Naxçıvan
dinamik inkişaf yolunda
Naxçıvan Muxtar Respublikasında son 15 ildə
həyata keçirilən çoxşaxəli quruculuq tədbirləri
bütün istiqamətlərdə əsaslı nailiyyətlərin
əldə olunmasını təmin etmişdir. Məhz bu
baxımdan son 15 il muxtar respublikanın müasir tarixinin intibah
mərhələsi kimi yaddaşlara həkk olunmaqdadır. Təbii
ehtiyatların və istehsal imkanlarının səfərbər
edilməsi ilə iqtisadi və sosial inkişafda yeni uğurlu
nəticələr əldə edilməkdədir.
Həyata keçirilən quruculuq tədbirlərini ölkə Prezidenti İlham Əliyev yüksək qiymətləndirərək demişdir: "Naxçıvanda çox geniş quruculuq, abadlıq işləri aparılır, şəhər gözəlləşir, yeni-yeni binalar tikilir, köhnə binalar təmir edilir. Bir sözlə, hər bir Naxçıvan sakini əldə edilmiş bu uğurlarla fəxr edə bilər".
Bu gün muxtar respublikada müşahidə edilən irimiqyaslı quruculuq işlərinin, iqtisadiyyata sürətli investisiya qoyuluşlarının təməlində uzun dövr üçün əsası qoyulmuş makroiqtisadi sabitlik və davamlı inkişaf dayanmaqdadır ki, bu da ilk növbədə səmərəli idarəetmənin nəticəsidir.
Son 15 il ərzində əsas kapitala 2 milyard manata
yaxın həcmdə investisiya yönəldilmişdir.
Ötən dövr ərzində muxtar respublikanın
paytaxtı Naxçıvan şəhərində, rayon mərkəzlərində,
qəsəbə və kəndlərdə aparılan geniş
tikinti-quraşdırma, abadlaşdırma işləri,
yolların və körpülərin tikintisi, təmiri muxtar
respublikanın simasını gözəlləşdirməklə
yanaşı, onun inkişafının təcəssümünə
çevrilmişdir. 2010-cu il ərzində əsas
kapitala yönəldilən investisiyaların həcmi 1995-ci ildəki
müvafiq göstəricini 164 dəfə üstələyərək,
501 milyon 105 min manatdan çox olmuşdur.
1995-ci ildən 2011-ci ilədək bütün maliyyə
mənbələrindən əsas kapitala yönəldilmiş
investisiyanın həcmi 2 milyard manata yaxın olmuşdur. Bu investisiyanın sərfi nəticəsində
ötən dövr ərzində 393 inzibati bina, mənzil-kommunal
təsərrüfatı sahəsində 593 obyekt, 153 nasos
stansiyası, 356 subartezian quyusu, 119 körpü, rabitə və
informasiya texnologiyaları sahəsində 260 obyekt və
qurğu, 2110 müxtəlif güclü transformator
yarımstansiyası tikilib işə
salınmışdır. 45 məişət evi və ticarət
mərkəzi, 231 elm və təhsil müəssisəsi, 272 mədəniyyət
müəssisəsi, 173 səhiyyə müəssisəsi, 33
idman obyekti, 312 halda su, kanalizasiya və drenaj xətləri, əlil,
məcburi köçkün, qaçqın, şəhid ailələri
və təbii fəlakətdən zərər çəkmiş
ailələr üçün 457 fərdi ev, 3394 istehsal, xidmət
və digər bu kimi infranstruktur obyektləri istifadəyə
verilmişdir.
Dövlət idarəetməsinin səmərəli təşkili
prosesinin mühüm elementi qismində inzibati binaların
inşası və yenidən qurulması ötən dövr ərzində
də diqqət mərkəzində saxlanılmış və
ümumilikdə 393 inzibati bina inşa olunmuşdur. Kəndlərin, qəsəbələrin
ictimai tərəqqisi, bu yaşayış məntəqələrində
mərkəzlə paralel infrastruktur quruculuğu tədbirlərinə
son 15 il ərzində xüsusi diqqət
yetirilmişdir. Əhaliyə göstərilən xidmətin səviyyəsini
yaxşılaşdırmaq, bu sahədə idarəetməni səmərəliləşdirmək
məqsədilə 52 kənd mərkəzi, 3 qəsəbə
mərkəzi, o cümlədən 2010-cu ildə 9 kənd mərkəzi
istifadəyə verilmişdir.
Hərbi
quruculuq məsələləri prioritet istiqamət kimi
saxlanılmaqla, muxtar respublikanın etibarlı müdafiə təminatı
ilə bağlı ardıcıl olaraq sistemli tədbirlər
müəyyənləşdirilib həyata keçirilmiş və
son 15 il ərzində bu sahədə 146
obyekt istifadəyə verilmişdir.
Muxtar respublikada mənzil-kommunnal təsərrüfatı
sektorunda xidmətlərin səviyyəsinin müasir
standartlara uyğunlaşdırılması, kommunal xidmətlər
sahəsində restrukturizasiya tədbirlərinin sürətləndirilməsi,
mövcud istilik sistemlərinin bərpası, modernləşdirilməsi
və yenidən qurulması, etibarlı su təchizatının
təşkili, su və kanalizasiya sistemlərinin yenilənməsi
üzrə mobil mexanizmlər
formalaşdırılmışdır. Son dörd ildə muxtar
respublikada 284 yaşayış binasında tikinti, yenidənqurma
və bərpa işləri aparılmış, 301
yaşayış binasında istilik xətnləri yeniləri
ilə əvəzlənmiş, 35 lift
qunraşdırılmışdır. Yaşayış
mənzillərində dövnlət vəsaiti hesabına
daxili istilik xətlərinin çəkilişi və vətəndaşlardan
hər hansı bir ödəniş tələb olunmadan panel
randiatorların quraşdırılması prosesi davam etdirilməkdədir.
Əhalinin istifadə etdiyi suyun ekoloji cəhətdən
təmizliyini yaxşılaşdırmaq məqsədilə
Araz çayının suyundan istifadə edən
yaşayış məntəqələrində 6 ədəd
modul tipli sutəmizləyici qurğu istifadəyə
verilmişdir.
Hazırda Azərbaycan hökuməti ilə
Asiya İnkişaf Bankı arasında bağlanmış
kredit sazişinə uyğun olaraq "Şəhər su təchizatı
və kanalizasiya layihəsi" çərçivəsində
Naxçıvan şəhərinə su çəkilişi
davam etdirilməkdədir.
Muxtar respublikada aqrar sektorun innkişafında
mühüm element kimi soyuducu anbarların yaradılması
işi üstün istiqamət almışdır. Bu anbarlar bir tərəfdən
istehsal olunan məhsulların satışı ilə əlaqədar
meydana çıxan problemləri aradan qaldırmaqla meyvə-tərəvəzin
yetişdirilməsinə marağı artırırsa, digər
tərəfdən əhalinin ilboyu keyfiyyətli yerli məhsullarla
təminatına imkan verir. Qeyd olunan amillər nəzərə
alınaraq son dövrlər ərzində ümumi tutumu 7 min
920 ton olan 12 soyuducu anbar istifadəyə verilmişdir.
Ötən
dövr ərzində məhsul istehsalçılarının
taxıl tədarükü zamanı rastlaşdıqları problemləri
aradan qaldırmaq məqsədilə tutumu 18 min ton
taxılı uzun müddətə, 20 min ton taxılı isə
qısa müddətə saxlamaq gücünə malik
Naxçıvan Muxtar Respublikası Taxıl Ehtiyatı
Anbarı yaradılmışdır. Bu dövr ərzində
ümumilikdə 25 un dəyirmanı istifadəyə
verilmişdir.
Muxtar respublikada suvarma əkinçiliyinin geniş
yayılması meliorasiya-irriqasiya sistemlərinin davamlı
olaraq təkmilləşdirilməsini və yeniləşdirilməsini
tələb edir. Son 15 ildə bu sahədə tədbirlər
intensivləşdirilmiş, Heydər Əliyev Su Anbarı tikilmiş,
Arpaçay Su Anbarı isə yenidən qurulmuşdur. Bu dövr ərzində 153 nasos stansiyası, 356
subartezian quyusu istifadəyə verilmişdir.
Muxtar respublikada nəqliyyat kompleksinin inkişafı templərinin
yüksəldilməsi məqsədilə yeni nəqliyyat
texnikası və texnologiyalarının istifadəyə cəlb
edilməsi, nəqliyyat sisteminin əlverişliliyinin və təhlükəsizliyinin
təmin olunması, şəhər nəqliyyatı işinin
müasir standartlar səviyyəsinə
çatdırılması istiqamətində mühüm tədbirlər
həyata keçirilməkdədir. Bu dövr ərzində
muxtar respublikada 2934 kilometr uzunluğunda avtomobil yolları və
119 körpü salınmışdır.
Muxtar respublikada informasiya cəmiyyətinə keçid
və elektron hökumətin formalaşdırılması
sosial-iqtisadi tərəqqinnin sürətləndirilməsi
üçün zəruri məsələlərdən birinə
çevrilmişdir. Bu baxımdan inkişaf etmiş informasiya
və kommunikasiya infrastrukturunun yaradılması istiqamətində
mühüm tədbir sayılan optik kabel magistrallarının
tikintisi işi böyük tutumlu və keyfiyyətli rabitə
əlaqəsinin həyata keçirilməsinə geniş
imkanlar yaratmışdır. Ötən 15 il ərzində rabitə və informasiya
texnologiyaları sahəsində 260 obyekt və qurğu istifadəyə
verilmişdir.
Muxtar respublikanın elektroenergetika sahəsində də
genişmiqyaslı yenidənqurma tədbirləri həyata
keçirilir.
Belə ki, bu dövr ərzində ümumi gücü 87 mVt
olan Modul Elektrik Stansiyasınnın, 22 mVt olan Biləv Su
Elektrik Stansiyasının və ümumi gücü 4,5 mVt olan
Heydər Əliyev Su Anbarı üzərində Elektrik
Stansiyasının tikintisi, ümumi gücü 60 mVt olan
Naxçıvan Qaz Turbin Elektrik Stansiyasının yenidən
qurulması başa çatdırılmışdır. 1995-ci ildən 2011-ci ilədək olan dövrdə
ümumilikdə muxtar respublikada 2110 transformator
yarımstansiyası quraşdırılmışdır.
Enerji təhlükəsizliyini təmin edən
mühüm faktorlardan biri də muxtar respublikanın təbii
qazla tam təmin olunmasıdır. Ötən dövr ərzində təbii
qaz təminatının bərpası layihəsi çərçivəsində
muxtar respublika üzrə əhali təsərrüfatlarına
qaz çəkilişi prosesi başa
çatdırılmış, 1 yanvar 2011-ci il
tarixə 78 min 157 əhali abonenti təbii qazla təmin
olunmuşdur.
Əhalinin yaşayış standartlarının daha da
yüksəldilməsi məqsədilə məişət və
ticarət xidmətinin səviyyəsi hazırda ardıcıl
olaraq təkmilləşdirilməkdədir. Bu istiqamətdə
reallaşdırılan tədbirlərə uyğun olaraq, son
üç ildə 45 məişət evi və ticarət mərkəzi
inşa olunmuşdur.
Elmin sürətli yüksəlişi, bu məqsədlə
müvafiq bazanın yaradılması, elmi potensialın
formalaşdırılması və bu əsasda yüksək səmərəliliyə
nail olunması muxtar respublikada dövlət siyasətinin
mühüm istiqamətlərindəndir. Ali təhsil ocaqlarının
və elmi-tədqiqat mərkəzlərinin tikintisi də diqqət
mərkəzində saxlanılmış və son 15 il ərzində muxtar respublikada 17 elmi-tədqiqat
mərkəzinin və ali təhsil ocağının
inşası başa çatdırılmışdır.
Muxtar respublikada yeni məktəblərin inşası,
onların texniki və kadr təminatının
yaxşılaşdırılması, təhsil müəssisələrinin
informasiya-kommunikasiya texnologiyaları üzrə maddi-texniki
bazasının təkmilləşdirilməsi, kompyuter
avadanlığı və digər zəruri rəqəmsal
avadanlıqlarla təminatının
yaxşılaşdırılması istiqamətlərində
mühüm işlər görülmüşdür. Təkcə son 15 il ərzində muxtar respublikada 168 ümumtəhsil
məktəbi istifadəyə verilmişdir.
Gənc nəslin hərtərəfli inkişafı və
dünyagörüşünün formalaşmasında musiqi məktəblərinin,
məktəbəqədər və məktəbdənkənar
tədris müəssisələrin də rolu
böyükdür. Bu baxımdan ümumtəhsil məktəbləri ilə
yanaşı, musiqi məktəbləri, uşaq
bağçaları və məktəbdənkənar təhsil
müəssisələrinin normal fəaliyyəti
üçün yeni binaların inşası diqqət mərkəzində
saxlanılmış və ötən dövr ərzində
43 musiqi məktəbi, məktəbəqədər və məktəbdənkənar
tədris müəssisəsi istifadəyə verilmişdir.
Muxtar
respublikada tarixi-mədəni irsin qorunması və mədəni
potensialın daha da inkişaf etdirilməsinə xüsusi diqqət
yetirilmiş və ötən 15 il ərzində
272 mədəniyyət obyekti həyata vəsiqə
almışdır.
Muxtar respublikada əhalinin sağlamlığının
qorunması, tibbi xidmətin keyfiyyətinin daha da
yaxşılaşdırılması, yeni səhiyyə müəssisələrinin
istifadəyə verilməsi həyata keçirilən sosial
siyasətin mühüm istiqamətlərindən biridir. Ötən 15 il ərzində 173 səhiyyə obyekti inşa
olunaraq əhalinin istifadəsinə verilmişdir.
Muxtar
respublikada bədən tərbiyəsi və idman insanlarda
sağlam həyat tərzinin təmin edilməsində, gənclərin
fiziki və mənəvi cəhətdən
sağlamlığının qorumasında və onların
asudə vaxtlarının səmərəli keçirilməsində
mühüm bir vasitə kimi həmişə diqqət mərkəzində
saxlanılmış və ötən 15 il ərzində 33
idman obyekti tikilərək istifadəyə verilmişdir.
Muxtar
respublikada məhkəmə hakimiyyəti orqanlarının və
güc strukturlarının iş şəraitinin, müvafiq
infrastrukturlarının təkmilləşdirilməsi müntəzəm
xarakter almış və bu sahədə son 15 ildə 87
inzibati bina inşa olunmuşdur.
Əhalinin maddi-rifah halının
yaxşılaşması fərdi yaşayış evlərinin
tikintisi üzrə müsbət meyilli dinamikanın güclənməsinə
öz müsbət təsirini göstərmişdir. Ötən 15 il ərzində muxtar respublikada əhalinin
şəxsi vəsaiti hesabına ümumilikdə 822 min
kvadratmetr yaşayış sahəsi tikilmişdir.
Aparılan
məqsədyönlü tədbirlər muxtar respublikada yeni
iş yerlərinin yaradılmasına və rifahın
davamlı yüksəlişinə əsaslı zəmin
yaratmışdır. 2010-cu ildə muxtar respublikada tikinti
sektorunda çalışan işçilərin sayı
1995-ci illə müqayisədə 3 dəfə artaraq 11,2 min nəfər təşkil etmişdir. Bu dövr ərzində bir işçiyə
hesablanmış orta aylıq əməkhaqqının məbləği
379 manata çatmışdır ki, bu da 1995-ci illə
müqayisədə 33 dəfə çoxdur.
Ötən
15 il üzrə inşaat işlərinin və
investisiya qoyuluşlarının yüksək dinamikası bir
daha sübut edir ki, muxtar respublika sürətli inkişaf
tempini qoruyub saxlamaq üçün bütün potensial
imkanlarını səfərbər edir, daha uğurlu nəticələrə
və yeni-yeni nailiyyətlərə doğru inamla irəliləyir.
2010-cu
ilin yanvar-mart ayları ilə müqayisədə bu ilin I
rübündə muxtar respublikada ümumi daxili məhsulun həcmi
59,3 faiz artaraq 323 milyon 921 min 400 manata, onun hər bir nəfərə
düşən həcmi isə 60,5 faizlik artımla 787,9 manata
çatmışdır.
Sənaye sahəsində həyata keçirilən
çoxşaxəli islahatlar, yeni müəssisələrin
yaradılması, rəqabətədavamlı və
ixracyönümlü sənaye məhsullarının
istehsalının dəstəklənməsi işi cari ilin əvvəlindən
də intensiv xarakterli olmuşdur. Bu sektorda aparılan uğurlu
islahatların nəticəsidir ki, 2011-ci ilin yanvar-mart
ayları ərzində sənaye məhsulu istehsalının
dinamik artımı davam etmiş və 152 milyon 890 min
manatlıq məhsul istehsal edilmişdir.Bu da bir il öncəki
səviyyəni 2,1 dəfə üstələyir. Sənaye
istehsalının 94,8 faizi malların, 5,2
faizi isə xidmətlərin payına
düşmüşdür. Sənayenin dövlət sektorunda
13 milyon 448 min manatlıq, qeyri-dövlət sektorunda isə 139
milyon 442 min manatlıq məhsul istehsal olunmuşdur. İstehsal olunan sənaye məhsulunun 91 faizi özəl
sektorun payına düşmüşdür.
2011-ci
ilin yanvar-mart ayları ərzində muxtar respublikada
bütün maliyyə mənbələri hesabına əsas
kapitala 187 milyon 239 min manat həcmində investisiya yönəldilmişdir
ki, bu da 2010-cu ilin müvafiq dövründəki göstəricidən
2,4 dəfə çoxdur. İnvestisiya
qoyuluşlarının 157 milyon 819 min manatı və ya 84,3 faizi tikinti-quraşdırma işlərində
istifadə edilmişdir.
Əvvəlki
dövrlərdə olduğu kimi cari ilin yanvar-mart aylarında
da bitkiçiliyin inkişafı diqqət mərkəzində
saxlanılmış, bank və kredit təşkilatları tərəfindən
istehsalçılara 1 milyon 240 min manatdan çox kredit
verilmişdir. Verilmiş kreditlərin 80 min manatı
taxılçılığın, 1 milyon 133 min manatı
kartofçuluğun, 27 min 800 manatı isə şəkər
çuğunduru sahəsinin inkişafına yönəldilmişdir.
Ötən
rüb ərzində 2011-ci ilin məhsulu üçün 2
min 513 hektar sahədə yazlıq əkin
aparılmışdır ki, bu da 2010-cu ilin müvafiq
dövründə əkilmiş 1 min 951 hektar sahədən
562 hektar və ya 29 faiz çoxdur. 2011-ci ilin yanvar-mart
aylarında 762 hektar sahədə taxıl, 177 hektar sahədə
dənli paxlalılar, 205,3 hektar sahədə şəkər
çuğunduru, 3 hektar sahədə dən üçün
günəbaxan, 727,2 hektar sahədə kartof, 289 hektar sahədə
tərəvəz, 115,5 hektar sahədə ərzaq
üçün bostan bitkiləri, 207,5 hektar sahədə cari
ilin çoxillik otları, 27 hektar sahədə birillik otlar əkilmişdir.
2010-cu ilin yanvar-mart ayları ilə müqayisədə
taxıl əkini sahəsi 46 faiz, dənli paxlalıların əkini
sahəsi 11,3 faiz, şəkər çuğunduru əkini
sahəsi 2,3 dəfə, kartof əkini sahəsi 2 faiz, tərəvəz
əkini sahəsi 15,2 faiz, ərzaq üçün bostan
bitkilərinin əkini sahəsi isə 5 dəfə
artmışdır.
Əkinçiliyin dinamik inkişaf etdirilməsi
üçün məhsul istehsalçılarının
müasir texnika və mineral gübrələrlə
vaxtında təchiz edilməsi zəruridir. 2011-ci ilin ilk rübü ərzində
"Naxçıvan Aqrolizinq" Açıq Səhmdar Cəmiyyətinin
xətti ilə məhsul istehsalçılarına ümumi dəyəri
1 milyon 376 min manatdan çox olan 3 min 720 tona yaxın mineral
gübrə paylanmışdır. Bundan
başqa, 50 ədədi 2011-ci ilin yanvar-mart aylarında olmaqla
cəmi 627 müxtəlif təyinatlı kənd təsərrüfatı
texnikası alınaraq muxtar respublikaya gətirilmişdir.
Təkcə 2011-ci ilin yanvar-mart aylarında əvvəlki
dövrlərdə gətirilənlər də nəzərə
alınmaqla cəmi maşın və mexanizmlərdən 97-si
lizinq yolu ilə istehsalçılara verilmişdir. 1
aprel 2011-ci il tarixə muxtar respublikanın bütün təsərrüfat
kateqoriyalarında qaramalın sayı 107 min 498 baş, qoyun və
keçilərin sayı isə 653 min 136 baş olmuşdur ki,
bu da müvafiq olaraq 1 aprel 2010-cu il tarixə olan göstəriciləri
1,6 və 1,7 faiz üstələmişdir. Müqayisə
üçün qeyd etmək olar ki, 1 yanvar 1989-cu ildə
muxtar respublikamızda saxlanılan qaramalın baş sayı
77 min 301 baş, xırdabuynuzlu heyvanların baş sayı isə
304 min 405 baş səviyyəsində idi.
Heyvandarlıqda məhsuldarlığın yüksəldilməsi,
mal-qaranın cins tərkibinin
yaxşılaşdırılması və damazlıq
işinin inkişafı cari ilin ilk rübü ərzində də
davam etdirilmiş və 540 baş cins mal-qara gətirilərək
lizinq yolu ilə fermerlərə verilmişdir.
2011-ci
ilin yanvar-mart aylarında ötən ilin müvafiq
dövrü ilə müqayisədə ət istehsalı 4
faiz artaraq 4914 tona, süd istehsalı isə 2 faiz artaraq 11411
tona çatmışdır.
Muxtar respublikada sahibkarlıq subyektlərinə səmərəli
maliyyə dəstəyinin göstərilməsi mexanizmi
formalaşdırılmışdır. 2011-ci ilin yanvar-mart
aylarında bank və kredit təşkilatları tərəfindən
sahibkarlara keçən ilin müvafiq dövrü ilə
müqayisədə 30 faiz çox, yəni 12 milyon 153 min
manatdan artıq güzəştli kreditlərin verilməsi təmin
olunmuşdur ki, bu da sosial-iqtisadi inkişafa yeni müsbət
meyilli impulslar qazandırmaqdadır.
İlin əvvəlindən icra olunan kredit
qoyuluşları zamanı iqtisadi fəaliyyətin
bütün sahələri diqqət mərkəzində
saxlanılmışdır. 2011-ci ilin yanvar-mart aylarında verilən
kreditlərin 2 milyon 555 min manatı sənayenin, 44 min
manatı tikinti sektorunun, 3 milyon 236 min manatı kənd təsərrüfatının,
6 milyon 318 min manatı isə ticarət, nəqliyyat, maliyyə
fəaliyyəti, kommunal və digər xidmət sahələrinin
inkişafına yönəldilmişdir.
Yerli
istehsalın gücləndirilməsinə yönəldilmiş
kompleks islahatların səmərəli nəticəsidir ki, bu
gün muxtar respublikada 109 növdə, 320 çeşiddə ərzaq,
185 növdə, 462 çeşiddə qeyri-ərzaq olmaqla, cəmi
294 növdə, 782 çeşiddə məhsul istehsal olunur.
İstehsal olunan 89 növdə ərzaq, 159 növdə qeyri-ərzaq
olmaqla, cəmi 248 növdə məhsula olan tələbat
tamamilə yerli istehsal hesabına ödənilir.
Səmərəli
məşğulluğun təşkili istiqamətində
reallaşdırılan məqsədyönlü tədbirlər
öz müsbət nəticəsini vermiş və yüksək
əməkhaqqı göstəricilərinə malik yeni iş
yerlərinin yaradılması üzrə müsbət dinamika
təmin olunmuşdur. 2003-cü il oktyabr ayının 1-dən
2011-ci ilin aprel ayının 1-dək muxtar respublikada 46220 yeni
iş yeri yaradılmışdır ki, onun da 30645-i və ya
66,3 faizi daimi iş yerləridir. 2011-ci ilin
yanvar-mart aylarında açılmış 849 yeni iş
yerinin isə 675-i və ya 79,5 faizi daimi
iş yerlərinin payına düşür.
Məqalə
Naxçıvan Muxtar Respublikası Dövlət Statistika Komitəsinin
materialları əsasında hazırlanmışdır
Xalq qəzeti.- 2011.- 25 may.- S. 3.