Milli Kitabxanada ulu öndərə

həsr olunmuş kitab sərgisi

Ümummilli lider Heydər Əliyevin anadan olmasının 94-cü ildönümü münasibətilə Milli Kitabxanada “Azərbaycanın özü qədər əbədi olan şəxsiyyəti – Heydər Əliyev” adlı geniş kitab sərgisi açılmışdır.

Səginin açılış mərasimində çıxış edən Milli Kitabxananın direktoru, professor Kərim Tahirov ulu öndərin həyat yoluna nəzər salmış, müstəqil Azərbaycanın memarının ölkənin inkişafı yolunda əvəzsiz xidmətlərindən danışmışdır. O, respublikanın tənəzzülə uğradığı bir vaxtda hakimiyyətə gələn dahi şəxsiyyətin dövlətçilik təcrübəsindən, hakimiyyəti müddətində vaxt ayırıb 4 dəfə Milli Kitabxanaya səfər etməsindən, bu gün ümummilli liderin məqsədyönlü siyasətinin davamçısı olan Prezident İlham Əliyevin müstəqil Azərbaycanı daha da çiçəkləndirməsindən, həyata keçirdiyi davamlı islahatlardan söhbət açmışdır.

Milli Kitabxananın direktor müavinləri – Ədibə İsmayılova və Mələkxanım Hacıyeva ümummilli liderin şərəfli ömür yolundan, siyasi, iqtisadi, ictimai həyatın bütün sahələrində gördüyü işlərdən, əldə olunan nailiyyətlərdən danışmışlar.

Sonra iştirtakçılar ümummilli liderin həyat və siyasi fəaliyyətini əks etdirən, Azərbaycan və xarici dillərdə nəşr edilən 200 adda ədəbiyyatı əhatə edən kitab sərgisi ilə tanış olmuşlar.

M. Mükərrəmoğlu

Xalq qəzeti.- 2017.- 11 may.- S.15.