Milli Kitabxanaya 5000
kitab hədiyyə
edilmişdir
Bu
yaxınlarda M. F. Axundzadə adına Azərbaycan Milli Kitabxanasında Misir Ərəb
Respublikasının Azərbaycandakı Səfirliyinin Misir Mədəniyyət
Mərkəzinin müdiri Dr.Əhməd Sami Elaydy ilə Milli
Kitabxananın direktoru, professor Kərim Tahirovla
görüşmüşdür.
İşgüzar məqsəd
daşıyan görüşdə Azərbaycan və Misir
respublikalarının qarşılıqlı mədəni əlaqələrindən,
Azərbaycan Milli Kitabxanası ilə Misir Milli
Kitabxanasının uzun illər davam edən səmərəli
əməkdaşlığından söhbət
açılmış və bu əlaqələrin daha da
genişləndirilməsi məsələləri müzakirə
edilmişdir. Daha sonra Misir Ərəb Respublikasının Mədəniyyət
Mərkəzinin müdiri Dr.Əhməd Sami Elaydy ərəb dilində
müxtəlif mövzularda
beş minə yaxın kitabın elektron versiyasını
və Misir Ərəb Respublikasının mədəniyyətini
əks etdirən kitabları
Milli Kitabxanaya hədiyyə etmişdir.
M. MÜKƏRRƏMOĞLU
Xalq qəzeti.- 2015.- 14 yanvar.- S.7.