Bakı şəhərinin Xəzər rayonundakı Türkan qəsəbə Mədəniyyət Evinə Ağaxan Abdullayevin  adının  verilməsi    Azərbaycan Respublikası Nazirlər Kabinetinin 2014-cü il 17 iyun tarixli 196 nömrəli  qərarı  ilə  təsdiq  edilmiş  “Azərbaycan Respublikası Mədəniyyət  və Turizm Nazirliyinin strukturuna daxil  olmayan tabeliyindəki qurumların Siyahısı”nda dəyişiklik edilməsi barədə

 

Azərbaycan Respublikası Nazirlər Kabinetinin Qərarı

 

¹ 512

Bakı şəhəri, 27 noyabr 2017-ci il

 

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq və Azərbaycan Respublikası Mədəniyyət və Turizm Nazirliyinin təklifinə əsasən Azərbaycan Respublikasının Nazirlər Kabineti QƏRARA ALIR:

1. Bakı şəhərinin Xəzər rayonundakı Türkan qəsəbə Mədəniyyət Evinə görkəmli muğam ustası, Azərbaycan Res-publikasının Xalq artisti Ağaxan Abdullayevin adı verilsin.

2. Azərbaycan Respublikası Nazirlər Kabinetinin 2014-cü il 17 iyun tarixli 196 nömrəli qərarı (Azərbaycan Respublikasının Qanunvericilik Toplusu, 2014, ¹ 6, maddə 749; 2015, ¹ 3, maddələr 333, 338, ¹ 4, maddə 455, ¹ 6, maddə 801, ¹ 10, maddə 1220, ¹ 11, maddə 1425; 2016, ¹ 6, maddə 1195, ¹ 10, maddə 1731, ¹ 11, maddə 1944, ¹ 12, maddə 2243; 2017, ¹ 4, maddə 635) ilə təsdiq edilmiş “Azərbaycan Respublikası Mədəniyyət və Turizm Nazirliyinin strukturuna daxil olmayan tabeliyindəki qurumların Siyahısı”nın “I. Büdcədən maliy-yələşdirilən qurumlar” bölməsinin “5. Mədəniyyət mərkəzləri, evləri və klubları” hissəsinin 5.1.17-ci yarımbəndinə “Türkan” sözündən əvvəl “Ağaxan Abdullayev adına” sözləri əlavə edilsin.

 

Artur RASİ-ZADƏ,

Azərbaycan Respublikasının Baş naziri

 

Xalq qəzeti.- 2017.- 29 noyabr.- S.13.