Tarix yaradan şəxsiyyət
Astara Pedaqoji Kollecində ümummilli lider Heydər
Əliyevin 90 illik yubileyi münasibətilə “Təhsil millətin
gələcəyidir” mövzusunda elmi-praktik konfrans
keçirilmişdir.
Astara Rayon İcra Hakimiyyəti
başçısının humanitar məsələlər
üzrə müavini İlqar Malıyev və konfrans
iştirakçıları əvvəlcə ulu öndərin
tədris korpusunun I mərtəbəsində yerləşən
guşəsi önünə gül dəstələri
düzmüş, sonra istedadlı tələbələrin əl
işlərindən ibarət sərgi ilə tanış
olmuşlar. Kollecin direktoru, fəlsəfə doktoru, dosent, əməkdar
müəllim Əlihəsən Həmzəyev konfransı
giriş sözü ilə açaraq ulu öndər Heydər
Əliyevin genişmiqyaslı fəaliyyəti, Azərbaycanın
tərəqqisi naminə gördüyü işlər barədə
ətraflı məlumat verdi. O,
həmçinin ümummilli liderin ölkəmizdə gənclərə
və təhsilin inkişafına xüsusi qayğı
göstərdiyini xüsusi qeyd etdi. Daha sonra natiq kollecdə təhsil
sahəsində qazanılmış uğurlardan
danışdı, pedaqoji kollektivin və tələbələrin
ümummilli liderin ideyalarına, zəngin nəzəri irsinə
daim sadiq olduqlarını diqqətə çatdırdı.
Sonra konfrans iştirakçıları unudulmaz
böyük şəxsiyyət Heydər Əliyevin həyat və
fəaliyyətindən bəhs edən videoçarxa
baxdılar.
Müəllim Zamiq Mahmudovun “Heydər Əliyev
və Azərbaycan gəncliyi”, Firəngiz Məmmədovanın
“Azərbaycan dilinin inkişafında Heydər Əliyevin rolu”
mövzusunda məruzələri dinlənildi.
Məruzələr ətrafında
çıxış edən müəllimlərdən Arzu
Hüseynova, Aygün Abbasova, tələbələrdən
Abbas İbrahimli, Səxavət Ağayev, Elza Əfruzzadə
ulu öndərin tarixi xidmətlərindən bəhs etdilər.
Konfransın sonunda kollecin direktoru Ə.Həmzəyev
bildirdi ki, ümummilli lider Heydər Əliyevin 90 illik yubileyinə
həsr olunan tədbirlər davam edir. Bu günlərdə
Astara şəhərində daha yüksək səviyyəli
elmi konfrans keçirilməsi nəzərdə tutulmuşdur.
Həmin tədbirdə Rusiya, Ukrayna, Belarus, Özbəkistan,
Türkiyə və Hindistandan görkəmli alim və
professorlar da iştirak edəcəklər.
Sonda fəal gənc müəllim və tələbələrə fəxri fərmanlar təqdim edildi.
Əli NƏCƏFXANLI
Xalq qəzeti.- 2013.- 5 may.- S. 5.