Tərtər: cəbhə xətti
yaxın olsa da...
Söhbət son
vaxtlar əldə edilmiş dinamik inkişafdan, sosial-iqtisadi
sahədə qazanılmış böyük uğurlardan
gedir
Rayon icra hakimiyyətində hazırlanmış arayış nə qədər dolğun və maraqlı olsa da, hər halda, gözlə görmək, konkret tanışlıq başqadır. Ona görə də Tərtər Rayon İcra Hakimiyyətinin başçısı Müstəqim Məmmədovun təklifi ürəyimizcə oldu:
— Gedək, işlərin gedişinə birlikdə baş çəkək — dedi. — Onda özünüz görəsəksiniz ki,...
Rayon rəhbəri sözünü tamamlamadı. Görünür, o, bununla Tərtərdə indiyə kimi görülüb başa çatdırılmış və hazırda da davam etdirilən tikinti-quruculuq işlərinin miqyasını diqqətimizə çatdırmaq istəyirdi. Ancaq sonra nə fikirləşdisə bunu öz gözümüzlə görməyə, şahidi olmağa saxladı.
Getdik, gəzdik və
bir daha şahidi olduq ki,
doğrudan da, Tərtərdə
həyatın axarı
gurdur. Tikinti-quruculuq və
abadlıq işləri vüsət alıb. Özü də
quruculuq işləri təkcə rayon mərkəzini deyil, cəbhə
xəttində yerləşən bütün yaşayış məntəqələrini də
əhatə edir. Daha maraqlı
bir cəhət ondan ibarətdir
ki, yeni
tikilən müxtəlif təyinatlı binalar, salınan
küçə və meydanlar yüksək zövq və estetikadan xəbər verir. Burada tarixlə müasirlik, milli
və müasir elementlər
bir-birini tamamlayır.
Heydər
Əliyev prospekti şəhərin mərkəzi meydanı
öz görkəmini tamamilə
dəyişmiş,
daha gözəl və
müasir olmuşdur. Hər
şeydən əvvəl, artıq son tamamlanma işləri gedən və mərkəzi meydana
xüsusi
yaraşıq verən
YAP rayon təşkilatının və
şahmat məktəbinin yeni
inzibati binaları diqqəti
cəlb edir. Hər iki bina
öz orijinal
memarlıq görkəmi ilə maraq doğurur.
Rayon mədəniyyət
evi əsaslı təmirdən sonra
açılışa
tam hazırdır.
Yaxınlıqdakı üçmərtəbəli bina da öz görkəmini dəyişib.
Burda müxtəlif idarə və müəssisələr
yerləşir. Müxtəlif bəzək daşları döşənmiş,
ərazidəki fəvvarə,
bulaqlar, nadir
ağaclar, güllər mərkəzi
meydanı, az qala, möcüzələr,
əfsanələr aləminə
çevirmişdir. Meydanın baş tərəfində isə xalqımızın
böyük oğlu, ulu öndər
Heydər Əliyevin əzəmətli
heykəli ucalır. Elə bil
ki, ümummilli lider
qurucusu olduğu bu ölkənin bu günkü xoşbəxt və azad gününü-güzəranını
görür, ürəkdən
sevinir və irəli uzanmış əli ilə onun
daha xoşbəxt və
işıqlı yolunu göstərir...
F.Qulami,
M.Əsədov, M.Hüseynzadə, T.İsmayılov, V.Orucov, M.Mahmudov küçələrinə
də baş çəkdik. Onu da əlavə edək ki, bu küçələrin
hamısı son vaxtlar əsaslı şəkildə təmir olunmuş, genişləndirilmişdir. Divarlar müxtəlif bəzək daşları ilə üzlənmiş, müasir işıq dirəkləri
quraşdırılmışdır. Bu siyahıya son vaxtlar tikilmiş 100
yerlik uşaq bağçasını, kənd
təsərrüfatı
idarəsinin inzibati-laboratoriya
binasını, Qapanlı
kəndində tibb məntəqəsini və s.
əlavə
edə bilərik.
Tərtərdə daha
bir vacib infrastruktur
layihəsi uğurla həyata
keçirilməkdədir. Söhbət İslam İnkişaf
Bankının maliyyə vəsaiti hesabına
reallaşdırılan Tərtər şəhərinin və
ətraf 11 kəndin içməli su və
kanalizasiya şəbəkəsinin
tikintisindən gedir. Həm içməli su, həm
də kanalizasiya xəttinin uzunluğu 110 kilometrdir.
Layihənin 2016-cı ilin axırınadək başa
çatdırılması nəzərdə tutulmuşdur.
Artıq indiyə kimi
işlərin 50 faizi
görülüb başa
çatdırılmışdır.
Olimpiya-İdman
Kompleksi, Tərtər
çayı üzərində yeni
körpü rayon ərazisində müvəqqəti məskunlaşmış 1170 məcburi köçkün abidəsi üçün qəsəbə, Qaradağlı —
Qapanlı yolunun asfaltlaşdırılması
çayın sahilində 2,5
hektar ərazidə yeni
park, 100 yerlik uşaq bağçası və s.
Sadaladığımız
obyektlərin bəzilərinin artıq bünövrəsi qoyulub,
bəzilərinin isə
tikinitisinə yaxın
vaxtlarda
başlanılacaqdır. Deməli, rayonda işin ahəngi bir an belə
səngimir. Qarşıda yeni
hədəflər,
konkret vəzifələr dayanır.
Bir halda
ki, söhbət dinamik
inkişafdan, müqayisəli təhlildən düşdü, onu da
bildirək ki, cari ilin 6
ayı ərzində rayon
üzrə ümumi məhsul
buraxılışının
həcmi 69,5 milyon manat təşkil etmişdir. Keçən ilin müvafiq dövrünə nisbətən kənd təsərrüfatının ümumi məhsulu 8,4 faiz
artaraq 38,5 milyon manata, sənaye
məhsulunun həcmi
4,3 faiz
artaraq 2 milyon 949,8 min manata,
informasiya və rabitə xidmətlərinin həcmi 18,3 faiz artaraq 280 min manata
çatmışdır. İlin birinci yarısında rayonda bütün maliyyə
mənbələri
hesabına əsas
kapitala yönəldilən investisiyaların həcmi 3,6 milyon manat olmuşdur.
Sahibkarlığa Kömək Milli Fondunun vəsaiti
hesabına 19 sahibkarlıq
subyekti 222,2 min manat kredit
almışdır.
Əhalinin və iqtisadiyyatın enerji və içməli su ilə
fasiləsiz təminatı üçün aparılan
işlər daha da sürətləndirilmişdir.
64 transformator, 141,3 kilometr uzunluqda hava xətləri əsaslı təmir
edilmiş, 276 sayğac
quraşdırılmış, 71 dayaq
yenisi ilə əvəz olunmuşdur. Tərtər şəhərində 10
yeni transformator
quraşdırılmışdır. Çaylı kəndində məskunlaşmış məcburi
köçkünlər
üçün yeni elektrik xətti çəkilmişdir. İstehlak olunmuş enerjinin
dəyərinin 92,1 faizi
yığılmışdır.
Dövlət
Proqramına uyğun olaraq, kəndlərin qazlaşdırılması davam etdirilmişdir. Ümumiyyətlə, son
ilyarımda rayonun 9 kəndinə
təbii qaz xətti
çəkilmişdir. Hazırda 6 yaşayış məntəqəsinə qaz
çəkilir.
Qarabağ müharibəsi əlillərinin və
şəhid ailələrinin mənzil
şəraitinin
yaxşılaşdırılması məqsədilə rayonda
tikilən 54 mənzilli,
6 mərtəbəli yaşayış binası
istifadəyə verilmişdir. Hazırda ev
növbəsində olan 10
nəfər şəhid ailəsi
və Qarabağ müharibəsi əlillərinə fərdi
yaşayış evlərinin tikintisi
davam etdirilir.
Tərtər ənənəvi
kənd təsərrüfatı rayonudur.
Ona görə
də sahənin inkişafı, emal
müəssisələrinin
yaradılması diqqət mərkəzində
saxlanılır. Əsas diqqət
taxılçılığın intensiv
surətdə
inkişafına yönəldilmişdir. Belə ki, rayon üzrə 10 min 843
hektar taxıl sahələrində biçin
aparılmışdır. 5610
hektar buğda sahəsinin hər
hektarından orta məhsuldarlıq
37,1 sentner olmaqla 20 min 837 ton,
5233 hektar arpa
sahələrinin hər
hektarından isə orta məhsuldarlıq 34,5 sentner
olmaqla 180 min 30 ton məhsul
istehsal edilmişdir. Hər
hektardan məhsuldarlıq 2014-cü ilə nisbətən yüksək olmuşdur. Rayon üzrə 1650
istehsalçıya 215 min
384 manat yardım
verilmişdir. Bundan başqa
cari ilin 6 ayı ərzində 761 ton paxlalı, 394 ton dən
üçün
qarğıdalı, 5736
ton kartof, 11325 ton tərəvəz,
1533 ton
meyvə istehsal edilmişdir.
Heyvandarlığın
inkişafı sahəsində həyata keçirilən tədbirlər də öz bəhrəsini verir.
Belə ki, keçən ilin eyni dövrü ilə müqayisədə iri
malın sayı 410
baş, qoyun-keçilərin
sayı isə 1017
baş
artmışdır. 6
ay ərzində 1827 ton diri
çəkidə ət, 9511
ton süd, 6 milyon 690 min
ədəd yumurta, 124 ton yun
istehsal edilmişdir.
Ölkəmizin paytaxtında əhalinin
ərzaq məhsulları
ilə təminatını
yaxşılaşdırmaq
və bazarlarda qiymətlərin tənzimlənməsi barədə
Azərbaycan Respublikası
Prezidentinin
tapşırığına
müvafiq olaraq Bakı
şəhərindəki
yarmarkalara 168,1 ton müxtəlif kənd təsərrüfatı məhsulları göndərilmişdir.
Əkin sahələrinin suvarılmasını və
məhsuldarlığın
yüksəldilməsini
yaxşılaşdırmaq
məqsədilə 481 min
kubmetr lildən təmizləmə işi aparılmış, daşqın və
selə qarşı
mübarizə məqsədilə
39 kubmetr torpaq
işi görülmüş, 16 hidrotexniki qurğu, 11 hidrometrik
post, 2 kilometr istismar
yolu təmir edilmişdir. Kollektor və drenlərdə 11
min kubmetr lildəntəmizləmə işləri aparılmışdır. Mövcud
461 subartezian
quyusundan 453-ü
işlək vəziyyətdədir.
118 subartezian quyusunun
nasosları əsaslı təmir edilmiş,
12 quyunun yararsız
nasosları yenisi ilə əvəz olunmuşdur. Susuzluqdan
əziyyət çəkən
ərazilərdə 14 yeni
subartezian quyusunun
qazılması və
6 quyunun yenidən
bərpası nəzərdə
tutulmuşdur. Hazırda Düyərli, Hüsənli, İsmayılbəyli və Azad Qaraqoyunlu kəndlərində subartezian
quyularında qazma işləri başa
çatdırılmışdır.
Rayon təhsil,
səhiyyə və mədəniyyət müəssisələrinin fəaliyyəti gücləndirilmiş, əvvəllər müşahidə olunan
nöqsan və neqativ hallar
aradan qaldırılmış,
intizam və tələbkarlıq
artırılmışdır.
Əsas cəhət odur ki,
həmin sahələrin maddi-texniki bazası möhkəmləndirilmiş, sağlam
mühit və şəffaflıq yaradılmışdır. Təsadüfi deyildir ki,
son vaxtlar həmin
sahələrdən daxil olan
ərizə, şikayət
və məktubların sayı
azalmışdır.
Göründüyü
kimi, Tərtərdə inkişaf
və irəliləyiş
bütün sahələri əhatə etmiş, dinamik
xarakter almışdır. Mən bu
yazı üzərində
işləyərkən bir daha ayrı-ayrı idarə
və müəssisələrdə oldum, ağsaqqallarla,
ziyalılarla, gənclərlə
görüşdüm.
Şahidi olduqlarıma,
müşahidələrimə
əsaslanaraq deyə bilərəm
ki, bu gün Tərtərdə işgüzar və
yaradıcı mühit,
sağlam mənəvi-psixoloji
ab-hava mövcuddur. Rayon icra hakimiyyətinin iş üslub və metodlarında, təşkilat-idarəetmə məsələlərində yenilik, axtarış meyilləri güclüdür, icra
intizamı diqqət mərkəzindədir.
Vətəndaşların
qəbulu, onların ərizə, şikayət və məktublarına vaxtında
və həssaslıqla
baxılması sahəsində müsbət təcrübə
toplanılmış, bu sahədə ardıcıl və sistemli iş
qurulmuşdur. Məsələn, cari ilin
birinci yarısında
rayon icra hakimiyyətinə
464 müraciət daxil
olmuşdur ki, bunların da 305-i
müsbət həll edilmişdir.
Rayon icra
hakimiyyəti
başçısının
müvafiq idarə, müəssisə və təşkilat, o cümlədən hüquq-mühafizə orqanlarının rəhbərləri ilə ayrı-ayrı yaşayış məntəqələrində keçirilən səyyar
qəbulları ardıcıl
xarakter
daşıyır və vətəndaşlar tərəfindən
böyük razılıq hissi ilə qarşılanır. 2015-ci ilin 6
ayı ərzində icra hakimiyyəti başçısının 24 səyyar qəbulu
keçirilmiş, 1600 nəfər iştirak etmişdir.
Əlamətdar
haldır ki, müraciətlərin böyük əksəriyyəti yerindəcə həllini tapmışdır.
Bütövlükdə
respublikamızda olduğu kimi, Tərtərdə də
qarşıdan gələn böyük ictimai-siyasi hadisəyə — növbəti parlament
seçkilərinə
ciddi hazırlıq
görülür. Burada 95
saylı Tərtər və 97
saylı Goranboy — Tərtər
seçki dairələri fəaliyyət göstərir. 95
saylı dairənin sədri
Həmid Mehdiyevin
verdiyi məlumata görə,
38 məntəqənin hamısında hazırlıq tədbirləri başa
çatdırılmış,
otaqlar vaxtında təmir olunmuş,
müvafiq inventar və
texniki vəsaitlərlə təchiz edilmişdir. Seçici
siyahıları dəqiqləşdirilmiş,
etibarlı rabitə və
işıq xətti çəkilmişdir.
Bəli, Tərtər hər gün erməni tərəfinin hücum və basqınlarına baxmayaraq, inkişafının yeni mərhələsinə qədəm qoymuşdur. Rayon mərkəzi də, ayrı-ayrı yaşayış məntəqələri də yenidən tikilir, abadlaşır, müasir və yaraşıqlı görkəm alır. Tərtərlilər, hər şeydən əvvəl, bu inkişaf və yüksəliş, gündəlik diqqət və qayğı üçün ölkə Prezidenti İlham Əliyevə sonsuz minnətdarlıqlarını bildirir, sabaha böyük inam və ümidlə baxırlar.
Ziyəddin
SULTANOV
Xalq qəzeti.- 2015.- 22 sentyabr.- S.6.