“Tikintisi başa çatmayan binanın yerləşdiyi torpaq sahəsində müvafiq
tərkib hissələrin bağlı olduğu
payların nisbətini müəyyənləşdirən
bölünmə planının
razılaşdırılması Qaydası”nın təsdiq
edilməsi barədə
AZƏRBAYCAN RESPUBLİKASI NAZİRLƏR KABİNETİNİN QƏRARI
ą 568
Bakı şəhəri,
27 dekabr 2018-ci il
“Azərbaycan
Respublikasının Mülki Məcəlləsində dəyişikliklər
edilməsi haqqında” Azərbaycan Respublikasının 2017-ci
il 15 dekabr tarixli 918-VQD nömrəli Qanununun tətbiqi və
“Azərbaycan Respublikasının Mülki Məcəlləsinin
təsdiq edilməsi, qüvvəyə minməsi və bununla
bağlı hüquqi tənzimləmə məsələləri
haqqında” Azərbaycan Respublikası Qanununun tətbiq edilməsi
barədə” Azərbaycan Respublikası Prezidentinin 2000-ci il 25
avqust tarixli 386 nömrəli Fərmanında dəyişiklik
edilməsi haqqında” Azərbaycan Respublikası Prezidentinin
2018-ci il 5 fevral tarixli 1807 nömrəli Fərmanının
1.2-ci bəndinin icrasını təmin etmək məqsədi
ilə Azərbaycan Respublikasının Nazirlər Kabineti
QƏRARA ALIR:
1.
“Tikintisi başa çatmayan binanın yerləşdiyi torpaq
sahəsində müvafiq tərkib hissələrin
bağlı olduğu payların nisbətini müəyyənləşdirən
bölünmə planının
razılaşdırılması Qaydası” təsdiq edilsin (əlavə
olunur).
2. Bu
Qərarda dəyişikliklər Azərbaycan Respublikası
Prezidentinin 2002-ci il 24 avqust tarixli 772 nömrəli Fərmanı
ilə təsdiq edilmiş “İcra hakimiyyəti
orqanlarının normativ hüquqi aktlarının
hazırlanması və qəbul edilməsi qaydası
haqqında Əsasnamə”nin 2.6-1-ci bəndinə uyğun edilə
bilər.
Azərbaycan
Respublikası Nazirlər Kabinetinin 2018-ci il 27 dekabr tarixli 568
nömrəli Qərarı ilə təsdiq edilmişdir.
Tikintisi
başa çatmayan binanın yerləşdiyi torpaq sahəsində
müvafiq tərkib hissələrin bağlı olduğu
payların nisbətini müəyyənləşdirən
bölünmə planının
razılaşdırılması
QAYDASI
1. Ümumi müddəalar
1.1.
“Tikintisi başa çatmayan binanın yerləşdiyi torpaq
sahəsində müvafiq tərkib hissələrin
bağlı olduğu payların nisbətini müəyyənləşdirən
bölünmə planının
razılaşdırılması Qaydası” (bundan sonra – Qayda)
Azərbaycan Respublikasının Mülki Məcəlləsinin
144.5-ci maddəsinin ikinci cümləsinə uyğun olaraq
hazırlanmışdır.
1.2.
Bu Qayda tikintisi başa çatmayan binanın (bundan sonra – bina)
yerləşdiyi torpaq sahəsində müvafiq tərkib hissələrin
bağlı olduğu payların (bundan sonra – pay) nisbətini
müəyyənləşdirən bölünmə
planının (bundan sonra – bölünmə planı)
hazırlanmasını, razılaşdırılmasını
və notarius tərəfindən təsdiq edilməsini tənzimləyir.
1.3.
Bu Qaydada istifadə olunan əsas
anlayışlar aşağıdakı mənaları ifadə
edir:
1.3.1.
binanın yerləşdiyi torpaq sahəsi – bölünmə
planı əsasında paylara bölünməsi nəzərdə
tutulan torpaq sahəsi;
1.3.2.
tikintiyə icazə verən orqan (qurum) - Azərbaycan
Respublikasının Prezidenti tərəfindən müəyyən
edilən, tikinti obyektlərinin tikintisinə icazə verən
orqan və qurumlar;
1.3.3.
layihəçi - Azərbaycan Respublikasının Şəhərsalma
və Tikinti Məcəlləsinin 3.0.43-cü maddəsində
göstərilən şəxs.
1.4.
Bu Qaydanın tələbləri Azərbaycan
Respublikasının Şəhərsalma və Tikinti Məcəlləsinin
89.1.6-cı və 89.1.7-ci maddələrində nəzərdə
tutulan layihələr üzrə tərkib hissələrdən
ibarət tikinti obyektlərinin tikintisinə şamil olunmur.
2.
Bölünmə planının hazırlanması
2.1.
Bölünmə planı tikinti layihəsinin
memarlıq-planlaşdırma və tikinti ərazisinin baş
planı bölmələri əsasında torpaq sahəsinin
mülkiyyətçisi (bundan sonra – mülkiyyətçi) tərəfindən
hazırlanır. Mülkiyyətçi bölünmə
planının hazırlanmasını layihəçiyə
sifariş verə bilər.
2.2.
Bölünmə planının hazırlanması
üçün binanın və onun tərkib hissələrinin
sahəsi Azərbaycan Respublikasının Şəhərsalma
və Tikinti Məcəlləsinin 59.1-ci maddəsinə
uyğun olaraq tikinti obyektinin sahəsinin və həcminin
hesablanması qaydalarına əsasən müəyyən
edilir.
2.3.
Bölünmə planında aşağıdakılar əks
olunmalıdır:
2.3.1.
mülkiyyətçi haqqında məlumat:
2.3.1.1.
fiziki şəxs olduqda - soyadı, adı, atasının
adı;
2.3.1.2.
hüquqi şəxs olduqda - hüquqi şəxslərin
dövlət reyestrindən çıxarışın surəti;
2.3.1.3.
dövlət olduqda - binanın sifarişçisi olan dövlət
qurumunun adı;
2.3.1.4.
bələdiyyə olduqda - binanın sifarişçisi olan bələdiyyənin
adı;
2.3.2.
binanın yerləşdiyi torpaq sahəsi üzərində
hüquqların dövlət qeydiyyatına alınmasına
dair daşınmaz əmlakın dövlət reyestrindən
verilən çıxarışın reyestr nömrəsi;
2.3.3.
tikintiyə icazənin tarixi və nömrəsi;
2.3.4. binanın ümumi sahəsi;
2.3.5.
binanın ümumi mülkiyyətdə olan sahəsi;
2.3.6.
binanın yerləşdiyi torpaq sahəsinin ölçüləri
(kvadratmetrlə), habelə sərhədlərinin döngə
nöqtələrinın sayı və onların hər
birinin koordinatları;
2.3.7.
tikinti sahəsinin və tikinti ərazisinin kvadratmetrlə
ölçüsü;
2.3.8.
binanın yerləşdiyi torpaq sahəsində müvafiq tərkib
hissələrin bağlı olduğu paylar barədə:
2.3.8.1.
payların sayı (payların sayı binanın tərkib hissələrinin
sayı ilə eynilik təşkil etməlidir);
2.3.8.2.
payların nömrəsi;
2.3.8.3.
hər bir paya bağlı olan tərkib hissə;
2.3.8.4.
hər bir payın binanın yerləşdiyi torpaq sahəsində
və binadakı bütün tərkib hissələrin cəmi
sahəsinə faizlə müəyyən edilən nisbəti
(hər iki halda faizlə müəyyən edilən nisbət
eynilik təşkil etməlidir);
2.3.9.
binanın mərtəbələri barədə:
2.3.9.1.
mərtəbələrinin sayı;
2.3.9.2.
yerüstü mərtəbələrin sayı;
2.3.9.3.
yeraltı mərtəbələrin sayı;
2.3.9.4.
yerüstü mərtəbələrin
bölündüyü tərkib hissələrin sayı;
2.3.9.5.
yeraltı mərtəbələrin bölündüyü tərkib
hissələrin sayı;
2.3.9.6.
hər bir mərtəbədə yerləşən tərkib
hissələrin nömrələri və mövqeyi;
2.3.10.
binanın tərkib hissələri barədə:
2.3.10.1.
tərkib hissələrin sayı;
2.3.10.2.
hər bir tərkib hissənin ayrı-ayrılıqda sahəsi,
nömrəsi, mərtəbəsi və mərtəbədə
mövqeyi;
2.3.10.3.
tərkib hissələrin cəmi sahəsi;
2.3.10.4.
yaşayış sahələrinin sayı və cəmi sahəsi;
2.3.10.5.
qeyri-yaşayış sahələrinin sayı və cəmi
sahəsi;
2.3.11.
binanın yerləşdiyi torpaq sahəsinin qrafiki təsviri;
2.3.12.
bölünmə planının tərtib olunma tarixi;
2.3.13.
bölünmə planının
razılaşdırılması və təsdiq edilməsi ilə
bağlı qeydlərin aparılması üçün nəzərdə
tutulan müvafiq hissə (yer).
2.4.
Bölünmə planının hər bir səhifəsi
mülkiyyətçi tərəfindən təsdiqlənməlidir.
Bölünmə planı mülkiyyətçi fiziki şəxs
olduqda – fiziki şəxsin imzası ilə, hüquqi şəxs
olduqda – hüquqi şəxsin rəhbərinin imzası və
hüquqi şəxsin möhürü ilə, dövlət
olduqda – dövlət orqanının (qurumunun) rəhbərinin
(onun həvalə etdiyi vəzifəli şəxsin) imzası
və dövlət orqanının (qurumunun) möhürü
ilə, bələdiyyə olduqda isə bələdiyyə sədri
və bələdiyyənin möhürü ilə təsdiqlənir.
2.5.
Bölünmə planını layihəçi
hazırladığı halda, eyni zamanda layihəçi tərəfindən
də təsdiqlənməlidir. Bölünmə
planının hər bir səhifəsini layihəçi
fiziki şəxs olduqda imzası ilə, hüquqi şəxs
olduqda isə hüquqi şəxsin rəhbərinin imzası
və hüquqi şəxsin möhürü ilə təsdiq
edir.
3.
Bölünmə planının tikintiyə icazə verən
orqanla (qurumla)
razılaşdırılmasının
prosedur qaydaları
3.1.
Mülkiyyətçi bölünmə planının
razılaşdırılması üçün tikintiyə
icazə verən orqana (quruma) “İnzibati icraat haqqında” Azərbaycan
Respublikası Qanununun 29-cu və 30-cu maddələrində nəzərdə
tutulmuş qaydada bilavasitə və ya bölünmə
planını təsdiq edəcək notarius vasitəsilə ərizə
təqdim edir.
3.2.
Ərizə mülkiyyətçi tərəfindən tikintiyə
icazə verən orqana (quruma) şəxsən verildikdə –
verildiyi gün, poçt rabitəsi, yaxud notarius vasitəsilə
göndərildikdə isə poçta, yaxud notariusa təqdim
edildiyi gündən 5 (beş) iş günü keçdikdən
sonra lazımi qaydada çatdırılmış
sayılır.
3.3.
Ərizəyə aşağıdakı sənədlər əlavə
edilir:
3.3.1.
mülkiyyətçi fiziki şəxs olduqda – fiziki şəxsin
şəxsiyyətini təsdiq edən sənədin surəti,
hüquqi şəxs olduqda – hüquqi şəxslərin
dövlət reyestrindən çıxarışın surəti;
3.3.2.
ərizədə qeyd olunan torpaq sahəsi üzərində
mülkiyyətçinin mülkiyyət hüququnu təsdiq
edən sənədin surəti;
3.3.3.
bu Qaydanın 2.3-cü bəndinə uyğun tərtib
olunmuş bölünmə planı;
3.3.4.
tikintiyə icazənin surəti.
3.4.
Ərizə tikintiyə icazə verən orqan (qurum) tərəfindən
“İnzibati icraat haqqında” Azərbaycan Respublikası Qanununun
31-ci maddəsinə uyğun olaraq qəbul edilir, qeydiyyata
alınır və ərizənin qəbul edildiyi gündən
ən geci 2 (iki) iş günü müddətində ərizənin
qeydiyyat tarixi və nömrəsi haqqında ərizəçiyə
arayış verilir və ya göndərilir. Ərizəçiyə
verilən və ya göndərilən arayışa həmçinin
hər bir səhifəsinə tikintiyə icazə verən
orqan (qurum) tərəfindən müvafiq ştamp vurulmuş
bölünmə planının da bir nüsxəsi əlavə
olunur.
3.5.
Tikintiyə icazə verən orqan (qurum) mülkiyyətçinin
təqdim etdiyi ərizənin və ona əlavə edilmiş
sənədlərin bu Qaydanın 3.1-ci və 3.3-cü bəndlərinin
tələblərinə, bölünmə planının isə
bu Qaydanın 2.3-cü bəndinin tələblərinə və
binanın tikinti layihəsinə uyğunluğunu yoxlayır.
Ərizədə və ona əlavə edilmiş sənədlərdə
aradan qaldırılması mümkün olan və
razılaşdırılmadan imtinaya səbəb olmayan
çatışmazlıqlar, o cümlədən müvafiq
payla həmin paya bağlı olan müvafiq tərkib hissənin
sahəsi arasındakı nisbətin düzgün müəyyənləşdirilmədiyi
aşkar edildikdə, ərizənin qeydiyyata
alındığı tarixdən 10 (on) iş günündən
gec olmayaraq, tikintiyə icazə verən orqan (qurum) onların
aradan qaldırılması barədə məlumatı
mülkiyyətçiyə təqdim edir və ya sifarişli
poçt göndərişi vasitəsilə göndərir, həmçinin
formal tələblərə əməl olunmamasının
hüquqi nəticələrini ona izah edir. Bütün
çatışmazlıqlar eyni zamanda mülkiyyətçiyə
bildirilməlidir.
3.6.
Mülkiyyətçi həmin
çatışmazlıqları məlumatı
aldığı vaxtdan ən geci 5 (beş) iş günü
müddətində aradan qaldırmalıdır. Bu zaman
müraciətlə bağlı müddətin axımı
dayandırılır və dayandırılmış müddət
razılaşdırılma müddətinə daxil edilmir.
Çatışmazlıqların aradan qaldırılması
barədə mülkiyyətçinin müraciətindən
sonra müddətin axımı bərpa olunur.
3.7.
Mülkiyyətçi ərizədə və ona əlavə
edilmiş sənədlərdə aşkar olunmuş
çatışmazlıqları bu Qaydanın 3.6-cı bəndində
göstərilən müddətdə aradan
qaldırmadıqda, tikintiyə icazə verən orqan (qurum) ərizənin
baxılmamış saxlanılması haqqında inzibati akt qəbul
edir və bu barədə məlumatı 2 (iki) iş
günü müddətində mülkiyyətçiyə təqdim
edir və ya sifarişli poçt göndərişi vasitəsilə
göndərir.
3.8.
Mülkiyyətçi aşkar olunmuş
çatışmazlıqları aradan qaldırdıqdan sonra
təkrar ərizə ilə tikintiyə icazə verən
orqana (quruma) müraciət edə bilər.
3.9.
Tikintiyə icazə verən orqan (qurum) təqdim olunmuş ərizəyə
və ona əlavə edilmiş sənədlərə
baxılmanın nəticəsi əsasında ərizənin
qeydiyyata alındığı tarixdən 20 (iyirmi) iş
günündən gec olmayaraq, bölünmə
planının razılaşdırılması və ya
razılaşdırılmasından imtina haqqında
“İnzibati icraat haqqında” Azərbaycan Respublikası Qanununun
VI fəslinə uyğun olaraq inzibati akt qəbul edir.
3.10.
Tikintiyə icazə verən orqan (qurum) bölünmə
planının razılaşdırılması haqqında
inzibati akt qəbul etdikdə, bu Qaydanın 2.3.12-ci yarımbəndinə
uyğun olaraq bölünmə planının müvafiq hissəsində
tikintiyə icazə verən orqanın (qurumun) adı,
möhürü, vəzifəli şəxsin soyadı,
adı, atasının adı və imzası göstərilməklə
müvafiq qeyd aparır.
3.11.
Bölünmə planının
razılaşdırılmasından aşağıdakı
hallarda imtina edilir:
3.11.1.
bölünmə planında yaşayış sahəsi kimi nəzərdə
tutulan tərkib hissəsi Azərbaycan Respublikasının Mənzil
Məcəlləsində yaşayış sahələri
üçün müəyyən edilən tələblərə
uyğun olmadıqda;
3.11.2.
bölünmə planında qeyri-yaşayış sahəsi
kimi müəyyən edilən tərkib hissəsinə
binanın ümumi istifadədə olan sahələrindən və
ya yerləşdiyi torpaq sahəsindən birbaşa daxil olmaq
imkanı nəzərdə tutulmadıqda.
3.12.
Bölünmə planının
razılaşdırılmasından imtina haqqında inzibati akt
tikintiyə icazə verən orqanın (qurumun) rəhbəri və
ya onun həvalə etdiyi vəzifəli şəxs tərəfindən
imzalanır və möhürlə təsdiq edilir. Həmin
inzibati akt qəbul olunduğu tarixdən 2 (iki) iş
günü müddətində mülkiyyətçiyə təqdim
edilir və ya sifarişli poçt göndərişi vasitəsilə
göndərilir.
3.13.
Bu Qaydanın 3.9-cu bəndində nəzərdə tutulan
müddət ərzində münasibət bildirilmədiyi təqdirdə,
təqdim edilmiş bölünmə planı
razılaşdırılmış hesab edilir. Həmin bənddə
nəzərdə tutulan müddətin başa
çatmasından 5 (beş) iş günü keçdikdən
sonra mülkiyyətçi bu Qaydanın 3.4-cü bəndinə
əsasən verilən və ya göndərilən
arayışı hər bir səhifəsinə müvafiq
ştamp vurulmuş bölünmə planı ilə birlikdə
notariusa təqdim etməklə, bölünmə
planının təsdiq edilməsini tələb edə bilər.
3.14.
Bu Qaydanın 3.9-cu bəndinə uyğun olaraq bölünmə
planının razılaşdırılması bölünmə
planının bir nüsxəsi tikintiyə icazə verən
orqanda (qurumda) saxlanılması, bir nüsxəsinin mülkiyyətçiyə
verilməsi və iki nüsxəsinin notariusa təqdim edilməsi
üçün 4 (dörd) nüsxədə tərtib edilərək
həyata keçirilir.
4.
Bölünmə planının tikintiyə icazə verilməsi
zamanı razılaşdırılması
4.1.
Mülkiyyətçi tikintiyə icazə almaq
üçün tikintiyə icazə verən orqana (quruma)
etdiyi müraciətində eyni zamanda bölünmə
planının razılaşdırılmasını da tələb
edə bilər.
4.2.
Bu Qaydanın 4.1-ci bəndində göstərilən halda
mülkiyyətçi Azərbaycan Respublikasının Şəhərsalma
və Tikinti Məcəlləsinin 75-ci maddəsinə
uyğun olaraq təqdim etdiyi müraciətə, bu Qaydanın
2-ci hissəsinə əsasən hazırladığı
bölünmə planını (bu Qaydanın 2.3.3-cü
yarımbəndində nəzərdə tutulan məlumat
göstərilmədən) əlavə edir.
4.3.
Bu hissənin tələblərinin məqsədləri
üçün tikintiyə icazə verən orqan (qurum)
bölünmə planının
razılaşdırılmasını Azərbaycan
Respublikasının Şəhərsalma və Tikinti Məcəlləsinə
əsasən tikintiyə icazə verilməsinin prosedur
qaydaları çərçivəsində bu Qaydaya uyğun
olaraq həyata keçirir və tikintiyə icazə
bölünmə planının
razılaşdırılması haqqında inzibati akt hesab
olunur. Tikintiyə icazə verən orqan (qurum) bir nüsxəsini
tikintiyə icazəyə əlavə edilməsi şərtilə,
bu Qaydanın 3.14-cü bəndinə uyğun olaraq
bölünmə planının
razılaşdırılmasını 4 (dörd) nüsxədə
tərtib edərək həyata keçirir.
5. Bölünmə planının
notarius tərəfindən təsdiq edilməsi
5.1.
Tikintiyə icazə verən orqanla (qurumla)
razılaşdırıldıqdan sonra, mülkiyyətçinin
müraciəti əsasında notarius tərəfindən
bölünmə planı üç nüsxədə - iki
nüsxəsi notariusda, bir nüsxəsi mülkiyyətçidə
qalması məqsədi ilə tərtib edilərək təsdiq
edilir.
5.2.
Notarius təsdiq etdiyi bölünmə planını dərhal
elektron informasiya sistemləri vasitəsilə daşınmaz əmlakın
dövlət reyestrinə və Tikintilərin Dövlət
Reyestrinə, 2 (iki) iş günü müddətində isə
təsdiqlənmiş yazılı formada sifarişli poçt
göndərişi vasitəsilə daşınmaz əmlakın
dövlət reyestrinə göndərir.
5.3.
Bölünmə planının təsdiq edilməsi “Notariat
haqqında” Azərbaycan Respublikasının Qanununa uyğun
olaraq həyata keçirilir.
5.4.
Mülkiyyətçi tərəfindən tərtib edilən
bölünmə planı bu Qaydaya uyğun təsdiq edildikdən
sonra mülkiyyətçinin bölünmə nəticəsində
yaranan paylarının hər birinə mülkiyyət
hüququ daşınmaz əmlakın dövlət reyestrində
qeydə alınır.
5.5.
Daşınmaz əmlakın dövlət reyestri
daşınmaz əmlakın dövlət reyestrində
bölünmə nəticəsində yaranan payların hər
birinə mülkiyyət hüququnun dövlət
qeydiyyatına alınması barədə məlumatı qeydiyyatın
aparıldığı gündən 3 (üç) iş
günü müddətində Tikintilərin Dövlət
Reyestrinə və bölünmə planını təsdiq
etmiş müvafiq notariusa təqdim edir.
5.6.
Tikintilərin Dövlət Reyestrinə bu Qaydanın 5.2-ci bəndinə
uyğun olaraq təqdim olunan bölünmə planı və
5.5-ci bəndinə uyğun olaraq təqdim olunan məlumat 3
(üç) iş günü müddətində Reyestrin
internet səhifəsində yerləşdirilməlidir.
Novruz MƏMMƏDOV
Azərbaycan Respublikasının
Baş naziri
Xalq qəzeti.- 2018.- 29 dekabr.- S.6.