İlham Namiq Kamal - 70

 

 

Dünən Azərbaycanın görkəmili teatr kino aktyoru, Xalq artisti, “Şöhrət” ordenli sevimli gülüş ustası İlham Namiq Kamalın 70 yaşı tamam olur.

Ömrünün yarım əsrdən çoxunu teatr sənətinə bağlayan İlham Namiq Kamal 9 yanvar 1949-cu ildə Bakıda doğulub. O, 1966-1970-ci illərdə Azərbaycan Dövlət İncəsənət İnstitutunun "Dram-kino aktyorluğu” fakültəsində təhsil alıb. Tələbə vaxtı Molyerin "Jorj Danden” komediyasında baş qəhrəman rolunu uğurla ifa etdiyindən onu institutun Tədris Teatrının aktyor truppasına qəbul ediblər. 1972-ci ildə Akademik Milli Dram Teatrına dəvət alan aktyor bu səhnədə Müsyö Jordan ("Müsyö Jordan Dərviş Məstəli şah”), Sarı Qarayev ("Varlı qadın”), Zaman müəllim ("Bu dünyanın adamları”), Gülən adam ("Hərənin öz payı”), Kişi ("Mənim ərim dəlidir”), doktor Qaratay ("Afət”) kimi rollarda çıxış edib. 1989-cu ildən Dövlət Gənclər Teatrında çalışan İlham Əhmədov burada Məsuliyyətsiz ("Çarəsiz sərnişinlər”), Dadaşbala ("Dadaşbala əməliyyatı”), Sultanqulu ("Sultanqulu körpüsü”), Kələntər ("Dağ tikirik”), Daniel ("Arvadımın qatili”), Kazbek ("Arvadımın əri özüməm”) kimi baş rolların ifaçısı olub.

İlham Əhmədov Azərbaycan Dövlət Musiqili Teatrında E.Mansurov G.Xuqayevin “Sevgilimin anası” (Albadam), F.Qarayev E. de Flipponun ”Filumeno Marturano” (Dominisko Soriano), O.Rəcəbov A.Babayevin “Şeytanın yubileyi” (Meydan), R.Mirişli M.Haqverdiyevin “Qısqanc ürəklər” (polkovnik Mikayıl), F.Sücəddinov T.Vəliyevanın “Mən dəyərəm min cavana” (İbad İbadov), M.Məmmədovun “Matəm marşı ya gözünüz aydın” (Əhmədağa), E.Sabitoğlu T.Vəliyevanın “Bankir adaxlı” (Atakişi), R.Mirişli M.Haqverdiyevin “Amerikalı kürəkən” (Orxan), Ü.Hacıbəylinin “Ər arvad” (Mərcan), E.Sabitoğlu C.Məmmədovun “www. ferzeli-kef.com” (Fərzəli), R.Hacıyevin “Qafqazlı qardaşqızı” (Bəbirli) tamaşalarında özünəməxsus rollar yaradıb. Peşəkar aktyor həm “Şeytanın yubileyi” “Amerikalı kürəkən” əsərlərinə quruluş verib.

"Azərbaycanfilm”in istehsal etdiyi ekran əsərlərində, onlarca televiziya verilişində satirik obrazlarda, "Mozalan” satirik kinojurnalında yüzə yaxın bədii süjetdə uğurla çıxış edən aktyor tamaşaçıların sevimlisinə çevrilib.

O, 1997-ci ildən pedaqoji fəaliyyətlə məşğuldur. Azərbaycan Dövlət Mədəniyyət İncəsənət Universitetində kafedra müdiri, professordur. 1982-ci ildə Azərbaycan Respublikasının Əməkdar artisti, 2002-ci ildə Xalq artisti fəxri adları ilə təltif olunub. 2000-ci ildə "Qızıl Dərviş” mükafatına, 2013-cü ildə “Şöhrət” ordeninə layiq görülüb. 2012-ci ildən Prezident təqaüdçüsüdür.

Azərbaycan Dövlət Musiqili Teatrının kollektivi şöhrətli aktyoru 70 illik yubileyi münasibətilə təbrik edir, ona can sağlığı, yeni yaradıcılıq uğurları arzulayır.

 

Xalq Cəbhəsi.- 2019.- 11 yanvar.- S.16.