Korrupsiyaya qarşı mübarizə Azərbaycanın
dövlət siyasətinin
prioritet istiqamətidir
Azərbaycanda korrupsiyaya qarşı mübarizəni uğurla aparmaq üçün möhkəm siyasi iradə mövcuddur. Ölkəmiz korrupsiyaya qarşı mübarizə sahəsində bütün beynəlxalq təşəbbüslərə qoşulmaqla qanunvericilik bazasını tam müasirləşdirmiş və institusional islahatlar həyata keçirmişdir.
İlham ƏLİYEV
Azərbaycan Respublikasının Prezidenti
Korrupsiya cəmiyyətin sosial bəlası olduğundan ona qarşı mübarizə daim dövlətin diqqət mərkəzində saxlanılır. Azərbaycanda korrupsiya ilə mübarizənin əsası ümummilli lider Heydər Əliyevin hakimiyyətə qayıdışından sonra 1994-cü ildə imzaladığı xüsusi fərmanla qoyulmuşdur. Həmin vaxtdan başlayaraq insanları ciddi narahat edən bu sosial bəlaya qarşı mübarizə getdikcə güclənmişdir.
Korrupsiyaya
qarşı təkcə inzibati
mübarizə aparmaqla bu sahədə
hər hansı bir effektli
nəticə gözləməyə dəyməz. Korrupsiyaya qarşı mübarizədə siyasi iradənin olması vacib
amil kimi qəbul olunur. Bu sahədə əldə olunan uğurlar və ölkəmizin adının nüfuzlu beynəlxalq təşkilatların
hesabatında ön sıralarda olması, ilk növbədə, Azərbaycan
Respublikası Prezidentinin siyasi
iradəsinin, dövlət orqanları qarşısında qoyduğu konkret vəzifələrin,
korrupsiyaya qarşı mübarizə sahəsində
həyata keçirilən kompleks və
davamlı siyasətin real nəticəsidir.
2003-cü ildən başlayaraq,
korrupsiyaya qarşı mübarizə məqsədilə
qanunlar qəbul edilmiş,
beynəlxalq sənədlər ratifikasiya olunmuşdur. Bununla da Azərbaycanda korrupsiyaya
qarşı mübarizədə siyasi iradə
ortaya qoyulmuşdur. Həmin
vaxtdan mütəmadi olaraq
korrupsiyaya qarşı mübarizənin hüquqi bazası təkmilləşdirilmiş
və bu sahədə daha
qətiyyətli addımlar atılmışdır. Digər tərəfdən, dövlət
başçısı bütün
çıxışlarında korrupsiyaya
qarşı mübarizə ilə bağlı öz
fikirlərini açıq şəkildə bildirmiş,
tövsiyələrini vermiş və qəti
tələblərini qoymuşdur. Ölkə
başçısı bütün tədbirlərdə
bildirir ki, korrupsiyaya qarşı mübarizədə
səngimə olmamalıdır. Azərbaycan Prezidentinin
bu mövqeyi korrupsiyaya qarşı mübarizədə ciddi siyasi iradə kimi qiymətləndirilməlidir. Çünki dövlət
başçısı bununla bəyan etmiş olur ki, siyasi iradə
ortadadır, korrupsiyaya qarşı
mübarizə dövlətin siyasətinin prioritet
istiqamətidir.
Bu fikirlər Bakıda “Korrupsiyaya
qarşı mübarizə: beynəlxalq standartlar
və milli təcrübələr” mövzusunda keçirilmiş
beynəlxalq konfransda da
səslənmişdir. Belə bir əhəmiyyətli
tədbirin məhz Bakıda keçirilməsi heç
də təsadüfi hesab oluna bilməz. Çünki
bəşəriyyətin sosial bəlasına
çevrilmiş, insanları daha çox narahat edən korrupsiya və
rüşvətxorluğa qarşı mübarizə son illər dünya səviyyəsində genişlənmiş
və ölkəmizdə bu sahədə
həyata keçirilən tədbirlər beynəlxalq təşkilatlar
tərəfindən də yüksək dəyərləndirilir.
Respublikamızda keçirilən tədbirdə 35 ölkədən və 13 nüfuzlu beynəlxalq təşkilatdan 130-dan çox nümayəndənin
iştirakı da ölkəmizdə korrupsiyaya
qarşı mübarizənin Azərbaycanın dövlət
siyasətinin prioritet istiqaməti
olmasının nəticəsidir. Bu
sahədə respublikamızda həyata keçirilən tədbirlər
digər ölkələr üçün
nümunə ola bilər. Azərbaycan
Prezidenti İlham
Əliyev “Korrupsiyaya qarşı
mübarizə: beynəlxalq standartlar və
milli təcrübələr” mövzusunda keçirilmiş
beynəlxalq konfransın iştirakçılarına
ünvanladığı məktubunda da bu fikri xüsusi
olaraq vurğulamışdır: “ Ölkəmiz
korrupsiyaya qarşı mübarizə sahəsində
bütün beynəlxalq təşəbbüslərə
qoşulmaqla qanunvericilik
bazasını tam müasirləşdirmiş
və institusional islahatlar
həyata keçirmişdir. Təəssüflər
olsun ki, korrupsiya bütün dünya, o cümlədən
Avropa ölkələrində də aktual problemlərdən biri
olaraq qalır. Ona
görə də bu sahədə daim yeni təşəbbüslərin
irəli sürülməsi zəruridir. Bununla
bağlı Azərbaycanda tətbiq edilən dövlət xidmətlərinin
göstərilməsində korrupsiyanı tam
istisna edən və şəffaflığı
təmin edən təcrübə digər ölkələr üçün də müsbət nümunə
ola bilər”.
Avropa Şurasına üzv ölkələrlə
Azərbaycan arasında əlaqələr daim
inkişaf etdiyini,
müxtəlif sahələrdə genişləndiyini diqqətə
çatdıran ölkə başçısı, həmçinin
bildirmişdir ki, mayın 14-dən Azərbaycan
Respublikası Avropa Şurasının
Nazirlər Komitəsinə sədrlik edir.
Ölkəmiz sədr olduğu dövrdə korrupsiyaya
qarşı mübarizəni prioritet elan etmiş və üzv ölkələrin
qarşılaşdığı problemlərlə ciddi şəkildə məşğul olmaq niyyətindədir.
Azərbaycan
Prezidenti əminliklə bildirmişdir ki, korrupsiyaya qarşı mübarizədə milli və beynəlxalq səylərin gücləndirilməsinə
xidmət edən bu konfrans
fəaliyyətimizin daha səmərəli
təşkilinə və əməkdaşlığımızın
möhkəmlənməsinə töhfə verəcəkdir.
Respublikamızda son illər korrupsiyaya
qarşı mübarizənin daha da güçləndirilməsi
nüfuzlu beynəlxalq qurumların
hesabatlarında da öz
əksini tapmışdır. Fakt üçün qeyd edək ki, “Transparency İnternational”
Təşkilatı 2013-cü il “Qlobal Korrupsiya Barometri” hesabatını
açıqlamış və bu sənəddə
Azərbaycanın korrupsiyaya qarşı
mübarizə sahəsində ciddi irəliləyişlər
əldə etdiyi bir daha təsdiq olunmuşdu. Hesabata görə, Azərbaycanda respondentlərin
68 faizi hesab etmişdir ki, dövlət
tərəfindən həyata keçirilən korrupsiyaya
qarşı mübarizə tədbirləri səmərəli
olmuşdur. Bu, dünya ölkələri üzrə müəyyən
edilmiş 22 faiz
göstəricisindən 3 dəfə artıqdır. İkinci nümunə isə dünyada
korrupsiyanın səviyyəsi ilə bağlı olan göstəricidir. Belə ki,
dünya üzrə respondentlərin 50
faizdən çoxu hesab
edir ki, korrupsiyanın
səviyyəsi son iki
ildə artmışdır. Azərbaycanda isə respondentlərin
73 faizi hesab edir ki, ölkədə
korrupsiyanın səviyyəsi azalmışdır.
Korrupsiyaya qarşı mübarizə ilə əlaqədar
həyata keçirilən tədbirlər
Birləşmiş Millətlər Təşkilatının və
Avropa Şurasının aidiyyəti
qurumları tərəfindən də yüksək dəyərləndirilib
və nəticələr təqdirəlayiq hesab
edilib.
Həmin hesabatlar ictimaiyyət üçün açıqdır və korrupsiyaya qarşı mübarizə sahəsində
həyata keçirilən praktik tədbirlərə
kənardan verilən müsbət qiymətdir.
Azərbaycanda korrupsiyaya qarşı mübarizə tədbirlərinin
əsas istiqamətlərindən biri də
beynəlxalq əməkdaşlıqdır və bu sahədə
mütəmadi olaraq davamlı tədbirlər
həyata keçirilir. Belə
ki, ölkəmiz korrupsiyaya
qarşı mübarizə sahəsində bütün
əhəmiyyətli beynəlxalq sənədlərə qoşulub və beynəlxalq təşəbbüslərin
fəal iştirakçısıdır. Ölkəmiz BMT-nin “Korrupsiya əleyhinə Konvensiyası”, Avropa Şurasının “Korrupsiya
ilə əlaqədar cinayət məsuliyyəti haqqında” və
“Korrupsiya ilə əlaqədar mülki-hüquqi məsuliyyət haqqında”
konvensiyalarına qoşulmuş və
onların yerli səviyyədə tam icrasını təmin edib.
Göründüyü kimi, ölkəmizdə
korrupsiyaya qarşı mübarizə
dövlətimizin diqqət mərkəzində
saxladığı prioritet sahələrdəndir.
Bakıda “Korrupsiyaya
qarşı mübarizə: beynəlxalq standartlar
və milli təcrübələr” mövzusunda keçirilmiş
beynəlxalq konfransda səsləndirilən fikirlər bu baxımdan böyük əhəmiyyət
kəsb edir. Konfransa Türkiyə, Albaniya, Moldova, Xorvatiya, Gürcüstan, Monako və
Lixtenşteynin baş
prokurorları, Bosniya və Herseqovina, Albaniya,
Xorvatiyanın ədliyyə nazirləri, Fransa,
Polşa, Litva, Makedoniya və Serbiyanın ixtisaslaşdırılmış
antikorrupsiya qurumlarının rəhbərləri,
Avropa Şurasının İnsan
Hüquqları və Hüquqi Məsələlər
üzrə Baş İdarəsinin direktoru, GRECO-nun prezidenti, IACA-nın icraçı katibi, Beynəlxalq Prokurorlar
Assosiasiyasının (IAP) prezidenti, Beynəlxalq
Antikorrupsiya Orqanları
Assosiasiyasının (IAACA) baş katibi və digərləri
qatılmışdılar.
Qeyd edək ki, Azərbaycanın Avropa Şurası Nazirlər Komitəsinə
sədrliyi dövründə ölkəmizdə keçirilməsi
nəzərdə tutulan 18 mühüm
tədbirdən birincisinin məhz korrupsiyaya qarşı mübarizə ilə əlaqədar
olması təqdirəlayiq hesab edilmişdir.
Azərbaycan Respublikası
Prezidenti Administrasiyasının rəhbəri,
Korrupsiyaya Qarşı Mübarizə
üzrə Komissiyanın sədri, akademik
Ramiz Mehdiyev konfrans iştirakçılarını
salamlamış, bir çox
ölkənin korrupsiyaya qarşı
mübarizə sahəsində yaxşı təcrübə
qazandığını vurğulamışdır. Akademik R.Mehdiyev ölkəmizin də korrupsiyaya qarşı mübarizə sahəsində
çox böyük
təcrübə qazandığını, Azərbaycan Prezidentinin sərəncamı ilə mühüm qurumların
yaradıldığını diqqətə
çatdırmışdır. Qeyd olunmuşdur ki, bu qurumlar arasında Baş Prokurorluq yanında
Korrupsiyaya Qarşı Mübarizə Baş İdarəsinin, dünyada
nadir təcrübə olan
“ASAN xidmət”in çox
böyük əhəmiyyəti
vardır. Azərbaycanda olan
yüksək səviyyəli qonaqların “ASAN xidmət”in fəaliyyətini
böyük maraqla
müşahidə etdiklərini vurğulayan
Prezident Administrasiyasının rəhbəri
onların bu qurumun işini yüksək qiymətləndirdiklərini,
respublikamızda korrupsiyaya qarşı güclü mübarizə sisteminin
yaradıldığını bildirdiklərini demişdir. Prezident
Administrasiyasının rəhbəri “ASAN xidmət”in
yaradılmasını və onun fəaliyyətini
Azərbaycan vətəndaşlarının da
böyük razılıqla
qarşıladıqlarını diqqətə
çatdırmışdır.
Korrupsiyanın
qarşısının alınmasında onu
yaradan şəraitin-bürokratiya,
süründürməçilik və digər halların aradan qaldırılması əsas amillərdən
biridir. Bu şəraitin
öhdəsindən gələ bilən bir
qurumun Azərbaycanda artıq mövcud olması korrupsiyaya
qarşı mübarizənin daha da gücləndirilməsindən xəbər verir. Prezident İlham Əliyevin fərmanı ilə
yaradılmış “ASAN xidmət” bu sahədə
həyata keçirilən islahatların ayrılmaz hissəsidir.
Müxtəlif dövlət xidmətlərinin vahid məkandan təmin olunduğu
“ASAN xidmət”də hazırda on dövlət
qurumu tərəfindən xidmətlər
göstərilməsi konfrans
iştirakçıları tərəfindən böyük maraqla
qarşılanmışdır.
Konfrans içtirakçılarının diqqətinə
çatdırılmışdır ki,
dövlət xidmətlərinin vətəndaşlara birbaşa çatdırılması, göstərilən
xidmətlərin açıqlığı və şəffaflığı,
əhalinin rahatlığı, etik
davranış qaydalarına yüksək səviyyədə əməl
olunması, xidmətlər zamanı
novatorluq və digər hallar “ASAN xidmət”in əsas prinsiplərindəndir.
Hazırda ölkəmizdə 6 səyyar “ASAN xidmət” mərkəzinin
fəaliyyət göstərdiyi qeyd edilmiş və ilin sonunadək
bu xidmətlərin sayının 10-a
çatdırılacağı bildirilmişdir.
Konfrans iştirakçılarına bəlli
olmuşdur ki, gündə orta
hesabla iki min insan “ASAN xidmət” mərkəzlərinin
xidmətlərindən istifadə edir. Konfrans
iştirakçıları yarandığı gündən
indiyədək “ASAN xidmət”in imkanlarından 2 milyon insanın istifadə etməsini yüksək
qiymətləndirmişlər.
Avropa Şurasının İnsan
Hüquqları və Hüquqi Məsələlər
üzrə Baş İdarəsinin baş direktoru Filip Buoya, İqtisadi Əməkdaşlıq
və İnkişaf Təşkilatının
(OECD) antikorrupsiya şöbəsinin müdiri Patrik Moulette, Beynəlxalq Antikorrupsiya
Akademiyasının (IACA) dekanı və icraçı katibi Martin Kreutner Azərbaycanda korrupsiyaya
qarşı mübarizənin yüksək səviyyədə
olduğunu bildirmişlər. Azərbaycan
Prezidenti İlham
Əliyevin Avropa Şurası Parlament Assambleyasının iclasında korrupsiyaya qarşı mübarizənin ölkəmizin
sədrliyi dövründə əsas prioritetlərdən biri olacağı barədə sözləri xüsusi vurğulanmışdır.
Beynəlxalq
Antikorrupsiya Akademiyasının (IACA)
dekanı və icraçı katibi Martin Kreutner Azərbaycanın Avropa
Şurasının Nazirlər Komitəsinə sədrliyi
çərçivəsində korrupsiyaya
qarşı mübarizəni prioritet
istiqamətlərdən biri kimi bəyan etməsinin və bu
çərçivədə Bakıda “Korrupsiyaya
qarşı mübarizə: beynəlxalq standartlar
və milli təcrübələr”
mövzusunda beynəlxalq konfransın
keçirilməsinin, eləcə də ölkəmizin Beynəlxalq
Antikorrupsiya Akademiyasının üzv dövlətlərinin
assambleyasının III sessiyasına ev sahibliyi etməsinin Azərbaycanın korrupsiyaya qarşı mübarizə sahəsində
beynəlxalq səyləri yaxından dəstəkləməsinin
bariz nümunəsi olduğunu
vurğulamışdır.
Bu gün ölkəmizdə
gedən uğurlu inkişaf
proseslərinə mane olan
məsələlərin aradan qaldırılması
mühüm əhəmiyyət kəsb edir. Bu sırada korrupsiya və rüşvətxorluq
hallarına qarşı mübarizə tədbirlərinin
gücləndirilməsi diqqət mərkəzində
saxlanılır. Göründüyü kimi, bu sahədə həyata
keçirilən tədbirlər beynəlxalq aləmdə
yüksək səviyyədə qiymətləndirilir.
Əliqismət BƏDƏLOV
Xalq qəzeti.- 2014.- 2 iyul.- S.6.