Azərbaycan öz xarici siyasət
strategiyasında
praqmatizmə söykənmişdir
Azərbaycanın 2011-ci ildə böyük səs üstünlüyü ilə dünyanın ən nüfuzlu qurumu olan BMT Təhlükəsizlik Şurasına qeyri-daimi üzv seçilməsi ötən 10 il ərzində yeritdiyi xarici siyasətin, əslində, bütün mahiyyətini ortaya qoydu. Sübut olundu ki, Azərbaycan dövləti müstəqil, praqmatik siyasət yürüdür.
Bu
nəticənin əldə edilməsində Azərbaycanın
fəal xarici siyasət aparması,
dünyanın müxtəlif ölkələrindəki diplomatik təmsilçiliklərinin
sayını dəfələrlə artırması, coğrafi baxımdan uzaqda
yerləşməsinə baxmayaraq yeni-yeni dövlətlərlə uğurlu ikitərəfli münasibətlərin
formalaşdırılması, nəhayət, BMT Baş Assambleyası çərçivəsində
intensiv iş, effektiv lobbiçilik və
çoxsaylı xarici səfərlər əsas
rol oynayıb. Azərbaycanla bərabər,
Ermənistan da əvvəlcə BMT Təhlükəsizlik
Şurasına seçilmək iddiasına düşdü,
ancaq heç bir şansı olmadığını görərək
bəri başdan öz
namizədliyini geri çəkdi.
Beləliklə,
ötən 10 ildə Azərbaycanın xarici
siyasətində əldə edilmiş
nailiyyətlər onun regionda
və dünyada yerini
möhkəmləndirib. Bu gün
ölkəmiz istər regional və qlobal təhlükəsizliyin
təmin edilməsində, istər enerji təhlükəsizliyinə
nail olunmasında etibarlı, stabil tərəfdaş kimi
qəbul olunur.
Son bir neçə ildə Azərbaycanın
uğurlu xarici siyasəti
nəticəsində Ermənistanın və erməni lobbisinin 100 ilə yaxındır ki, dünyada azərbaycanlılar
və bütövlükdə türklər barəsində
formalaşdırdığı mənfi imic,
demək olar ki, iflic vəziyyətə salınıb. Artıq dünya
ermənilərə inanmır. Sadəcə bəzi dövlətlər Yaxın Şərqə
çıxış və təsir imkanları böyük olan Cənubi Qafqaz regionunda öz dayaq məntəqələrini
saxlamaq üçün
Ermənistandan istifadə edirlər.
Azərbaycanda
keçirilən son beynəlxalq tədbirlər—Ümumdünya
Davos İqtisadi Forumu, Mədəniyyətlərarası Dialoq Forumu, beynəlxalq humanitar forumlar və bəşəri
əhəmiyyətli digər toplantılar ölkəmizin dünya siyasi arenasında
nüfuzunu əhəmiyyətli dərəcədə
artırmışdır.
O cümlədən, Azərbaycan Prezidentinin
dünyanın nüfuzlu təşkilatlarının
keçirdiyi mötəbər tədbirlərdə
iştirakı və qətiyyətli
çıxışları ölkəmizə rəğbəti
daha da
artırmış, Azərbaycan haqqında erməni təbliğatını
alt-üst etmişdir.
Son on il
ərzində iqtisadiyyatımız üç
dəfədən çox
artmışdır. Bizim maliyyə vəziyyətimiz
sabitdir. Xarici dövlət
borcumuz ümumi daxili məhsulun cəmi 8 faizini
təşkil edir. Son on ildə büdcə xərcləri 20 dəfə
artmışdır. Yoxsulluq 49 faizdən 5
faizə düşmüşdür.
İşsizliklə bağlı uğurlu
addımlar atılmışdır. İndi
işsizlik 5 faizdən
aşağıdır.
Sülh və təhlükəsizlik sosial-iqtisadi inkişafla
bir-birinə sıx bağlı olan məsələlərdir.
Azərbaycan regionda sülh
və təhlükəsizliyin möhkəm və
dayanıqlı olması üçün
ciddi addımlar atmış və regionun inkişafına, ölkəmizin dünya birliyinə
inteqrasiyasına öz töfhəsini vermişdir. Azərbaycanın təşəbbüsü
ilə ərsəyə gətirilmiş Bakı-Tbilisi-Ceyhan neft və Bakı-Tbilisi-Ərzurum qaz infrastruktur layihələri,
eləcə də yaxın vaxtlarda
inşası başa
çatdırılacaq Bakı-Tbilisi-Qars dəmir yolu layihəsi, şübhəsiz ki, regionda iqtisadi,
sosial inkişafa, ən
əsası isə qarşılıqlı inam
və faydanın üzərində qurulan
uzunmüddətli əməkdaşlığa səbəb olmuşdur. Bu sırada
Avropanın enerji təhlükəsizliyində
mühüm rol oynayacaq TANAP və TAP layihələri üzrə
əldə edilmiş razılıqlar da qeyd olunmalıdır.
Azərbaycan
həmçinin iki əsas internet mübadilə məntəqələri
olan Asiya (Honq-Konq) və Avropa (Frankfurt) arasında vacib yeni tranzit marşrutunun
yaradılmasına yönəlmiş Trans-Avrasiya
Super İnformasiya
Magistralı (TASİM) layihəsinin həyata keçirilmə
mərhələsinə daxil olmuşdur.
Bu layihənin əsas məqsədi qoşulma sürətinin artırılması
və qiymətlərin aşağı salınması vasitəsilə
mərkəzi Avrasiya regionunun
İKT sütununa qoşulmasının təkmilləşdirilməsidir.
Artan siyasi və iqtisadi
qüdrəti, nüfuzu ilə bərabər
Azərbaycanın malik olduğu
başqa bir önəmli
strateji resursu onun zəngin mədəni irsi,
əsrlərdən bəri özünə kök
salmış və Azərbaycan xalqının həyat tərzinə
çevrilmiş milli,
dini tolerantlığı və
multikulturalizmə olan yanaşmasıdır. Başqa
sözlə desək, çoxminillik
tarixində multikulturalizm və
tolerantlığın nəinki mümkünlüyünü,
hətta inkişafını sübut etmiş Azərbaycan bu xüsusda dünya üçün bir
örnəkdir. Ona görə də
Bakı bu gün
sivilizasiyalararası dialoq və multikulturalizm mövzusunda
aparılan qlobal müzakirələrin mərkəzlərindən
birinə çevrilmişdir.
Prezident İlham Əliyevin təşəbbüsü
və himayəsi sayəsində ərsəyə gələn
Bakı Humanitar Forumunda
hazırlanan tövsiyə və təkliflər multikulturalizmin konseptual
inkişafında mühüm rol oynayır, bu tövsiyələr
beynəlxalq təşkilatlar, dövlətlər və tədqiqat
mərkəzləri tərəfindən
ciddi şəkildə öyrənilir, tətbiq
edilir. Azərbaycan bu kimi fəaliyyəti ilə milli,
dini, mədəni və irqi
müxtəliflik şəraitində dünyada
sülhün bərqərar olmasına və
sivilizasiyalararası dialoqun möhkəmlənməsinə əsaslı töhfəsini verir.
Bu
günlərdə Prezident İlham
Əliyevin İran İslam
Respublikasının Prezidenti Həsən Ruhani ilə Bakıda görüşü
zamanı qeyd etdiyi kimi, iqtisadi müstəqillik
bizə imkan verir ki, beynəlxalq məsələlərin həllində,
ikitərəfli və çoxtərəfli əməkdaşlıq
formatında öz mövqeyimizi
müdafiə edək. Bizim mövqeyimiz ədalətlidir,
beynəlxalq hüquqa və ədalətə
söykənir. Bu iki
anlayış beynəlxalq münasibətlər üçün də xüsusi
əhəmiyyət kəsb edir. Harada ki, beynəlxalq hüquq, ədalət pozulursa,
orada, əlbəttə, toqquşmalar
müharibələr və gərginlik də olacaq.
Əgər dünyada beynəlxalq hüquq və ədalət pozulmasa,
müharibəyə də ehtiyac qalmaz.
Prezident İlham Əliyev
ölkənin xarici siyasətindən bəhs
edərkən diqqəti bu gün
qarşıda duran əsas vəzifələrə
yönəldir. Onların sırasında “Azərbaycan
xalqının əsrlərdən bəri
formalaşmış zəngin irsi əsasında
dünya miqyasında multikulturalizm
və tolerantlıq meyillərinin inkişafına töhfə
verilməsi”, “mədəni diplomatiya siyasətinin
davam etdirilməsi və dünya
miqyasında Azərbaycan xalqının sahib
olduğu zəngin
mədəni irsin tanıdılması” və
“dünya azərbaycanlıları və diaspor təşkilatları ilə əlaqələrin
daha da gücləndirilməsi
və onların fəaliyyətinin dəstəklənməsi”
kimi vəzifələrə də yer alıb. Məhz bu
prinsiplər əsasında reallaşdırılan məntiqli xarici siyasət dövlətimizi beynəlxalq
aləmdə söz sahibi
edib.
Prezident İlham Əliyev
çıxışlarında bəyan etmişdir
ki, xarici siyasətlə
bağlı əsas problemimiz Ermənistan-Azərbaycan,
Dağlıq Qarabağ münaqişəsinin
həll olunmamasıdır. Uzun illərdir
ki, beynəlxalq hüquq,
ədalət pozulur. Çünki
Dağlıq Qarabağ Azərbaycanın
ayrılmaz hissəsidir, bizim tarixi, əzəli torpağımızdır.
Əsrlər boyu Azərbaycan xalqı bu torpaqlarda
yaşamışdır, yaratmışdır. Dağlıq Qarabağda bütün
toponimlər Azərbaycan xalqının mədəniyyətini,
tarixini əks etdirir.
Nəinki Dağlıq Qarabağ, indiki Ermənistanın böyük
bir hissəsi qədim Azərbaycan
torpaqlarıdır.
Tarixi ədalət, beynəlxalq hüquq
pozulub. Çünki bütün dünya
ictimaiyyəti Dağlıq Qarabağı Azərbaycanın
ayrılmaz hissəsi kimi tanıyır və
Azərbaycanın ərazi bütövlüyü
bu məsələnin həllində əsas
rol oynayacaqdır. Bu
münaqişə beynəlxalq hüququn norma və prinsipləri əsasında ölkələrin
ərazi bütövlüyü çərçivəsində
öz həllini tapmalıdır. Ölkələrin
ərazi bütövlüyü ölkələrin
razılığı olmadan dəyişdirilə
bilməz. Bu, beynəlxalq hüququn
əsas baza prinsipləridir və Helsinki Yekun Aktında məhz
bu prinsiplər əsas götürülmüşdür.
Bu siyasətin fonunda
Xocalı soyqırımını bir
neçə ölkə parlamentinin
tanınmasını yuxarıda vurğulanan
istiqamətlərdə Azərbaycan diplomatiyasının
apardığı aktiv işlərin birbaşa nəticəsi kimi
qiymətləndirmək lazımdır.
Əlbəttə, Ermənistanın Azərbaycana
qarşı təcavüzünün nəticələrinin aradan qaldırılması, Azərbaycanın ərazi
bütövlüyü, suverenliyi
və sərhədlərinin toxunulmazlığının təmin
olunması bu gün
dövlət siyasətimizin aparıcı xəttidir. O cümlədən
Xocalı soyqırımının dünya
miqyasında tanıdılması istiqamətində fəaliyyətin
daha aktiv şəkildə
davam etdirilməsi, Ermənistanın siyasi, iqtisadi, enerji və nəqliyyat layihələrindən
təcridinin davam etdirilməsi, Azərbaycan
haqqında həqiqətlərin dünya
miqyasında yayılmasının daha
da gücləndirilməsi, erməni
yalanlarının ifşa edilməsi və
Azərbaycana qarşı olan məqsədyönlü
bəzi əks -təbliğat əməllərinin
qarşısının alınması və s.
Bütün bunlar sistemli şəkildə həm dövlət
başçısı tərəfindən həm də Azərbaycan
dövləti tərəfindən nəzarətdə
saxlanılan məsələlərdir.
İyulun 7-də Xarici
İşlər Nazirliyində Azərbaycan
Respublikasının diplomatik xidmət
orqanları rəhbərlərinin beşinci
müşavirəsi zamanı dövlət
başçısı diplomatlarımız
qarşısında böyük vəzifələr
durduğunu qeyd etdi. Ölkə rəhbəri Azərbaycanın
xarici siyasətinin öz
prinsipiallığı və
müstəqilliyi ilə seçildiyini dedi. Bildirdi ki, ölkəmizin uğurlu
inkişafı və son illərdə iqtisadi müstəqilliyimizin tam
şəkildə təmin olunması bizə xarici
arenada öz sözümüzü deməyə,
maraqlarımızı müdafiə etməyə imkanlar açmışdır. Prezident bu siyasətin beynəlxalq birlik
tərəfindən də təqdirlə
qarşılandığını, bizimlə əməkdaşlıq
etmək istəyən ölkələrin sayının
artdığını, Azərbaycanın özünü
dünyada etibarlı dost
və tərəfdaş kimi təsdiq etdiyini vurğuladı. Gənc müstəqil
dövlət üçün BMT Təhlükəsizlik
Şurasına üzv seçilməyimizi
tarixi hadisə adlandıran dövlətimizin
başçısı bildirdi ki, bu, ölkəmizin
qısa müddətdə nə qədər böyük
yol keçdiyini
göstərdi. Azərbaycan iki il ərzində bu nüfuzlu təşkilatda beynəlxalq hüququ və ədaləti müdafiə etdi və bundan sonra da hər zaman müdafiə edəcəkdir. Beynəlxalq
imicimizin çox
müsbət olduğunu qeyd
edən Prezident İlham
Əliyev diplomatik orqanların uğurlu fəaliyyətinin bu
amildə rolunu qeyd etdi.
Ermənistan-Azərbaycan,
Dağlıq Qarabağ münaqişəsinin
üzərində xüsusilə dayanan
dövlət başçısı bildirdi
ki, diplomatların fəaliyyəti ilk növbədə Qarabağla,
o cümlədən, İrəvan
xanlığı ilə bağlı həqiqətlərin dünyaya çatdırılmasına istiqamətlənməlidir. Prezident İlham Əliyev bir daha vurğuladı ki, Azərbaycan
ərazisində ikinci erməni dövlətinin
yaranması qətiyyən mümkün deyil və Azərbaycan buna
heç vaxt imkan verməyəcəkdir.
Xarici siyasətimizlə bağlı əsas istiqamətlərdən
danışarkən Prezident İlham Əliyev Ermənistan istisna
olmaqla, qonşu
ölkələrlə münasibətlərin sağlam,
bərabərhüquqlu münasibətlər və möhkəm
zəmin üzərində qurulduğunu, əlaqələrin
ikitərəfli və çoxtərəfli formatlarda
təmin edildiyini dedi.
Daim
axtarışda olub yeni
əməkdaşlıq formaları barədə fikirləşməyin
vacibliyini vurğulayan
Prezident İlham
Əliyev müsəlman ölkələri ilə əlaqələrdən
danışdı və qeyd etdi ki, Azərbaycan İslam həmrəyliyinin gücləndirilməsinə
öz töhfəsini verir.
Şübhəsiz
ki, İslam ölkələri ilə
yanaşı, Avropa ölkələrinin də
ənənəvi tərəfdaşlarımız olduğu diqqətə çatdırıldı.
İkitərəfli əlaqələrin inkişafı üçün gözəl imkanların olduğu və Asiya
dövlətləri ilə də əməkdaşlığın
son illərdə
sürətlə inkişaf etdiyi ölkə rəhbəri tərəfindən
qeyd edildi.
Beləliklə,
istər Dağlıq Qarabağ
münaqişəsinin həlli istiqamətindəki addımlarımız,
istərsə də beynəlxalq birlik,
yaxın qonşular və dünyanın
müxtəlif dövlətləri ilə əlaqələrimizdə
yürütdüyümüz etibarlı
siyasət onu göstərir ki, Azərbaycan
öz xarici siyasət
strategiyasını düzgün təməllər
üzərində qurmuş və
praqmatizmə söykənmişdir.
Anar
TURAN
Xalq qəzeti.- 2014.- 23 noyabr.- S.3.