UNESKO-nun Ümumdünya İrs
Komitəsinin 43-cü sessiyası nominasiyaların təqdimatı
ilə davam edir
Bir sıra
ölkələrin mədəni irs nümunələri
UNESKO-nun siyahısına salınıb
Bakıda UNESKO-nun Ümumdünya
İrs Komitəsinin 43-cü sessiyası iyulun 6-da öz
işini nominasiyaların təqdimatı ilə davam etdirir.
AZƏRTAC xəbər verir ki, tədbiri açan sessiyanın təşkilat komitəsinin sədri, Azərbaycanın Mədəniyyət naziri Əbülfəs Qarayev dünənki iclasda 8 nominasiyanın UNESKO-nun Dünya İrs Siyahısına salındığını xatırladıb. Əlavə edib ki, bu gün də yeni nominasiyalar sıyahıya daxil ediləcək. “Bizi qarşıda gərgin müzakirələr gözləyir”, - deyə nazir bildirib.
Sessiya öz işinə Bəhreynin Dilmun kurqanları ilə bağlı nominasiyanın müzakirəsi ilə başlayıb. Bildirilib ki, Dilmun çox əhəmiyyətli bir ticarət yolu idi. Özünün inkişaf mərhələsində Bəhreyn, Küveyt və Səudiyyə Ərəbistanının ərazilərini əhatə edirdi.
Avstraliya, Çin, Küveyt və İspaniya nümayəndələri hazırlanmış faylı yüksək qiymətləndirib və Bəhreynin Dilmun kurqanları UNESKO-nun Dünya İrs Siyahısına salınıb.
Sonra Avstraliyanın Buc Bim mədəni landşaftı nominasiyası müzakirə edilib. Macarıstan, Çin, Norveç, İspaniya və digər üzv ölkələrin nümayəndələri 660 min il yaşı olan bu mədəni landşaftla bağlı hazırlanmış faylı yüksək dəyərləndiriblər və bu nominasiya UNESKO-nun siyahısına daxil edilib.
Növbəti müzakirə Cinin təqdim etdiyi Lyançju şəhərindəki arxeoloji qalıqlarla bağlı olub. Bildirilib ki, burada tapılan arxeoloji tapıntılar Çin sivilizasiyasının mənşəyini öyrənməyə yaxşı imkan yaradır. Üzv dövlətlər tərəfindən 5 min il yaşı olan Lyançju şəhərinin tarixi irsinin qorunmasının vacibliyi vurğulanıb. Müzakirələr nəticəsində qədim Çin sivilizasiyasının bu nümunəsi Dünya İrs Siyahısına salınıb.
Daha bir nominasiya Hindistanda yerləşən
Caypur şəhəri
ilə bağlı olub. Bu şəhər hindu sivilizasiyasının
qalıqlarını özündə
əks etdirir. Divarlarla əhatə olunmuş köhnə şəhərin memarlığında
çəhrayı qum daşından çox istifadə edildiyi üçün Caypur “çəhrayı şəhər” kimi məşhurdur. Onun düzgün planlaşdırılması
qədim Hind memarlığı
ənənələrinin davamıdır.
Müzakirələrdən sonra Hindistanın Caypur şəhəri
UNESKO-nun siyahısına daxil
edilib.
İndoneziyadakı Savahlunto kömür mədəni ilə bağlı nominasiya müzakirə edilərkən
bildirilib ki, bu, çox önəmli bir mədəni irsdir. Müzakirələrdən sonra mədən Dünya İrs Siyahısına salınıb.
Günün müzakirə olunan növbəti faylı isə Yaponiyanın “Mozu-Furuichi Kofun Qrupu” (qədim məzarlıq) ilə bağlı olub. Kofun dövrünü
əks etdirən bu məzarlıqlar yüksək sosial sinfin nümayəndələri,
xüsusilə də
imperator ailəsinin üzvlərini
dəfn etmək üçün yaradılıb.
Bildirilib
ki, bu məzarlıq
yerli əhali tərəfindən 1500 ildir
qorunmaqdadır. Yaponiyanın təqdim etdiyi nominasiya heç bir düzəliş edilmədən UNESKO-nun siyahısına
salınıb.
Laos Xalq Demokratik Respublikasının
təqdim etdiyi nominasiya “Megalittich Jar Sites
of Xienghuang” ərazisi
ilə bağlı olub. Məruzəçi düzəlişlə
bağlı təklifin
olmadığını bildirib
və ərazi irs siyahısına
salınıb. Laosun nümayəndəsi
siyahıya daxil edilən hər bir nümunənin ümumdünya mədəni
irsinin bir parçası olduğunu
bildirib. O, Azərbaycan
dövlətinə təşəkkür
edərək Bakı şəhərinin əsrarəngiz
gözəlliyindən bəhs
edib.
Günün ikinci yarısında sessiyada əvvəlcə
ICOMOS Myanmanın “Bagan”
nominasiyasını təqdim
edib. Bildirilib ki, Myanmada yerləşən Bagan məbədi buddistlərin
tarixi məkanıdır.
Ərazidə 3595 abidə yerləşir.
1975-ci və 2016-cı illərdəki zəlzələ
nəticəsində buradakı
bir neçə abidəyə zərər
dəyib. Üzv ölkələrin
fikirləri dinlənildikdən
sonra “Bagan” nominasiyası UNESKO-nun Dünya
İrs Siyahısına
salınıb.
Sonra Koreya Respublikasının Seovon Akademiyası ilə bağlı nominasiya barədə geniş məlumat verilib. Bildirilib ki, bu akademiya XVI-XVII əsrlərdə
fəaliyyət göstərib
və böyük tarixi ənənə yaradıb. Bu ənənə bu gün müasir təhsil sisteminin də inkişafında mühüm rol oynayır. Akademiya müasir Konfutsi
təhsil sisteminin formalaşmasına güclü
təsir göstərib.
Müzakirələrdən sonra Koreya Respublikasının təqdim
etdiyi fayl UNESKO-nun siyahısına daxil edilib.
Müzakirəyə çıxarılan Avstriyanın
“Alp dağları yolu”
nominasiyası bəzi
çatışmazlıqlar səbəbindən qəbul
edilməyib. Üzv dövlətlərin nümayəndələri fayla
bəzi dəyişikliklərin
olmasını zəruri
hesab edərək öz tövsiyələrini
veriblər.
Sonra Avstriya, Almaniya, Macarıstan və Slovakiyanın təqdim etdiyi “Qədim Roma sərhəd xətti” faylı müzakirə olunub. Bu fayl da bəzi nöqsanlar səbəbindən təsdiq
edilməyib.
Kanadanın "Daşlar üzərində
yazı" nominasiyasının
müzakirələri zamanı
bu ərazidə aborigen əhalinin adət-ənənələrinin qorunması ilə bağlı fikirlər səslənib. Çin, Tunis, Avstriya, Avstraliya
bu nominasiyanı dəstəkləyib və
bu ərazidə qaradərili sakinlərin linqvistik hüquqlarının
qorunmasına xidmət
etdiyi vurğulanıb.
Fayl qəbul edildikdən sonra ərazinin qaradərili icmasının
nümayəndəsi nominasiya
ilə bağlı əlavə addımların
atılacağını diqqətə
çatdırıb. O, ərazinin qədim mədəni irsinin gələcək nəsillərə
çatdırılması üçün atılan
bu addıma görə komitəyə
minnətdarlığını bildirib.
Növbəti fayl Almaniya və
Çexiyanın birgə
hazırladığı Erzgebirde
Kruştohoni məbədi
ilə bağlı olub. Bildirilib ki, 2004-cü ildə
bu nominasiya müzakirəyə çıxarılsa
da, sonradan geri götürülüb.
Sonradan hər iki ölkənin ərazisini əhatə edən bu məbədlə
bağlı geniş iş aparılıb. 800 ilə yaxın
tarixi olan bu məbəddə ötən dövr ərzində böyük
dəyişikliklər olub.
22 bölmədən ibarət bu nominasiya da müzakirə
olunduqdan sonra qəbul edilib.
Çexiyanın təqdim etdiyi "Kladrubi və Labem mərasim atlarının təlimi və yerləşdirilməsi" nominasiyası
barədə məlumatda
bildirilib ki, bu, Habsburq imperiyasının
XVI əsrə aid fermer
təsərrüfatına aid bir fayldır. Bu ərazi Avropada atçılığın inkişafına
öz təsirini göstərib. Müzakirələrdən sonra nominasiya qəbul edilib.
Sonra Almaniyanın hazırladığı
“Auqsburq su idarəetmə sistemi” nominasiyası müzakirəyə
çıxarılıb. Yeddi əsrdən
çoxdur ki, bu sistemdən istifadə edildiyi bildirilib. Fayl 22 elementdən ibarətdir.
İkinci Dünya müharibəsi
zamanı sistemə müəyyən zərər
dəysə də, sonrada bərpa edilib. Müzakirələrdən sonra Almaniyanın
təqdim etdiyi fayl UNESKO-nun Dünya İrs Siyahısına salınıb.
Polşanın "Krzemionki qədim tarix mədən regionu" nominasiyasının
müzakirəsində ICOMOS-un verdiyi tövsiyələr
dinlənilib. 78 hektar
ərazini əhatə
edən mədən sistemi tarixi baxımdan da əhəmiyyətli hesab olunub. Polşanın nominasiyası ilə
əlaqədar üzv
ölkələrin əlavələri,
tövsiyələri dinlənilib.
Müzakirələrdən sonra fayl qəbul edilib.
Sessiya işini iyulun 7-də davam etdirəcək.
Azərbaycan.- 2019.-7 iyul.- S.3.