Diaspor quruculuğuna
dövlət qayğısı
Bu günlərdə Bakıda
keçirilmiş Dünya Azərbaycanlı Gənclər
Birliyinin təsis qurultayında təşkilatın sədri
seçilmiş Yeni Azərbaycan Partiyası Gənclər
Birliyinin (YAP GB) sədr müavini Ramin Məmmədov
bildirmişdir ki, belə bir qurultayın təşkili Azərbaycan
Prezidenti İlham Əliyevin diaspor quruculuğuna və gənclərə
xüsusi diqqət və qayğısının nəticəsidir.
Onun
sözlərinə görə, qurultayda hökumət və
dövlət nümayəndələrindən, xaricdə
yaşayan azərbaycanlı gənclər tərəfindən
təsis edilmiş və respublikada fəaliyyət göstərən
gənclər təşkilatlarının təmsilçilərindən,
dünyanın nüfuzlu ali məktəblərində təhsil
alan fəal azərbaycanlı tələbələrdən, həmçinin
Azərbaycan diaspor təşkilatlarının rəhbərlərindən
ibarət 500-ə qədər nümayəndə və qonaq
iştirak edib. Belə bir qurultayın keçirilməsi və
dünya azərbaycanlı gənclərinin birliyinin
yaradılması ideyası 2010-cu ilin noyabrında
Almaniyanın Frankfurt şəhərində keçirilən
Dünya Azərbaycanlı Gənclərinin I Konqresində irəli
sürülüb. Sonradan qısa zaman ərzində Diasporla
İş üzrə Dövlət Komitəsi, Gənclər və
İdman Nazirliyi, eləcə də gənclər siyasəti
ilə məşğul olan digər dövlət qurumları,
o cümlədən xarici ölkələrdə fəaliyyət
göstərən diaspor təşkilatlarının birgə
səyi nəticəsində bu təşkilatın fəaliyyətinin
əsas istiqamətləri müəyyən edilib.
"Yeni
Azərbaycan Partiyasının Gənclər Birliyi olaraq bizlər
də yaradılmış bu imkandan lazımi şəkildə
yararlanaraq, üzərimizə düşən vəzifələrin
öhdəsindən layiqincə gəlməyə
çalışırıq. Daha doğrusu, cənab Prezidentin,
partiyamızın sədri İlham Əliyevin gənclərə
verdyi önəm, göstərdiyi diqqət hər zaman bizlərə
əlavə güc və mənəvi ruh yüksəkliyi
verir. Cənab Prezidentin gənclərə göstərdiyi diqqət
və qayğıdan irəli gələrək YAP gəncləri
kimi biz də öz fəaliyyətimizi məhz bu istiqamətdə
qurmuşuq" - deyə Ramin Məmmədov bildirib.
Paşa ƏMİRCANOV
Xalq
qəzeti.- 2012.- 16 mart.- S. 3.