OperaBalet Teatrının gənc solisti Çinarə Şirinovanın Türkiyədə keçirilən Beynəlxalq opera festivalında uğurlu çıxışları

 

    Azərbaycan Dövlət Akademik OperaBalet Teatrının mətbuat xidmətindən aldığımız məlumata görə, "Türksoy" xətti ilə Türkiyədə hər il Beynəlxalq opera sənəti festivalı keçirilir. Bu il həmin festival iyunun 6-dan 14-nə kimi Türkiyənin MersinKiprin Qirnə şəhərlərində keçirilmişdir.

 

    Festivalda Azərbaycan opera sənətini teatrın gənc və istedadlı solisti Çinarə Şirinova təmsil etmişdir. Azərbaycan təmsilçisi ilə yanaşı bu festivalda Türkiyə, Qazaxıstan, Özbəkistan, Qırğızıstan, Tatarıstan, Başkırsdan, Xakasiya, QağauziyaŞimali Kiprin opera teatrlarının aparıcı solistləri də iştirak etmişlər.

    Festivalın açılışı günü Çinarə Şirinova Mersin simfonik orkestrinin rəhbərliyi ilə P.Maskaninin "Kənd namusu" operasından Santutsanın ariyasını ifa etmişdir. Onun çıxışı tamaşaçıların sürəkli alqışları və "bravo!" sədaları ilə müşayiət olunmuşdur.

    Qirnə şəhərində keçirilən konsertdə isə Şirinova klassik operalardan parçalarla yanaşı, Üzeyir Hacıbəylinin "Arşın mal alan" operettasından Gülçöhrənin ariyasını ifa etmişdir. Onun festivaldakı çıxışı çox böyük uğurla keçmiş və konsertdə iştirak edən İstanbul, Mersin, İzmir və Ankaranın opera teatrlarının nümayəndələri Çinarəni öz teatrlarına qastrola dəvət etmişlər.

    Çinarə Şirinovanın çıxışı "Türksoy"un baş katibi Düsen Kaseyinov tərəfindən də yüksək qiymətləndirilmişdir.

 

 

    A.ÜLVİ

 

   Xalq qəzeti.- 2010.- 19 iyun.- S. 8.