Ukraynada yaşayan Azərbaycanlı gənclərin
1-ci Forumu keçirilmişdir
Ukrayna Azərbaycanlıları Konqresinin Dnepropetrovsk
vilayət təşkilatının təşəbbüsü
ilə Dnepropetrovsk şəhərində Ukraynada yaşayan Azərbaycanlı
gənclərin 1-ci Forumu keçirilib. Ukraynanın 27 vilayət
və şəhərlərindən 700-dən çox gəncin
qatıldığı foruma Azərbaycan və Ukraynanın
dövlət himnlərinin sədaları altında start
verilib. Forumda Ukrayna Azərbaycanlıları Konqresinin sədri
Akif Gülməmmədov, Diasporla iş üzrə Dövlət
Komitəsinin nümayəndəsi Ruslan Quliyev , Dnepropetrovsk
şəhərinin meri İvan Kuliçenko, Dnepropetrovsk vilayət
radasının deputatları və rəsmiləri
çıxış edərək Ukraynada böyüyüb
boya-başa çatan Azərbaycanlı gənclərin 1 ci
Forumunun Dnepropetrovsk şəhərində keçirilməsini
tarixi hadisə adlandırıblar. Azərbaycan və
Ukraynanın milli mənəvi dəyərlərini özlərində
birləşdirən gənclərə gələcək
işlərində böyük uğurlar arzulayıblar.
Forumda təməli ulu
öndər Heydər Əliyev tərəfindən qoyulmuş
Dünya Azərbaycan Diasporunun inkişaf tarixindən söz
açan UAK-ın Dnepropetrovsk vilayət təşkilatının
sədri Qüdrət Hacıyev sədr müavinləri Nadir
Zeynalzadə, Eldar Tağıyev, Qadınlar cəmiyyətinin
sədri Şahnaz Əliyeva və digər natiqlər
xalqımızın qədim adət ənənələrinin
zəngin tarixinin və mədəniyyətinin Ukraynada təbliğ
olunmasında o cümlədən Azərbaycan həqiqətlərinin
dünya ictimaiyyətinə çatdırılmasında
Ukraynada yaşayan gənclərin üzərinə düşən
vəzifələrdən danışdılar və milli məfkurə
altında bir araya gələn azərbaycanlı gənclərə
sarsılmaz birlik və həmrəylik arzuladılar. Qeyd olundu
ki, belə bir tarixi forumun keçirilməsi uzun illər
Ukraynada doğulub boya- başa çatan azərbaycanlı gənclərin
vahid amal ətrafında birləşmələrində
onların Ukraynanın ictimai, mədəni, sosial-iqtisadi, elmi və
siyasi həyatına o cümlədən dövlət və
hakimiyyət orqanlarına inteqrasiya olunmalarında ən əsası
isə Azərbaycanla Ukrayna arasındakı tarixi dostluq əlaqələrinin
möhkəmləndirilməsində müstəsna rol
oynayacaq.
Forumda Kiyev şəhərindəki
Heydər Əliyev adına Sosial Elmlər və Beynəlxalq Əlaqələr
İnstitutunun məzunu, Ukrayna MEA-nın aspirantı Anar Tahirov
çıxış edərək dahi Heydər Əliyevin 50
milyonluq Azərbaycan dünyasına ərməğan qoyub
getdiyi sarsılmaz və qüdrətli Azərbaycan dövlətinin
daha da inkşaf etdirilməsində, onun ölməz
ideyalarının həyata keçirilməsində hər bir
azərbaycanlı gəncin üzərinə düşən
tarixi misiyadan danışdı. Bu gün dahi Heydər Əliyevin
siyasi kursunu layiqincə davam etdirərək Azərbaycanı
beynəlxalq arenada qüdrətli nüfuz sahibinə
çevirən möhtərəm Prezidentimiz İlham Əliyevin
istər vətənimizin inkişafında istərsədə
Dağlıq Qarabağ probleminin həlli istiqamətində
yürütdüyü prinsipal mövqeyi xaricdə yaşayan
biz azərbaycanlı gənclərin qürur və fəxarət
mənbəyinə çevrilməlidir. Bu baxımdan Ukraynada
yaşayan 10 minlərlə gənc öz üzərlərinə
düşən tarixi missiyanın məsuliyyətini hiss etməli,
tarixi vətənimizə olan övladlıq borcunu vermək
üçün əlindən gələni əsirgəməməlidir.
Biz Ukraynada özümüzü yüksək əxlaqi dəyərlərə
malik azərbaycanlı kimi təsdiq etməli, qloballaşan
dünyanın ümumbəşəri dəyərlərini dərindən
mənimsəməli, bu istiqamətdə yüksək birlik və
həmrəylik nümayiş etdirməklə Azərbaycanın
beynəlxalq imicinə xələl gətirməyə
çalışan mənfur erməni ideologiyasına
qarşı mübarizədə bütün
gücümüzü səfərbər etməliyik. Özümüzü
hər zaman Azərbaycanın sıravi əsgərləri hiss
etməklə ana vətənimizə olan övladlıq
bocumuzu yerinə yetirməliyik. Ermənilərin ideoloji təxribatlarına
cavab vermək üçün təklif edirəm ki, hər il
24 aprel tarixi Ukraynada yaşayan azərbaycanlı gənclərin
həmrəylik günü elan olunsun.
Forumda Dnepropetrovsk şəhərindən
Fazilə Zeynalzadə , Elza Bəkirova, Kiyev şəhərindən
Cavid Hüseynzadə, Ayaz Salmanov, Krım Muxtar
Respublikasından Firudin Orucov, Donetsk şəhərindən
Razim Əhmədov, Pərviz Rzayev, Zaporoje vilayətindən
Turxan Seyidov Nikoloyev vilayətindən Fatimə Ağayeva və
başqaları çıxış edərək belə bir
tarixi forumun təşkil olunmasına görə UAK-ın
Dnepropetrovsk vilayət təşkilatının rəhbərliyinə
minnətdarlıqlarını bildirdilər. Ukraynada yaşayan
azərbaycanlı gənclərin vahid mərkəz ətrafında
birləşməsi üçün gənclərin Əlaqələndirmə
Şurasının yardılmasının vacib amil olduğunu
bildirdilər.
Forumda Ukraynada yaşayan
azərbaycanlı Gənclərin Əlaqələndirmə
Şurası yaradıldı və Heydər Əliyev adına
Sosial Elmlər və Beynəlxalq Əlaqələr İnstitutunun
məzunu, Ukrayna MEA-nın aspirantı Anar Tahirov Ümumukrayna
Azərbaycanlı Gənclərin Əlaqələndirmə
Şurasının sədri seçildi. 24 aperlin Ukraynada
yaşayan azərbaycanlı gənclərin həmrəylik
günü kimi qeyd olunmasına dair qərar qəbul edildi.
Rəsmi hissənin
sonunda forum iştirakçıları adından Azərbaycan
və Ukrayna prezidentlərinə müraciət qəbul edildi.
Tədbir rəngarəng konsert proqramı ilə başa
çatdı.
İbrahim Ömərov,
Möhsün Qədiroğlu,
Kiyev
Xalq qəzeti.- 2010.- 27 aprel.- S. 6.