“Heydər Əliyev yolunun

layiqli davamçısı”

Milli Kitabxanada Azərbaycan Respublikasının Prezidenti, Ali Baş Komandan İlham Əliyevin həyatı və siyasi fəaliyyətinə həsr olunmuş geniş kitab sərgisi açılmışdır.

Sərginin açılış mərasimində çıxış edən Milli Kitabxananın direktoru, professor Kərim Tahirov bildirmişdir ki, ümummilli lider Heydər Əliyevin uzaqgörən siyasətinin layıqli davamçısı, Azərbaycan Respublikasının Prezidenti İlham Əliyev şərəfli həyat yolu keçmiş müdrik siyasi xadimdir. O, Prezidentin ictimai-siyasi fəaliyyətindən, Azərbaycan xalqı qarşısında əvəzsiz xidmətlərindən, bu gün ölkəmizin uğurla beynəlxalq tədbirlərə ev sahibliyi etməsindən danışmışdır. Qeyd etmişdir ki, bu gün sərgidə nümayiş olunan kitabların böyük əksəriyyəti Milli Kitabxana tərəfindən dünyanın milli kitabxanalarına göndərilir, həmin kitabxanalarda bu kitablar uğurla nümayiş olunur.

Kitabxananın direktor müavini Ədibə İsmayılova, bölmə müdiri Könül Əhmədova, oxucu Sevil İslamova çıxış edərək Prezidentimizə cansağlığı, işlərində uğurlar arzulamışlar.

Sərgidə cənab Prezidentin siyasi fəaliyyətindən bəhs edən Azərbaycan, rus və digər dillərdə 200-dən artıq kitab nümayiş olunmuşdur.

M. MÜKƏRRƏMOĞLU

Xalq qəzeti.- 2016.- 25 dekabr.- S.7.