun əsrlərdən bəri dini etnik mənsubiyyətindən asılı olmayaraq hər kəsin sülh, qardaşlıq əmin-amanlıq şəraitində birgə yaşadığını, insanların öz etiqadlarını, adət-ənənələrini sərbəst şəkildə həyata keçirdiklərini bildirib. Əbədi Ezamiyyət filmi haqda məlumat verən N.Ağayev, ilk azərbaycanlı diplomatların Azərbaycanın müstəqilliyinin tanıdılması sahəsində göstərdikləri fədakarlıqları yüksək peşəkarlıqla tamaşaçıya çatdıran bu filmin böyük sənət əsəri olduğunu qeyd edib.

Daha sonra premyarada iştirak etmək üçün Los-Ancelesə gəlmiş Vayominq ştatının senatoru Leland Kristensen (Leland Christensen) çıxış edərək, belə bir yüksək önəmli tədbirdə iştirakından məmnunluğunu bildirib. Azərbaycan-ABŞ dostluğunu tərəfdaşlığını yüksək qiymətləndirdiyini qeyd edən senator Azərbaycanın regionda dünyada mühüm rol oynadığını iki dövlət arasındakı münasibətlərin qarşıdakı illərdə daha da güclənəcəyinə ümid etdiyini bildirib.

Sonra Əbədi Ezamiyyət filmi nümayiş etdirilib. Bu, filmin ABŞ-da ilk nümayişi olub. Film tamaşaçılar tərəfindən böyük maraq sürəkli alqışlarla qarşılanıb.

Nümayişdən sonra tanınmış amerikalı pianoçu, Yuta Universitetinin professoru Suzan Duelmayerin ifasında Azərbaycan musiqisinin nümunələri təqdim olunub. Qonaqlar həmçinin Azərbaycan mətbəxinin ən müxtəlif ləziz təamları ilə tanış olublar.

 

Xalq Cəbhəsi.- 2018.- 13 noyabr.- S.16.